IACT

"كله على الله"
لو تعبت وتعبك ماتقدرش متشال ليك عنده .. لو ضحيت وتضحيتك ماتشافتش هو شافها .. معاملتك الحلوة اللي إتقابلت بمعاملة وحشة متحوشالك ومسيرها تتردلك .. الضرر قادر يحوشه عنك .. الخير قادر يرزقك بيه كمان ٣ دقايق من حيث لا تدري .. فـ حرفياً أياً كان الموقف أو السؤال حله وإجابته عنده .. وكله على الله.

** لما بنودى ولادنا التمارين بنوديهم عشان يفرغوا طاقتهم ⛹🏽 ... بس اللى احنا بنعمله فيهم خلال رحلة التمرين بتخليهم يرجعوا مشحونين بطاقة سلبية بسببنا 😒
زعيق ونرفزه وكل يوم نفس الخناقات.
طب ما ممكن نشوف سبب الخناقات بتاعة كل يوم ونحاول نحلها 🤔... يعنى لو بتزعقى عشان بيتدلع وهو بيلبس ومش بينجز صحيه بدرى شوية عن الميعاد الطبيعى اللى بيصحى فيه 😴عشان ينزل التمرين.

**زى ما بنزعق كل ما يعمل حاجة غلط ... لازم نشكره لما يعمل حاجات كويسه 💌ميبقاش كل التعامل زعيق ونقد.

**اديله مسئولية تتناسب مع سنه يعنى خليه مثلًا يخطط لخروجة👪 مع اعتبار انك توجهيه انه ياخد آراء باقى الاسره ويبقى ديمقراطى ... انتى كده بتغرسى فيه تحمل المسئوليه و بتزودى ثقته فى نفسه 🎊

** منعملش ابدًا مقارنة بين اولادنا وبين بعض اوبين ابنك وابن خالته او عمته.... كل واحد ليه شخصيته وليه اللى بيميزه ... متهزيش ثقته فى نفسه او تكرهيه فى حد.👬

**مش طول ماحنا قاعدين مع ناس نقعد نشتكى من الطفل او ننتقده او نزعق قدام الناس✋🏻 حاولى دايمًا تكبريه.

**الدراسات بتاكد ان الضرب بيجيب نتيجة عكسية فى التربية👊🏻.. احنا عارفين ان الاطفال احيانا بيوصلوكى لمرحلة من الاستفزاز ان اعصابك تفلت عليه 😅بس معلش حاولى تمالكى اعصابك.

**واخيرا اتعود تستمتع بولادك سيب تليفونك واتفرج عليهم وهم بيلعبوا مع بعض📲 العب معاهم ... اللحظات اللى بنتفرج على ولادنا فيها وهم بيكبروا دى مش هترجع تانى.