SAKR

16/04/2022

11 ضرر للسكر !

1-السمنة وزيادة الوزن
السكر بيعتبر السبب الاول والاكبر لزيادة الوزن
السكر مش بس سعرات عالية بتتضاف لوجباتك
لا دي كمان من غير اي قيمة غذاءية

✅الاخطر من كدة انها بتسبب مشاكل كتير ف هرموناتك
هرمون اللبتين هو هرمون الشبع السكر بياثر علي اللبتين وبيعمل حاجة اسمها مقاومة اللبتين
وده بيزود عندك الشعور بالجوع وبيقلل الشعور بالشبع
عشان كدة الاشخاص اللي بيزداد عندهم تناول السكريات والعصاير بيزيد وزنهم اكتر من الاشخاص اللي مش بيتناولوا السكريات

✅بالاضافة انه بيزود الدهون الحشوية ودي الدهون اللي بتكون حول الاعضاء وتعتبر من اخطر انواع الدهون ومرتبطة بامراض كتير زي امراض القلب

2-امراض القلب
المشروبات والوجبات اللي بتحتوي ع كتير من السكريات
مرتبطة بنسب عالية من الالتهاب وزيادة مستويات الكوليسترول الضار وارتفاع ضغط الدم
وكل ده بيزود خطر امراض القلب

مرتبط بزيادة الوزن وتصلب الشرايين

زيادة السكر بنسبة من 7ل21% من السعرات بيزود خطر امراض القلب بنسبة 38%

3-حب الشباب
الاطعمة والسكريات والحلويات ليها موءشر جليسيمي عالي وده بيرفع مستوي السكر ف الدم بسرعة والانسولين.
وده بيحفز الالتهاب وزيادة الاندروجين وانتاج الزيت وكل دي عوامل بتعمل حب الشباب
الوجبات عالية ف البروتين منخفضة ف السكريات بتقلل خطر حب الشباب

4-مرض السكر
طبعا مفيش شك ان السكر اهم واخطر سبب لمقاومة الانسولين اللي بينتج عنها بعد كدة مشاكل كتير زي مرض السكر النوع 2
ومفيش شك ان الاشخاص اللي بياخدوا السكريات والعصاير هما الاكتر عرضة لمرض السكر

5-السرطان
السكر من اهم العوامل اللي بتسبب السرطان

الاستهلاك العالي للسكر هيزود الالتهاب ومقاومة الانسولين وتقدر تقول دي البداية للسرطان.
وخاصة سرطان المعدة والمريء وبطانة الرحم

6-الاكتءاب
عكس ما انت متخيل ان السكريات بتحسن المود
الكلام ده غلط
السكريات مرتبطة بزيادة خطر الاكتءاب

7-الشيخوخة
الكولاجين والإيلاستين من البروتينات المهمة للجلد
والحفاظ ع نضارة البشرة
السكر من اهم العوامل اللي بتستنزف الكولاجين والإيلاستين
ويبدا الجلد يفقد نضارته ويترهل

8-الطاقة
خد شوية عصير بالسكر عشان تاخد طاقة
دي اسوء جملة ممكن تسمعها
للاسف السكر بيرفع مستويات الطاقة عندك لفترة قصيرة وبعدها يبدا يحصل انهيار ف طاقتك بصورة بشعة
وده بيسموه انهيار الطاقة

9-دهون علي الكبد
عامة مرتبط استهلاك كميات عالية من الفركتوز بالكبد الدهني
وده بيعمل دهون ع الكبد لان مهمة الكبد هو تحويل الفركتوز لجليكوجين وبيتخزن ف صورة دهون

10-امراض الكلي
سكريات عالية يعني تلف ف الاوعية الدموية ف الكليتين يعني زيادة خطر امراض الكلي

11-ده كل اللي ممكن تتخيله
✅تسوس الاسنان
✅النقرس
✅ضعف الذاكرة وغيرها

✅السكر هو الاخطر ع صحتك
✅حاول بقدر الامكان مش تبعد عن السكر الابيض بس لا ابعد عن كل مصادر السكر من الكولا حتي لو دايت والعصاير ومشروبات الطاقة
✅ابعد عن اي مصدر للسكر هتلاقي نفسك انسان مختلف تماما

12/02/2022

كورس تغذيه صغير كدا بس حاجه محترمه جدا جدا مقدم من ك / إيهاب أسامه
معمول خصم 50% لأخر الشهر ألحق وأستفاد بالعرض
500 ج بدلا من 1000 ج
لو حابب تشوف المحتوي وتشوف رأي الناس اللي شاركت قبلك في الكورس ادخل علي اللينك دا

Sports Nutrition Course