Conversa Language Academy

العلاَّمَة Michael Swan بيقول...
القاعدة اللي هتشرحها لطلابك لازم تمر بال٣ مراحل دول وخد بالك من الثالثة:
■ Simplicity:
لازم القاعدة اللي بتشرحها تكون بسيطه واللغة اللي بتستخدمها في الشرح تكون اسهل وتستخدم ال techniques اللي تساعد الطلبة تعرف القاعدة وتخمنها من غير ما تبدأ انت تشرحها. (انت بتسهل علي الطالب انه يعرف معلومة جديده عليه، لو العكس حصل يبقي انت محققتش ال aim بتاعك.)
■ Clarity:
لو القاعدة مش واضحه ومش معروف استخدمها ولا اهميتها يبقي مفيش طالب هيستفاد منها بحاجه. (حاجه مش واضحه، مش عارف انا ليه بعرفها، طب ايه اهميتها! = nothing)
■ Relevance:
اهم نقطه لازم ناخد بالنا منها، هل القاعدة دي مهمه للطالب انه يعرفها؟
طب هو فيه قاعدة ممكن تكون مش مهمه للطالب؟
فيه وكتير كمان، ومش للطالب وبس، دا للمدرس كمان!
بنشوف في كتب القواعد من ٣ ل ٥ صفحات بيتكلموا بس عن ال present prefect في حين ان الطالب هو محتاج يعرف استخدمين ليه بس!
1. To describe actions beginning in the past and continuing up to present moment (and possibly into the future): I've planted fourteen rose bushes so far this morning.

2. To refer to actions occurring or not occurring at unspecified time in the past with some kind of connection to present: Have you passed your driving test?

اي استخدام تاني زي مثلا since and for هيرجعك تاني للاستخدامين دول، فانت كدا بتكرر نفسك وتعطي الطالب معلومة انت اصلا شرحتها من شويه. الزمن دا من اسهل الازمنه لكن مع شرحنا الاوفر ليه بنعقد الدنيا في حاجات الطالب مش هيحتجها خالص.

عندك مثلا Alexander و Swan و Raymond Murphy الناس دي في كتبهم من ٣ ل ٤ صفحات بيتكلموا عن المضارع التام ومش كلهم زي بعض، فهتلاقي البعض مفضل في شرحه ال simplicity and clarity وهتلاقي البعض مفضل ال detailed and complex truth.

عشان كدا دايما بقول، مفيش كتاب قواعد هتلاقي فيه كل حاجه انت عاوزها، ولازم تفتح اكتر من كتاب وانت بتحضر لدرس مثلا او لو انت بتقرأ عن معلومة معينه.