Imcan Academy

مضغوط ومتطلبات الحياة كتيره عليك؟ إنت حاسس بانك في صراع دايما أو حاسس إنك قلقان أو مهدد بعدم الاستقرار؟
تعال نعرف الفرق بين الضغط النفسي، التوتر، اضطراب القلق
ببساطه الضغط النفسي دي إستجابتك و رد فعلك علي التحديات اللي بتواجهها في حياتك أما التوتر هو إن بالك يفضل مشغول غصب عنك و لفتره كبيرة بالتحديات دي إضطراب القلق بئي هو إنك تدور علي التحديات و تفضل مشغول بيها من غير م تقدر توقف ده و بيكون مصحوب طبعا باعراض جسميه زي الصداع و عدم إنتظام ضربات القلب و ضيق في التنفس

ساعات كتير بتكون متضايق و مش حاسس إنك مزاحك كويس و ممكن ده يستمر معاك فتره وعلشان تقدر تغير مزاجك للاحسن لازم يكون عندك القدره علي إنك تعرف بالظبط إنت حاسس بإيه و إيه هي المشاعر اللي إنت محتاج تغيرها علشان يكون سؤالك بسيط و واضح أعمل إيه علشان أغير (الشعور كذا) و أبدله (بالشعور المعاكس)

أول حاجة حنوضحها هي الفرق بين أنا حزين أو زعلان و بين أنا مكتئب

ببساطه الحزن هو حاله مزاجيه بس موصلتش لدرجه الإكتئاب أقل منه في الدرجه و سهل تغييرها و بيكون ليها سبب واضح و سهل إننا نشتت تفكيرنا عنها لو بذلنا شويه مجهود أما الأكتئاب فهو حاله مستديه أطول شويه أو شويتين تلاته من حاله الحزن مبتقدرش معاها تستمتع بأي حاجه ولا بيكون عندك طاقه ولا رغبه في إنك تعمل حاجه و ممكن يصاحبها تمني للموت أو أفكار إنتحاريه في درجاتها المتقدمه

عائلة إمكان العزيزة
الحمد لله أكرمنا ربنا بتوفيقه في تيسير طرق لمساعدة الأطفال خاصة الغير مقتدرين
و بإعتبارنا جمعية خيرية فبندعوكم لتوجيه الأطفال المحتاجين لتدخل تأهيلي لمقر الجمعية بـ 3 شارع محمد محمود متفرع من شارع القاعده - البيطاش - العجمي
أو التواصل معنا عبر رقمنا 01284652967
و لسكان مناطق وسط البلد الراغبين في الإشتراك بالخدمات المدعمه الرجاء التواصل معنا للتوجية 💐💐

و في الوقت نفسه بندعوا كل الراغبين في العمل بمجال الأطفال ذوي الإحتياجات الخاصة بالتطوع للعمل مع الأطفال و حضور التدريبات الخاصه بالعمل بالمجال بحضور نخبه من الأخصائيين النفسيين العاملين بالمجال و و الإستفاده بالعلم و شهادات الخبرة "مدعمه بختم النسر للتوثيق" و توفير فرص العمل