Lean Six Sigma Lab

لو عايز تطبق اللين صح… لازم تبدأ من نوع العملية الصناعية عندك

تطبيق مبادئ الـ Lean مش كوبي وبيست

كل نوع من أنواع التصنيع ليه طريقة وهدف مختلف وبالتوالي الأولويات بتختلف أثناء التطبيق.

في الجدول هتلاقي تركيز اللين على ايه وايه أهم الأدوات وفق كل عملية صناعية

وده باختصار اللي محتاج تبدأ بيه في كل عملية تصنيعية:

1. التجميع أوالتصنيع المتكرر (Repetitive / Assembly):

- احسب زمن التاكت علشان تواكب طلب العميل
- ركز على التوازن بين محطات الانتاج
- طبق العمل القياسي و5S

مثال: خط إنتاج أجهزة كهربائية أو سيارات

2. التصنيع بالدفعات (Batch):

- قلل حجم الدُفعات
- استخدم SMED لتقليل زمن التغيير بين المنتجات
- فعل نظام كانبان لتفادي التكدس

مثال: دهانات، أدوية، عصائر

3. التصنيع المستمر (Continuous):

- استثمر في الصيانة الإنتاجية الشاملة (TPM)
- راقب العمليات باستخدام SPC
- فعل الإدارة البصرية والتنبيهات الفورية (Andon)

مثال: مصانع الأسمدة، الزجاج، البتروكيماويات

4. التصنيع حسب الطلب (Job Shop):

- نظم المعدات في خلايا إنتاج
- درب العمال على مهارات متعددة
- استخدم لوحات متابعة بصرية لمتابعة العمل الحالي

مثال: ورش ميكانيكية أو تصنيع مخصص

الأدوات المستخدمة هي مجرد نماذج من خلال خبرتي، ومفيش شك فيه تداخل بين الأدوات بين العمليات التصنيعية

ولكن في النهاية أنا متبني لفكرة التشخيص أولاً ثم العلاج

وبالتالي استخدام الأدوات ده بيكون أخر حاجة نفكر فيها بعد ما عرفنا احنا فين وعايزين نروح فين

ابدأ برسم خريطة تدفق القيمة (VSM)، اختار أداة واحدة تطبقها، وقيس النتائج… وبعدها طور بالتدريج.

إيه نوع العملية عندك؟
اكتب لي في التعليقات أو أبعت رسالة

📌 في أول تعليق هتلاقي لينك الـ Weekly Newsletter علشان توصلك نصايح وأدوات واستراتيجيات عملية تساعدك تحقق التميز التشغيلي.

تيجي نعمل مشروع Lean Six Sigma ؟

كل عام وأنتم بخير، تقبل الله منا ومنكم صالح الأعمال 🙂