Sanad Advertising Agency

لو بتستخدم InstaPay.. المنشور ده "أمان" ليك ولحسابك🛡️

في تريند تقني "خطر" منتشر اليومين دول هدفه تطبيق InstaPay، اسمه Android Overlay Attack.
باختصار كده: ده فخ بيسرق رصيدك وأنت مش واخد بالك 😱

التطبيق الخبيث مش موجود على Google Play، لكن الناس بتنزله من "تليجرام" كأنه تطبيق IPTV عشان يتفرجوا على الماتشات والأفلام ببلاش 📺

⚠️ الفخ بيشتغل إزاي؟
التطبيق بيطلب منك صلاحيات (Accessibility Services).
بيبعتلك إشعار "وهمي" إن فيه فلوس اتحولت من حسابك، فتقوم أنت فاتح InstaPay بسرعة عشان تتأكد.
هنا الفيروس بيرسم "شاشة شفافة" فوق التطبيق الحقيقي، ويسجل الـ PIN اللي بتكتبه.
فجأة تلاقي شاشة موبايلك سودة (كأنه هنج)، وفي اللحظة دي الهاكر بيدخل يحول فلوسك فعلياً 💸

🎯 إزاي تحمي نفسك؟
✅ بلاش تنزل تطبيقات "مجهولة" من تليجرام أو مواقع مشبوهة.
✅ لو تطبيق كورة أو أفلام طلب منك صلاحيات وصول (Accessibility)، ارفض فوراً وامسحه.
✅ لو حسيت إن الموبايل "هنج" فجأة وأنت جوه تطبيق البنك، اقفل الجهاز تماماً.

🚨 احنا في وكالة سند بنهتم بوعيك الرقمي، لأن نجاح البيزنس بيبدأ من "أمان" المستخدم ✨