Fatma

🔵مفهوم تأثير اليقين وإزاي نستخدمه في التسويق الطبي ! 🔵
الناس بطبعها بتحب الحاجات المضمونة!
حتى لو المقابل كان أقل.
تخيل إن فيه اثنين قالوا لك:

الاول : خد ٥٠٠ جنية وهي مضمونة ٪١٠٠
الثاني : عندي ليك لعبة حظ ولو فزت هتاخد ١٠٠٠ جنية ، بس فرصة الفوز ٥٠٪

ورغم إن العرض التاني فيه مكسب أكبر... أغلب الناس هتختار الأول! 🧠
لأنهم ببساطة بيحبوا الأمان وبيخافوا من المخاطرة.
ده اللي بنسميه تأثير اليقين!
مثال من الطب؟
مريضة داخلة تعمل زراعة أسنان:
دكتور استشاري قالها: الزرعة ٩٠٠٠ جنية بنسبة نجاح ٩٠٪
دكتور تاني قالها: الزرعة ٥٠٠٠ جنية بنسبة نجاح (في نظرها) ١٠٠٪
مع إن الأول أكفأ وأضمن علميًا،
كتير بيروحوا للتاني بس عشان الإحساس باليقين.
🎯 الخلاصة:
المريض مش بيشتري العلاج... المريض بيشتري "الراحة النفسية"!
ولما تقوله "ضمان مدى الحياة"، أنت مش بتوعده إن مافيش مشاكل... أنت بتوعده إنك معاه لو حصل أي حاجة.
المكسب مش بس علاج كويس... المكسب إحساس بالأمان. 🙌

ليه دكتور شاطر ومتمكن… بس عيادته فاضية؟!
المشكلة مش دايمًا في قلة المرضى أو المنافسة، في سبب تاني ناس كتير مش بتاخد بالها منه:
"قلة الذكاء الاجتماعي".

يعني إيه؟
يعني الدكتور مش بيعرف يكسب ثقة المريض، مش حاسس باحتياجاته، مش بيعرف يتكلم معاه بالطريقة اللي تريحه وتخليه يرجعله تاني ويرشحه لغيره.

الذكاء الاجتماعي مش بس شوية "ذوق" أو "كلام حلو"،
ده مهارة حقيقية:

تقرأ اللي قدامك

تحس بمشاعره

تتكلم معاه بأسلوب يطمنه

وتخليه يحس إنك معاه، مش بس بتعالجه

شوف الفرق:

دكتور (أ):
المريض متوتر وقلقان، والدكتور بيرد بلغة معقدة وجافة، ومش صبور على أسئلته.
المريض هيمشي وهو مش مرتاح، ومش هييجي تاني… ده ممكن يحذر الناس كمان.

دكتور (ب):
لاحظ توتر المريض، هدّاه بكلمة لطيفة، كلمه ببساطة، خلى عنده مساحة يسأل ويحس بالأمان.
المريض هيرتاح، وهيثق فيه، وهييجي تاني، وهيجيب له قرايبه وأصحابه.

الخلاصة:
الذكاء الاجتماعي = مفتاح النجاح الحقيقي لأي دكتور
مش بس علم، ده كمان فلوس، ومرضى أوفياء، وسمعة ممتازة.

لو إنت دكتور… طور ذكاءك الاجتماعي، هتشوف فرق كبير!
ولو بتروح لدكاترة… بتحس بفرق المعاملة؟ احكيلنا في الكومنتات!