JAZAM

مشروع راس الحكمة انجاز ونجاح كبير بكل المقاييس وهحاول الخص اسباب نجاحه في البوست ده واعذروني لو البوست طويل شويتين ...

اولاً: الاتفاق قايم علي الشراكة بمعني انه مش بس في دفعه مقدمة لكن كمان مصر هيدخلها ٣٥ ٪؜ من ارباح المشروع ودي حاجة مهمة جداً بتضمنلنا اننا نفضل نستفيد من المشروع علي المدي المتوسط والطويل مش بس علي المدي القصير اللي احنا مزنوقين فيه اقتصادياً

ثانياً: الناس اللي مش عارفة تتخيل يعني ايه ١٧٠ مليون متر هتقدر تتخيل المساحه لو عرفت ان الجونة مساحتها حوالي ٣٦ مليون متر ... يعني مشروع راس الحكمة هيكون علي مساحة اد مساحة الجونة ٥ مرات تقريباً. الجونة في ٣٠ سنة تم تطوير نص مساحتها وبالتالي نقدر نتخيل ان مساحة راس الحكمة بالامكانيت الكبيرة للشركاء هتحتاج بتاع ٥٠ سنة تطوير وهنفضل طول السنين دي بنستفيد من ال٣٥٪؜ نصيبنا من الارباح

ثالثاً: في التطوير العمراني والعقاري في حاجة مهمة اسمها "الايرادات المتكرره" زي ايرادات الفنادق او ايجارات المطاعم والمحلات وكده ودي بتفضل تحصل العمر كله حتي بعد تطوير مساحة الارض ما يخلص وده بيضمن استمرار ال٣٥٪؜ حتي بعد الخمسين سنة اللي افترضناهم للتطوير ما يخلصوا

رابعاً: قيمة الاتفاق ٣٥ مليار دولار مقابل ١٧٠ مليون متر يعني تمن المتر حوالي ٢٠٠ دولار وده سعر متر محترم جداً ... طبعاً انا فاهم كويس ان واجهة المشروع علي البحر هتبقي طويلة جداً وانه البحر ده والشاطيء الرملي بتاعه مفيش منه كتير في العالم وان عمق الارض فاضي وبالتالي ممكن يتعمل فيه تطوير عمراني هايل ومع كده بقول ان ال٢٠٠ دولار تمن كويس جداً (ده طبعاً غير ال٣٥ ٪؜ من الارباح اللي لسه هتتضاف علي ال ٢٠٠ دولار دول).

خامساً: بحجم الاستثمار ده والمساحة دي لازم المطور يركز علي جذب جنسيات مختلفه لشراء العقارات ولازم يبني فنادق ويجذب سياحة بما في ذلك خارج موسم الصيف وده هيقلب الساحل كله من مكان موسمي بيشتغل لمده ٨ اسابيع في السنة ل destination حقيقية شغالة طول السنة وبتجذب نوع جديد من السياحة شبة سياحة البحر الاحمر. طبعاً اثر المضاعف الاقتصادي لده علي المدي المتوسط والطويل هيبقي مهم جداً

سادساً: مشروع بالحجم ده هيخلق فرص عمل بعشرات الالاف لشبابنا علي مدي السنين الطويله من التطوير العقاري وكمان هيخلق فرص عمل في الfacility management لما يكون في فنادق ومحلات وخدمات وخلافه، ضيف علي كده التمويل اللي هيدخل للتطوير (متقدر ب١٥٠ مليار دولار علي مدي السنين) وحجم الاعمال اللي هتقوم بيها شركات المقاولات المصرية علشان المساحه الكبيره دي تتبني وتتعمر

سابعاً: توقيت الاتفاق مهم جداً مش بس علشان الوضع الاقتصادي الضاغط اللي بنمر بيه لكن كمان علشان الاتفاق بيبعت رسالة قويه ان الاستثمار الاجنبي المباشر لسه مهتم بمصر وبحجم استثمار مهول زي ده. للعلم حجم الاستثمار الاجنبي المباشر السنة اللي فاتت كلها معداش ١٠ مليار دولار

ثامناً: تخفيض الدين الخارجي المصري ب١١ مليار دولار في الوقت ده مهم جداً في اطار تفاوضنا مع جهات عديده علي قروض جديدة نسد بيها عجز التمويل علي المدي القصير

ولسه فيه تاسعاً وعاشراً واكتر بس هكتفي بهذا القدر وهقول ان زي ما في نجاح حقيقي حاولت اشرحه في البوست ده كمان في محاذير كتير جداً لازم تتاخد في الاعتبار سواء من ناحية استخدامنا لايرادات المشروع المقدمه والاجله او من اثر تحويل ال١١ مليار دولار لجنية مصري علي معدلات التضخم او فيما يتعلق بالتطوير العمراني نفسه وشكل ادارة شركة راس الحكمة وما الي ذلك.

الاتفاق ده مش هيحل كل مشاكلنا لكنه اكيد خطوة ناجحة لازم تتبعها خطوات تانية كتير ... وان شاء الله خير

أول يوم لإنتقال موظفي الحكومي للعاصمة الإدارية الجديدة بشكل رسمي ..

محطة عدلي منصور المركزية والقطار الكهربائي الخفيف اليوم الساعة ٨.٠٥ صباح اليوم الأربعاء الموافق 1مارس 2023

‏
‏إحتفل العاملون بموقع بناء البرج الأيقوني في مشروع أبراج العلمين داون تاون، بالانتهاء من صب الخرسانة لقاعدة البرج الأيقوني والذي سيبلغ ارتفاعه 300 متر ويتكون من طابقين تحت الأرض و 68 طابقًا فوق الأرض، وتبلغ مساحة البناء الإجمالية حوالي 402600 متر مربع.