Transistor Electronics

Motor_Driver_circuits
دوائر التحكم فى اتجاه و وسرعة المواتير
#الافكار
-اسباب استخدام motor driver
-التحكم فى اتجاه حركة الموتور من المايكروكونترولر مباشرة
-التحكم الموتور باستخدام ترانزيستور
-التحكم فى حركة الموتور باستخدام 4 ترانزيستورات H-Bridge
-استخدام ايسيهات L293-L298
-التحكم باستخدام Relays ..
=============
لمتابعة الموضوع pdf على جوجال drive
http://q.gs/CKLkL
-لتحميل الدواير والملف pdf
http://q.gs/CKLoE
=============
#مقدمه
ليه بنستخدم دواير motor driver
؟
فى كل مشاريع الربوت بنلجأ الى استخدام مواتير DC وايأً كان استخدامها بتحتاج انك تتحكم ف تجاه حركة الموتور .
والتحكم غالباً بيكون من خلال المايكروكونترولر صاحب الخرج المعتاد من 2-5 فولت , وتيار على البن الواحد تقريبأً 30 ميللى أمبير
ودول مش كفايه انهم يشغلو موتور وخصوصاً لو كان بيحتاج جهد او تيار اكبر من اللى بيقدر يوفره له المايكروكونترولر ..
=============

لو بتتعامل مع موتور لعبه
بيسحب تيار فى حدود 20 ميللى امبير وبيشتغل على جهد اقل او يساوى 5 فولت .. تقدر تتحكم فى سرعته واتجاهه وتشغله مباشرة على المايكروكونترولر
زى ما واضح فى الصوره الاولى او الصوره اللى قدامك لو فاتح المقاله من الـ pdf
ببساطه كده لو خليت الخرج بتاع بن 7 LOW والخرج بتاع بن 8 HIGH هتلاقى الموتور لف فى اتجاه , ولو عملت العكس هيلف فى الاتجاه التانى ..
#عيوب
مع العلم ان الطريقه دى ممكن تكون خطيره وبتعرض المايكروكونترولر بتاعك انه يبوظ لسببين
- ممكن يكون التيار اللى بيسحبه الموتور اعلى من 30 ميللى فلازم تتأكد من الموضوع ده
-جهد الانهيار العكسى الناتج عن تغيير حركة الموتور ف كل اتجاه ممكن يتسبب بردك انه يحرق المايكرو
؟
مواتير بتشتغل على تيار أقل من 30 ميللى
شوف موتور اى لعبة اطفال من اللى بيشتغل على حهد 1.5 فولت ده
او موتور المسجل بعد ماتشيل الدايره اللى فيه واللى بتمنعه انه يشتغل على جهد اقل من 9 فولت
=============

بعيداً عن الماساه السابقه
ولو عندك موتور بيشتغل على جهد اعلى من 5 فولت وتيار اعلى من 30 ميللى وده الطبيعى ف كل المواتير المحترمه اللى تقدر تقوملك ربوت
لو كان المايكروكونترولر بتاعك لسه سليم
تقدر تعمل interface بينه وبين المايكرو من خلال ترانزستور npn زى ما فى الدايره التانيه

-تقدر تتحكم فى حركة موتور بجهد وتيار اعلى من اللى يقدر يوفرهم المايكرو
-ضمان سلامة المايكرو
مع العلم انها لا تستخدم فى التحكم فى اتجاه حركة الموتور لكن بتشغله ف اتجاه واحد ..

اسخدمنا الترانزستور (كامبليفير) - ادناه تيار صغير على القاعده نتج عنه شورت مابين المجمع C والباعث E ادى الى مرور
تيار كبير من الـ C لـ E
بالنسبه للدايود العكس الموصل مع الموتور .. فده للحمايه مش اكتر وهتشوفه ف اى دايره فيها عنصر فيه ملف coil بينتج عن انهيار الجهد عليه (تفتح الدايره) فيه قوه دافعة كهربيه عكسيه
ممكن تبوظ الترانزستور ..
#لاحظ
-ان الدايود هنا محطوط عكسى .. يعنى جهد الانود اقل من جهد الكاثود .. وده بدوره هيخليه مش شغال (اعتبره open ) مثلاً
ولو قست الجهد على الطرفين بتوعه هتلاقيه هيساوى 12 فولت ..
-لو وصلته امامى هتلاقى الجهد عليه 0.7 فولت وعلى الحمل المتوصل توازى معاه وهو الموتور
والجهد ده مش هيشغل الموتور فخلى بالك
=============

H-Bridge
شوفنا الدايره اللى فاتت من خلال ترانزستور واحد تقدر تتحكم ف حركة الموتور فى اتجاه واحد ..اما لو عاوز تتحكم فيها فى اتجاهين لازم نعمل دايرة اسمها H Bridge زى ما واضحه فى الصوره التالته
اسمها H Bridge عشان شكلها مدى على حرف اتش مع ان الدايره اللى عاملها على فريتزينج شكلها مش H خالص
#الفكره :
زى ما واضح ف الصوره .. موصليين على البن 7 و 8 ف المايكرو او اردوينو كل من القاعدتين لكل ترانزستورين فى محور واحد ..
@الحاله الاولى البن 7 HIGH والبن 8 LOW
معنى ان البن 7 HIGH ان الجهد داخل على قاعدة الترانزستورين Q1&Q3 وده هيشغلهم فهيكون مسار التيار كالتالى ..
من البطاريه >>الى مجمع الترانزستور Q1 اللى هو اصلاً ON>>ألى الموتور او Q4 للى هو Off فهيمر فى الموتور >>الى Q3 اللى هو ON ثم الى الأرضى
الكلام ده هيشغل الموتور وهيخليه يلف فى اتجاه معين ..
@الحاله التانيه البن 8 HIGH والبن 7 LOW
هيحصل عكس اللى حصل فى المره اللى فاتت والترانزستورين Q2&Q4 هيشتغلو وهكذا ....

-هتلاقى الترانزستورات بتسخن جامد وبتتحرق منك
وخصوصاً لو مستخدمتش مقاومات على القاعده .. عشان تدخل الترانزستور كويس فى الساتيورايشن ..
-الدايره دى مفيهاش دايودات الحمايه ضد الجهد العكسى اللى بيعمله الموتور فلعله سبب فى ان الترانزستورات بتبوظ منك
#نصايح
-لازم تحدد الترانزستور اللى بتختاره بحيث انه يقد يستحمل تيار يمر فيه اكبر من تيار الموتور ..
-تقدر تستخدم ترانزستورين npn و اتنين pnp مع دايودات حمايه ومقاومات على قواعد الترانزستورات هتزبطلك الدنيا
تقدر تشوف الرابط ده ..
http://q.gs/CKLtN
او راجع جزء التحكم فى الموتور فى كتاب مايكروبيديا للمهندس حمدى سلطان ..
==============

لو عاوز تريح نفسك وتبعد عن تعقيد دايرة الـ H bridge ومشاكلها
تقدر تستخدم احد ايسيهات Motor Driver اما L293D OR L298
كل ايسى فيهم يقدر يتحكملك فى حركة وسرعة موتورين .. والفرق مابينهم ان 293 بيتحمل تيار حوالى 600 ميللى امبير بيمنا 298 بيتحمل تيار 1 امبير .. فهيكونو عمليين جداً معاك وبالنسبه للحمايه
فلا داعى للقلق
كلاً فيهم دايوادت داخليه للحمايه

زى ما واضح فى الصوره الرابعه
او الصوره اللى قدامك ..
الايسى L293D
-البن 1 enable ده مسؤول انه يفعل الدرايفر بتاع الموتور اللى ف الناحيه الشمال .. لو عليه جهد 5 فولت الموتور يشتغل ولو اديته 0 فولت الموتور يوقف بغض النظر عن جهد In1 &In2
-البنات 2و7 (In1 &In2) .. مسؤوليين عن التحكم فى اتجاه حركة وسرعة الموتور الموتور
لو ادين 2 خمسه فولت و 7 0 فولت هيلف الموتور ف اتجاه معين والعكس مع العكس.
-البنات 3و6 الخرج اللى بيتوصل بالمتور ..
-البنات 4و 5 بيتوصلو بالجراوند
-البن 8 الاخير ف الجزء الايسر للأيسى
ده بيتوصل بجهد تشغيل الموتور وتقدر تخليه اعلى من 5 فولت 9 او 12 فولت او اكتر ..
عشان تعرف اقصى جهد ممكن يتحمله راجع الداتا شيت
colonthree emoticon
وهتلاقيه 36 فولت تقريباً
-البن 16 دى الـ Vcc بتاعة الايسى نفسه واللى بتتوصل بجهد 5 فولت
والجزء الايمن للأيسى نفس الكلام تقدر توصل عليه موتور تانى
==============

تقدر تتحكم فى اتجاه حركة الموتور الواحد عن طريق 2 ريلاى زى ما واضح قدامك فى الدايره الخامسه ..
#الفكره
معروف ان الريلاى ليه 3 اطراف غير طرفين الملف
الاطراف
C : common او الطرف المشترك .
N.O : normally Open
N.C : normally Close
يعنى ف الوضع الطبيعى للريلاى (من غير ماتوصله بالكهربا ) بيكون الطرف C متوصل مع N.C
-- فلو خلينا C مشترك للموتور ووصلنا N.C للريلاى الاول ب12 فولت وN.C للريلاي التانى بالارضى ..
يبقى انت على كده قفلت الدايره وعملت مسار للتيار لو الرليهين
-- ولو خلينا C مشترك للموتور ووصلنا N.O للريلاى الاول ب0 فولت وN.O للريلاي التانى 12 فولت ..
يبقى انت على كده بردك قفلت الدايره وعملت مسار للتيار لو الرليهين #شغاليين
تشغيل الريليهين بيتم مع بعض عن طريق ترانزستورين بتوصل القاعده بتاعتهم مع pin واحده ف المايكرو ..
لو الخرج HIGH يلف الموتور ف اتجاه ولو LOW يلف ف اتجاه تانى ..
#ملاحظات
-بنعكس الجهد على اطراف الريلاى الاول n.o و n.c بحيث ان لو كان n.c ف الريلاى الاول vcc نخليه ارضى ف الريلا التانى والعكس
عشان ميحصلش شورت سيركت بمعنى انك مثلاً ف الحاله الطبيعيه لو الريلاى مش شغال او عليه جهد 0 فولت متلاقيش الموتور متوصل بطرفين n.c للاول و n.c للتانى وعليهم 12 فولت :v
-الدايره دى بتتحكم ف حركة الموتور بس مش ف السرعه
-الدايودات اللى مع كل ريلاي للحمايه من جهد الانهيار :D ولو عندك ثقه ف للريلاي بتاعك :D بلاها دايودات
==============
:D
http://q.gs/CKLx0
http://q.gs/CKM2o
-الفصل الـ 11 ف كتاب مايكروبيديا
==============
اتمنى الافاده ^_^ وشكراً للمتابعه :v

بسم الله الرحمن الرحيم
IAR Embedded Systems Workbench
سامعك ياللي بتقول عايز إيه يعني؟ =D
تعالى نعرف الأول إيه ده.. ده tool نقدر نتعامل من خلالها
مع ARM-Based Devices الخاصة بكل الVendors الرئيسيين..
فهي تدعم 30 different processor families
The supported ARM core families are: ARM7 / ARM9 / ARM10 / ARM11, Cortex M0 / M0+ / M1 / M3 / M4 / M7, Cortex R4/ R5 / R7, Cortex A5 / A7 / A8 / A9 / A15.
IAR كمان بيقدم دعم كامل لـ
STMicroelectronics' 8-bit STM8 microcontrollers
and 32-bit ARM-based microcontrollers
وبيقدم Integrated Kits بالتعاون مع كبار ال :Chip Manufacturers
,STMicroelectronics, Atmel, Texas Instruments
...,NXP, Toshiba
وكلkit بتتضمن :
Development board -
Software development tools with sample projects -
A hardware debug probe or emulator -
IAR عبارة عن development environment واحدة هتلاقي فيها
كل اللي تحلم بيه =D
Compiler, Assembler, Linker & Debugger
ييجي واحد ويقولي طب ما أنا بستعمل Atmel Studio و Keil
وتمام مستورة يعني =D
هقولك يا سيدي شركة Atmel ذاتها منزلين video على الchannel الخاصة بهم على الYoutube بيتكلموا فيه عن
استخدام Atmel Studio 6 مع IAR C compiler
http://q.gs/CKKov
مستغرب؟ =D
هقولك ليه ده حصل ..لما تبقى الشركة المصنعة هي نفسها
صاحبة الcompiler
على أد ما ده له مميزات على أد ما له عيوب
أول عيب : عدد قليل من الناس اللي هيكون متاح ليهم إن
يشوفوا ويبلغوا عن الBugs أو يقترحوا تحسينات
وبالتالي الfixes والenhancements اللي هيتم إطلاقها هتقل :(
على عكس لما نستعمل الcompiler الخاص ب IAR
واللي مش بس بيشتروه Atmel Users :)
تخيل كده إنك كاتب مثلا وإنت بس اللي بتقرأ لنفسك
ومش بتعرض كتاباتك على حد تاني عشان يقرأ ويقولك رأيه ..
وإنت كمان اللي بتكتب عن نفسك نقد -_- ..
عمر ما ده هيؤدي لتطورك إلا بنسبة ضئيلة
ثم كمان Atmel الbusiness الأساسي بتاعها هو منتجاتها
مش الcompiler
وبالتالي استثمارهم في تطويره بيكون صعب
ثاني عيب : في حالة الشركات اللي بتستعمل
development platform معينة ومألوفة بالنسبة لهم ،
لو غيروا الHardware architecture اللي بيستخدموه
هيحتاجوا إنهم يدربوا المهندسين العاملين على استعمال الdevelopment platform المناسب له وده هيحمل الشركة تكاليف ،
هنا بقى نحس فعلا بأهمية IAR فهو Multiplatform ;)
(يعني لو وظفت ناس في شركتك بيعرفوا يتعاملوا معاه أو دربتهم على استخدامه ده هيكون استثمار في محله (y) )
ميزة تاني في صالح IAR B|
إنه نقدر نحصل من خلاله على Output files ال size بتاعتها صغيرة
مقارنة بـ AVR-GCC
وده معناه إمكانية استعمال processor بـ memory أصغر لو مثلا
بنعمل product معين يعني تكلفة إنتاج أقل :)
وعن الشركات اللي وثقت في IAR وبتستخدمه
عشان تطور منتجات جديدة قادرة على المنافسة فمنها :
,ABB, Black & Decker, Ericsson Mobile Platforms
Hewlett-Packard, Mitsubishi Electric Corp., Motorola, Inc., Panasonic Communications, Philips Medical Systems, Schneider Electric, Siemens, Sony-Ericsson, ...
ودي مجرد عينة من ال IAR's Customers اللي بيزيدوا عن
46000 Customers :)
علشان تتعلم استعمال IAR بشكل ممتاز الفديوهات دي هتفيدك جدا
http://q.gs/CKL9u..
تابعونا علي الHashtags دي علشان يوصلكم كل جديد
ومتنسوش تعملوا للـ Page بتاعتنا Like & Follow ^_^