Azmi Design

ساعات في ناس تقولك ان التصوير ليه قواعد ؟ هل الكلام ده صح ولا غلط…
طيب في ناس كتير قالوا انه فن ، والفن ملوش قواعد وان كل شيء ممكن يتعمل في شيء عكسه ممكن بردو يتعمل حسب ذاتية الفنان !!!
ممم الموضوع كبير طيب وبعدين ؟
من الاخر الناس اتفقت علي حاجات مش هقولك اسمها قواعد ولكن اساسيات او ادوات في الكاميرا لو استخدمتها شغلك يطلع احلي وهيبقي تحفة ويمكن احترافي كمان طيب ايه هي؟؟
بص بقي حاجة اسمها rule of third وهي ان بيتم تقسيم الصورة او ممكن تقول التكوين التصميمي الي ثلاثة اجزاء بالطول والعرض وبنستخدمهم ك guide لينا علشان نوزع العناصر اللي احنا عايزينها عليها وبنسميها ساعات بالعامية التلت والتلتين… طيب منين في الكاميرا ؟ و ازاي التوزيع ؟ و بيفيد في ايه ؟
١- منين : دا option بتشغلوا في الكاميرا بتاعتك من خلال زرار info في الكاميرا النيكون و الفوجي display ودا بدوره بيظهرلك الشبكة اللي بتسخدمها وانت بتصور .
٢- التوزيع : و تقدر تظبط الصورة عليه بحيث ان الاجسام المهمة في التكوين بتوصل بين كل تقاطعين بالطول في ضلعين المستطيل اللي في المنتصف او علي الاقل يبقي نقطة ارتكاز موضوع التصوير في نقطة من اركان المستطيل واحيانا في تصوير المناظر الطبيعية نخلي البحر او الارض في ثلث وبقية المشهد في الثلثين الاخرين
٣-طيب بتفيد في ايه: بتعمل راحة لعين المتلقي وبدورها بتفتح قنوات استقبال العقل عند الانسان لان العين ارسلت الاشارة دي للعقل فبيشعر بحقيقة الشيء وبتثبت انطباع الشيء ده في ذهنه … بجد الكلام ده …ايوة واكتر… القاعدة دي استنتجوها من تقسيم ربنا سبحانه وتعالى من نسب جسم الانسان وحتي تركيب تكوين ورق الشجر ، واحنا في عزمي ديزاين بنستخدمها بشكل اساسي في تصوير المنتجات والخدمات لان صورنا هتفرق معاك وهتقدملك احساس بالحقيقة والجمال وهتسيب اثر في جمهورك بشكل كبير .
لمزيد من التفاصيل تواصل معانا
01097017234-38350440

نظرة فنان التصوير الفوتوغرافي
انتو طبعاً عارفين انو كل الفنانين عاشو وماتو ومحدش عرف عنهم حاجة علشان كده مين هو المصور الفوتوغرافي الفنان؟
هاقولك … عارف في ناس كده تلقيهم شايلين كاميرا معاهم طول الوقت وبيحطوها في عربيتهم ويوقف وسط الشارع بالعربية وتلقيه نزل جري يصور غروب ..شروق … وردة … مسجد …كنيسة او حتى حد قاعد علي الرصيف مين الناس دي ؟ وتفتكر يعني عايزين ايه؟؟؟
شوف ياسيدي الناس دي مين … ده واحد عينه بتشوف معاني الاشياء وبيحس بيها وبالفطرة هو فنان موهوب و الحاجة اللي ممكن تكون كل الناس عرفاها ان كل انسان ربنا خلقه فنان موهوب بس الجديد…انه في حد سمح لنفسه بانه يظهر فنه للناس وواحد تاني دفنه جواه … بس متقلقش في عزمي ديزاين هنساعدك تحقق اللي متعرفوش وهنصورلك منتجك وشغلك بعين الفنان اللي جواك لاننا بنفهم الناس صح ولينا نظرة… نظرة فنان وعندنا كلنا بنساعد بعض عشان شغلك يبقي فعلاً حلو
لمزيد من التفاصيل تواصل معانا
01097017234-38350440

تصحيح الالوان وايه علاقته بالتصوير
يعني ايه تصحيح الوان color correction وياترى الكلمة دي مهمة لينا لما نيجي نصور شغلنا ؟

اللي احنا عارفينه ان الضوء بشكله الابيض ينقسم في المنشور الزجاجي الى ثلاثة الوان ضوئية هي Red Green Blue و دي اسمها RGB ولما بنيجي نصور بيحصل بفعل ادوات الاضائة وحاجات تانية كتير ان لون منهم يزيد عن التاني فيتكون اضاءة لونها مصفر مثلاً في الصورة … طيب وبعدين ؟ هنا بتيجي مهمتنا في استخدام اساليب لقياس درجة الالوان وعزل الالوان الزائدة للحفاظ على الصورة الخاصة بالمنتج او الخدمة بشكلها الطبيعي اللي يجذب الناس وبنعمل ده عن طريق حاجة اسمها Grey Card وده كارت رمادي اللون بنصوره مع المنتج علشان نعمل تصحيح للالوان الزايدة ونحقق توازن الضوء white balance وبكده الوان صور منتجك تطلع طبق الاصل وده بيكسبك مصدقية عند عملائك وبيخلي الصور ممتازة وهو ده الاحتراف … عندنا في عزمي ديزاين هتلاقي ده
لمزيد من التفاصيل تواصل معانا
01097017234- 38350440

معنى كلمة تصوير فوتوغرافي photography ياترى ايه ؟
معناها فن الرسم بالضوء طيب وايه علاقة الرسم بالضوء ؟ قالك ان الضوء لما بيسقط على جسم بينعكس عنه واحنا بنشوف ده فبنشوف الجسم علشان كده المصور المحترف هو اللي بيختار ازاي الضوء ينعكس عن المجسم ويتحكم في زويته ويربط ده بالكاميرا ونوع العدسة بطريقة يحقق فيها كتير من جوانب التصميم ،،، علشان كدا عندنا في عزمي ديزاين بنستخدم الفن والتصميم علشان نطلعلك صور حلوة جداً وتحقق الغرض منها
لمزيد من التفاصيل تواصل معانا
01097017234-38350440