Deploya Academy

الجرافيك ديزاين والتسويق

اتكلمنا في البوست اللي فات عن أهمية العلامة التجارية ودور المصمم في بناءها والنهاردة هنتكلم عن الجزء اللي لازم يكون عند كل مصمم جرافيك وهو النظرة التسويقيه للديزاين لازم كمصصم جرافيك تبقى عارف ايه هو الهدف التسويقي من الديزاين اللي انت شغال عليه هل هدفه انه يبيع ولا انه يعرف الناس على المنتج بتاعك ولا انه يسيب انطباع مبهر عند العميل علشان يتفاعل مع البوست ؟

فمتنساش تسأل نفسك السؤال ده قبل كل ديزاين علشان تعرف توصل الرسالة بتاعتك صح
ومتنساش تكتبلنا رأيك في الكومنتات هل كنت بتعمل كدا ولا لا .ولو حابب نحجز دبلومة الجرافيك كلمنا دلوقتي على رسائل الصفحة علشان تعرف التفاصيل

النهاردة هنتكلم عن ألوان جديدة وتأثيرها على قرار الشراء للعميل

واللون الأول هو " اللون البرتقالي "

والجزء الايجابي في اللون البرتقالي هو التعبير عن الدفئ

والجزء السلبي هو انه بيعبر عن رخص السلعه .. لو البراند اللي انت شغال ليه بيبيع حجات غاليه متفكرش تستخدم اللون البرتقالي .. وكمان بيدل على الاحباط

مثال : شركة أمازون بتستخدم الجزء الايجابي للون البرتقالي في اللوجو للتيعبرعن الدفئ في خدمة العملاء وفي نفس الوقت منتجاتها رخيصه

" اللون الأخضر"
الجزء الايجابي في اللون الاخضر هو انه سهل على العين وبيعبر عن الصحة والنشاط والنمو (لو البراند اللي انت شغال معاه بيعبر عن الاكل الصحي أو الاستثمار فاللون الاخضر هو الأنسب ليك)
الجزء السلبي هو انه ممكن يكون ممل خصوصا لو هتستخدم الدرجات الداكنة منه

" اللون الأسود "
الجزء الايجابي فيه بيعبر عن الفخامة والرقي
الجزء السلبي بيعبرعن البرودة والشر و الموت

خليني اقول ملحوظه هنا وهو ان استخدام اللون الأسود تحديدا لازم يتم إستخدامة بعناية شديدة لإن من الطبيعي إنه بيتم إستخدامة مع كذا مؤثر نفسي تاني علشان يأدي وظيفته

مثال: شركة اوبر بتستخدم اللون الأسود علشان تعبر عن الرقي في الخدمة المقدمة للعميل

" اللون الأبيض "
الجزء الإيجابي للون الأبيض بيعبر إنه المنتج حديث أو عصري ونظيف و لامع

مثال: شركة أبل و شركة تسلا بتستخدم اللون الابيض علشان تدي دلالة انها بتقدم منتج حديث وعصري ونظيف (صديق للبيئة)

والجزء السلبي لون الأبيض بيعبر عن الكسل و انعدام الشخصية

بس كدا دي كانت معلومة النهاردة قولنا في الكومنتات ايه هو البراند المفضل بالنسبالك وايه اللون اللي بيستخدمة و ياترى بيعبر عن ايه ؟

كل عام وأنتم بخير - رمضان كريم

التأثير النفسي للالوان

وهنا هنتكلم عن ازاي الالوان ممكن تغير في سلوك العميل انه ياخذ قرار للشراء
واختارنا نتكلم في الموضوع ده تحديدا لان في بعض المصممين بيختارو الالوان على حسب زوقهم الخاص واللي ممكن يضر البراند اللي انت بتشتغل معاه مش يفيده
فخليني عزيزي القارئ أقولك شوية معلومات تهمك عن الألوان

وأول معلومة لازم تعرفها عن الالوان ان كل لون ليه الجزء الايجابي والجزء السلبي الخاص بيه واللي بيعبر عنه و السلبي والايجابي هنا مش معناه انه حلو ووحش لا المقصود انه ممكن يتم استخدامة كلون سلبي يعني يأثر بالسلب على المشاهد أو ايجابي يأثر بالايجاب على المشاهد ودورك هو انك تحدد الوقت المناسب لاستخدام كل لون

هنتكلم في البوست هنا عن 3 ألوان

واللون الأول هو "اللون الأزرق"

والجزء الايجابي للون الازرق هو الهدوء والحكمة والقوة والثقة والامان (مثال facebook, twetter, pay pal بيستخدمو اللون الأزرق علشان يعبرو عن الثقة والأمان )

والجزء السلبي في اللون ده انه بيعبر عن البرودة وانعدام العاطفة

" اللون الأحمر"

والجزء الايجابي في اللون الأحمر هو انه بيثير المشاعر سواء سلبية او ايجابية وبيعبر عن الحماس والقوة أو الطاقة (علشان كدا هتلاقي معظم العربيات السريعة بيتم الاعلان عنها باللون الأحمر و NETFLIX بتستخدمه علشان تعبر عن الاثارة والحماس اللي بيحس بيها المستخدمين للتطبيق بتاعها )

والجزء السلبي في اللون انه ممكن يعبر عن الغضب و الخطر

"اللون الأصفر"

الجزء الايجابي منه بيعبر عن السعادة والمرح.

والجزء السلبي ليه بيعبر عن انه المنتج رخيص وكمان بيعبر عن الخوف والقلق

مثال : ماكدونالدز اللوجو بتاعهم باللون الاصفر علشان بيعبر عن السعادة والسعر الكويس (انه رخيص)

متنساش تتابع الصفحة علشان يوصلك محتوانا أول بأول و تقولنا في كومنت ايه هو لونك المفضل وياترى بيعبر عن ايه ؟