M.hrez

عمو يزيد و المراهقات

هاد هو اللي يجيبلنا حقنا ❤️
راني خايف غير من حاجة وحدة ، هو كبير في العمر و الانسان كلما كبر كلما اقترب من الموت و راني خايف يروح و يخلينا في نص الطريق 💔

والله غير كرهت هاد المواقع الإفتراضية على جال المرأة

ولات تحكمني اللڤية غير ندخل نلقى سوجي واحد يدور

"المرأة"

ما عييتوش ما كرهتوش من هاد السوجي

تلقاهم يهاجموا فئة بسكو هاد الفئة في رايهم حكاياتهم غير على المرأة

بصح هوما تاني موضوعهم غير المرأة المرأة حرة المرأة تلبس واش تحب المرأة ڤريندايزر

محفل طويل عريض معمر بالصعاليك واحد مدافع لاخر مهاجم

تماما كيما صرات في القرن الخامس عشر ايلا مانيش غالط

محفل كنسي في فرنسا فيه كبار الرهبان و القساوسة
ليناقشوا موضوع خطير و هو

"هل المرأة شيطان أم حيوان"

و خرجو بنتيجة أُعلنت بين الناس أن المرأة "حيوان"

و حنا رانا في الطريق الصحيح باش نردوها كيما كانت في العصور الوسطى

دوكا رجع البنادم غير يقول مرأة ينسبوه لفئة معينة
و الموضوع اصبح لا يطاق صراحة

لازم نفهمو حنا كمجتمع جزائري انو حنا مسلمين
هادي هي اول حاجة لازم تفهمها

لازم تفهم بلي حنا جزائريين ماشي أوروبيين ولا لاتينيين
حنا جزائريين و عندنا ثقافتنا و عاداتنا و تقاليدنا

قبلنا الإسلام كدين إذا يجب ان نتقبل أحكامه و أوامره و نواهيه

ما عجبكش الإسلام كدين ساهل تقدر تخرج منو واحد ما يشدك

روح أخطينا برك و ما تهدرش علينا

الاسلام كرم المرأة و عندها حقوق و واجبات مثل الرجل عندو حقوق و واجبات

المرأة عنصر مهم في بناء المجتمع و أي اختلال في هاد العنصر ينهار المجتمع

"وَ لهُنَّ مثل الذي عليهن بالمعروف"

صراع جاهلي عصبي يدينا لكوارث اجتماعية

مادابيكم يا جماعة والله كل واحد يعرف قدرو و يشد فمو

ماشي كل حاجة سيئة تنسبوها للمرأة و هي سبب كل الكوارث
و ماشي كل صعلوك يدافع عن المرأة معنتها عندو الحق و توقفو معه و تناصروه

سلام عليكم