Rey Del Pan

المقادير:
* 3 حبات بيض
* 100 غ مسحوق التمر أو اي محلى طبيعي بنفس درجة الحلاوة
* 140 غ زبدة طبيعية مذابة
* 120 غ طحين قمح كامل أو أي نوع يكون صحي
* 80 غ طحين شعير ناعم
* 5 غ بيكربونات
* 2 م/ك رايب
* 2 حبات ليمون نستعملو القشرة المبشورة + العصير
* 2 م/ك بذور الشيا
* 3 إلى 5 م/ك حليب
* رشة ملح خفيفة

طريقة التحضير:
1. نسخنو الفرن مسبقاً على 180 درجة
2. في وعاء نضربو البيض مع سكر التمر حتى يتجانسو و يطلعو
3. نزيدو الزبدة المذابة تدريجياً ونخلطو بلطف
4. نديرو الطحين مع البيكربونات و الرايب للخليط تدريجياً
5. نغسلو الليمون مليح نبشرو القشرة الصفراء فقط
بعدها نعصرو الليمون ونزيدوه مع المبشور للخليط
6. نزيدو بذور الشيا ونخليو الخليط تاعنا يرتاح 10 دقائق
باش الشيا تشرب السوائل ويبان القوام الحقيقي
7. إذا لقيتو الخليط ثقيل بزاف زيدو 3 إلى 5 ملاعق كبار حليب
8. ندهنو قالب الكيك بشوية زبدة ونرشو شوية طحين
ولا نستعملو papier cuisson
9. نفرغو الخليط في القالب وندخلوه للفرن
حوالي 45 إلى 55 دقيقة
10. نجرّبو النضج بسكين: إذا خرج ناشف معناه الكيك طاب
خلوه يبرد شوية قبل ما تنحوه من القالب و بصحتكم😋
و ماتنساوش تجيبولي نذوق لكل واحد فيكم و نمد رأيي😌
💙

بإسمي و بإسم فريق Rey Del Pan
نتمنى لكم عيد أضحى مبارك و كل عام و أنتم بخير
تقبل الله منا و منكم♥️