wafa dz

#ميساج
تزوجتھا وندمت ندامة عمري خاوتي
كانت تعجبني متربية متحجبة متحشمة كنت نتبع فيھا لمدة عامين قبلت تھدر معايا روحت نخطبھا عند باباھا مقبلش بيا .بعد فترة ولى قبل بيا . وحمد للھ خطبتھا ولبستھا خاتم ومبعد تبانلي يما تحقرھا قبل ما نجيبوھا عروسة مثلا في لافيونساي قاتلھا يما وجديلنا قفة تع طغام ولحم ودجاج وبيض .باسكو عاداتنا ھاك حنا نجيبولك ونتوما تردولنا . وفي فيونياي يما ما داتلھا والوا و ھوما ردولنا كل خير . المھم حشمت منھا و من ماليھا . وبزاف مواقف وحد خرين . كي جبتھا لداري بعد تسع شھور من خطبة بانتلي. وكانت فرحانة وتوقف على كلش من صباح للعشية تھمبر و غير انعم في فمھا . يما حقرتھا اخاوتي كي ندخل فليل وتبدا تحكيلي نقولھا اصبري و ھي تقولي علابالي نصبر بصح انت ثان ديفوندي شوية عليا كي نروح عند يما نولي كانيش اخاوتي تبدا تبكيلي وتخرط في الھدرة .
جا رمضان 2022 دخلت فليل قاتلي ختك ضربتني اليوم كي نضت على تسعة و يماك زادت ضربتني قاتلي بنت لحرام وصوالح وحد خرين .رحت مباشرة ليما .بدات تعيط قاتلي راھي تعمر فيك وحاب تبدل علينا .المھم انا طلعت عند مرتي قتلھا نزيد نلقاك تبكي ولا تشكيلي ماراحش نتفاھم معاك . وخرجت من دار . و نشفى اني ھذاك نھار طولت شوية برا و كي وليت لدار طلعت اشومبرتي لقيتھا قتلت روحھا و كتبت ورقة خليني حتى نبرد باھ تخبرھم بموتي .
انا تكوانسيت في بلاصتي . وعيطتلو لصاحبي ديراكت و جا لدار قالي ندوھا لسبيطار ولا نعيطو لابوليس . تخيلو كي سمعت يما ل*س لقاتھا ميتة و جنازة و قاتلي اديھا لماليھا يدفنوھا . واللھ انا تغاشيت وطحت ديراكت .
المھم تھلاو في نساكم سيرتو ااي عندو مرا فحلة .

صباح الخير 🥰🌸