PULS Service

🔴تحذيير #منقول
بسب ندرة الاورو حاليا و غلائه كثر النصب و الاحتيال في مواقع التواصل الاجتماعي كاين نصابين يفتحو صفحات و يبيعو الاورو بسعر مغري غير تفارسيلو يبلوكيك
لتجنب النصب نعطوكم نصائح
🟢 حاليا سعر الاورو راه فوق 220 دج للاورو يعني تلقا واحد حاطو ب 214 ولا 210 راه غير واقعي و رد بالك منو
🟢كي تدخل لصفحة شوف توثيق الصفحة و التعاملات تاعو كون تلقاها جديدة حتا و فيها 20k شوف التوثيق و متتغرش راه يعلق لنفسو ولا يرسل صحابو لازم تلقا تعليقات بزاف و يكون منشور قديم
🟢كي يرسل ccp ولا Rip انسخو و حطو فالروشارش تاع الفايسبوك ممكن يكون واحد نصب عليه و حط عليه منشور ثم تفيق
🟢ديما تواصل مع ناس موثوقين و اتعامل يد بيد مع ناس لي مش موثوقين باه منضلموش الناس لي بدات جديدة
🟢 و الناس لي تعرضت لنصب ربي يعوضكم و حطو منشور فالفايسبوك ولا كاش قروب و حطو معاه اسم الشخص و ccp و rip تاعو باه الناس لي بعدك متتكلحش .
#وايز # #ترانسفروايز

اهم القواعد للحفاظ على حسابك wise

القواعد : من بين أسباب الغلق أنه يلزم يكون عندك حساب واحد و فقط بإسمك الحقيقي المكتوب في بطاقة الوطنية او الباسبور دون زيادة او نقصان يعني سموك فلان بن فلان تكتب فلان بن فلان بلا ما تغير فالحروف حتى و اذا كان كاين خطأ في البطاقة تكتبها كيما راهي .
- عدم فتح حساب في عدة اجهزة على الاكثر في 2 مثلا هاتفك شخصي و حاسوبك الشخصي .
- عدم استعمال ال vpn و هذا اهم الاسباب لي يتبلعو بيها بززززاف حسابات تاع وايز و باي//سيرا و حتى فايسبوك و انستغرام و غيرها .....
- اذا راك عارف بلي ip تاع الهاتف تاعك راه محروڨ من الافضل ما تفتحش فيه حسابك تاع الوايز لأن traçabilité تاعك فالانترنت فيها شبهة اذن من الافضل تبدل هاتف ولى حاسوب .
- ممنوع تستقبل مبالغ كبيرة دون تبرير .(حتى في باي//سير و في كل بنوك كاينة)
- عدم استعمال البطاقة في التداول
- عدم الفتح الخاطئ للحساب (تقعد تخلط برك على الزهر)
هادو اهم النقاط لي يقدرو يسببو غلق الحسابات .