Juste Pour Elle

Bnsr les filles NChlh tkouno bkkhir had group rah ragad ga3

لبنات ليحبت تحكي حكايتها و تشوف آراء الناس ترسلي نحط ميساج بتاعها

👇
#ﺭﺍﻧﻲ ﻧﺸﻮﻑ ﺑﺰﺍﻑ ﺣﺎﺒﻴﻦ ﻳﺘﺰﻭﺟﻮ😘💍💍 ﻳﻌﻴﺸﻮ
ﻛﻴﻤﺎ ﺭﺍﻫﻢ ﻋﺎﻳﺸﻴﻦ المتزوجين💒 ﻭﻻﺣﺎﺳﺒﻴﻦ ﺍﻟﺰﻭﺍﺝ ﻓﻴﻪ ﻏﻴﺮ ﺣﺐ ﻭ ﺭﻭﻣﺎﻧﺴﻴﺔ 💒💐💎💍💌ﻭﻓﺮﺍﺵ💋

ﺩﻳﺮﻭ ﺍﻟﺼﻒ ﻧﻔﻬﻤﻜﻢ ﺑﺰﺍﻑ ﺣﻮﺍﻳﺞ

ﻛﻲ ﺗﺘﺰﻭﺟﻲ :💄👠
* ﺍﻧﺴﺎﻱ ﺗﻨﻮﺿﻲ ﻭﻗﺘﻤﺎ ﺗﺤﺒﻲ ﻛﻴﻤﺎ ﻛﻨﺘﻲ ﻓﻲ ﺩﺍﺭﻛﻢ
* ﺍﻧﺴﺎﻱ ﺍﻟﻔﻴﺲ ﺑﻮﻙ ﻓﻲ ﻛﻞ ﻭﻗﺖ
* ﻛﺸﺮﻭﺩﺗﻚ ﻻﺯﻡ ﺩﻳﻤﺎ ﻣﻤﺸﻮﻃﺔ ﻭ ﺭﻳﺤﺘﻚ ﺷﺎﺑﺔ ﻣﺎﺷﻲ ﻛﻴﻤﺎ ﻛﻨﺘﻲ ﻓﻲ ﺩﺍﺭﻛﻢ ﺷﻌﺎﻃﻴﻄﻚ ﺷﺎﺩﻳﻦ ﻗﺎﻉ ﺍﻟﺸﺒﻜﺎﺕ ﺍﻟﻮﻃﻨﻴﺔ ﺗﺎﻉ ﺍﻻﺗﺼﺎﻻﺕ .📞☎📟📲📱
* ﻛﻨﺘﻲ ﺗﺘﻘﻠﺸﻲ ﻋﻠﻰ ﻣﺎﻣﺎﻙ ﺗﺰﻋﻔﻴﻬﺎ ﻭ ﺗﺠﻲ ﺗﺮﺍﺿﻴﻚ ﺍﻳﻴﻴﻴﻴﻪ ﻭ ﺗﺪﻳﺮﻳﻬﺎ ﻋﻨﺪ ﺍﻟﻌﺠﻮﺯﺓ ﺣﻴﺎﺗﻚ ﺗﻜﺮﻫﺎﻟﻚ ﺑﻜﻞ ﻭﺳﺎﺋﻞ ﺍﻟﺘﻌﺬﻳﺐ ﺍﻟﻨﻔﺴﻴﺔ👺👹
* ﻛﻨﺘﻲ ﺗﺘﺸﻮﻛﺮﻱ ﻋﻠﻰ ﻳﻤﺎﻙ ﻭ ﻣﺎﺗﺤﺒﻴﺶ ﺗﻐﺴﻠﻲ ﺍﻟﻤﺎﻋﻦ ﻋﻨﺪ ﺍﻟﻌﺠﻮﺯﺓ ﺗﻐﺴﻠﻴﻬﻢ ﺑﺴﻴﻒ ﻋﻠﻴﻚ
* ﻋﻨﺪ ﻳﻤﺎﻙ ﻏﻴﺮ ﻳﻮﺟﻌﻚ ﺭﺍﺳﻚ ﺗﺮﻗﺪﻱ😪😴 ﻋﻨﺪ ﺍﻟﻌﺠﻮﺯﺓ👴 ﻭﺍﻟﻠﻪ ﺗﻜﻮﻧﻲ ﺗﻤﺸﻲ ﻋﻠﻰ ﻓﻤﻚ😢 ﻣﻦ ﺍﻟﺴﻄﺮ ﻭ ﺗﻨﻮﺿﻲ ﺑﻼ ﺟﺪ ﺟﺪﻙ ﺗﺨﺪﻣﻲ ﺍﻟﺸﻐﻞ
* ﻓﻲ ﺩﺍﺭﻛﻢ ﺗﺘﻘﻠﺸﻲ ﻋﻠﻰ ﺑﺎﺑﺎﻙ ﻫﺎﺫﺍ ﺷﻴﺒﺲ ﻫﺎﺫﻱ ﺷﻴﻜﻮﻟﺔ .🍫🍬🍭🍪... ﺍﻟﺦ ﻋﻨﺪ ﺍﻟﻨﺎﺱ ﺍﻧﺴﺎﻳﻬﺎ ﺍﺫﺍ ﺟﺎﺑﻬﺎﻟﻚ ﺑﺎﻟﺪﺭﻗﺔ ﺑﺼﺤﺘﻚ ﻭ ﺍﺫﺍ ﺗﻼﻗﺎﻩ ﺍﻟﺒﺎﺭﺍﺝ
ﺗﺎﻉ ﺍﻟﺠﺪﺍﺭﻣﻴﺔ👹 ﻓﻲ ﺍﻟﻄﺮﻳﻖ ﺍﻟﺤﺴﻲ ﺷﻨﺎﻓﻴﻚ ﻭ ﺗﺨﻴﻠﻲ ﺭﻭﺣﻚ ﻛﻠﻴﺘﻲ ﻭ ﺍﺭﻗﺪﻱ .
* ﻛﻞ ﺻﺒﺎﺡ ﻻﺯﻡ ﺗﺒﻜﺮﻱ ﻣﻊ ﻣﺴﻮﺩ ﺍﻟﺴﻌﺪ ﻟﻲ ﺩﺍﻙ ﻃﻴﺒﻴﻠﻮ ﻗﻬﻮﺗﻮ ﻭ ﺗﻮﺟﺪﻳﻠﻮ ﺻﻮﺍﻟﺤﻮ ﻭ ﺗﻘﻌﺪﻱ ﻣﻌﺎﻩ ﺣﺘﻰ ﻳﺮﻭﺡ ﻟﺨﺪﻣﺘﻮ ﻭ ﺍﻟﻐﺬﺍ ﻻﺯﻡ
ﻳﻜﻮﻥ ﻭﺍﺟﺪ ﻗﺒﻞ .12 ﻋﻤﺮﻭ ﺭﻳﺴﺎﻧﻜﻢ ﻭ ﺩﻳﺮﻭ ﺣﺴﺎﺑﻜﻢ ﻟﻜﻠﺶ ﺍﻟﺰﻭﺍﺝ ﻣﺎﺷﻲ ﻋﺮﺱ ﻭ ﻛﻮﺭﺗﺎﺝ
ﻭ ﺗﺼﺪﻳﺮﺓ ﻭ ﻓﺮﺍﺵ ﻭ ﺩﻏﺪﻏﻨﻲ ﻭ ﻧﺪﻏﺪﻏﻚ .....
ﻭ ﻣﺎﺷﻲ ﺍﺫﺍ ﻛﺎﻧﺖ ﻋﺠﻮﺯﺗﻚ ﻣﻠﻴﺤﺔ ﻭ ﻣﺰﺍﻟﻬﺎ ﻋﻠﻰ ﺩﻳﺪﺍﻧﻬﺎ ﻧﺘﻴﺎ ﻃﻠﻘﻲ ﺭﻭﺣﻚ ﻻﻻ ﻻﺯﻡ ﺗﻜﻮﻧﻲ ﻗﺎﻓﺰﺓ ﺍﻭ ﺗﻮﺭﻳﻠﻬﺎ ﺑﻠﻠﻲ ﺟﺎﺑﺖ ﻋﺮﻭﺱ ﺗﻜﻮﻥ ﻛﻲ ﺑﻨﺘﻬﺎ ﺗﻌﺎﻭﻧﻬﺎ ﺍﻭ ﺗﻔﺮﺣﻬﺎ ﻣﺎﺷﻲ ﺗﺰﻳﺪﻟﻬﺎ ﺍﻟﻬﻢ ﻭ ﺍﻟﻐﻢ ﻻﺯﻡ ﺗﺘﻬﻼﻱ
ﻓﻴﻬﺎ ﻭ ﺗﺴﺎﻳﺮﻳﻬﺎ ﻟﻜﻞ ﻭﺣﺪﺓ ﺭﺍﻫﻲ ﻣﺘﻤﻨﻴﺔ ﺗﺤﻂ ﺣﻨﺔ ﺍﻟﻌﺮﺱ ﻧﻘﻮﻟﻚ ﺳﻴﺮﻱ # ﺭﺑﻲ ﻳﻬﻨﻴﻚ
ﻭﺗﻠﺒﺴﻲ ﺧﺎﺗﻢ ﺍﻟﺴﺘﺮ ﻭﻳﻠﺒﺴﻬﻮﻟﻚ ﺍﻻﻧﺴﺎﻥ ﺍﻟﻠﻲ
#ﺗﺤﺒﻴﻪ
ﺍﻥ ﺷﺎﺀ ﺍﻟﻠﻪ ﺗﺨﺮﺟﻲ ﺗﺤﺖ ﺟﻨﺎﺡ #ﺑﺎﺑﺎﻙ
ﻭﺩﻣﻌﺔ ﺍﻟﻔﺮﺣﺔ ﻓﻲ ﻋﻴﻨﻴﻚ
ﺍﻥ ﺷﺎﺀ ﺍﻟﻠﻪ ﺗﺸﻮﻓﻲ #ﺧﻮﻙ
ﻭﺍﻗﻒ ﻗﺪﺍﻣﻚ ﻭﻫﺎﺯ ﺭﺍﺳﻮ ﻣﻔﺘﺨﺮ ﺑﻴﻚ
ﻭﻫﻮﻳﻀﺮﺏ ﻓﺎﻟﺒﺎﺭﻭﺩ ﻗﺪﺍﻡ ﺭﺟﻠﻴﻚ
ﻧﺸﺎﻟﻪ ﺭﺑﻲ ﻳﻜﺘﺒﻬﺎ ﻟﻜﻞ ﻭﺣﺪﺓ ﻗﺎﻟﺖ ﺍﻣﻴﻦ

دعوة خير كشروداتي وتفاعلوا الصفحة راح يطير من يدينا علقو علىزقد ماقرتو و بارطاجوها باش الميساج يلحق

#فريال

👇

المرندفات الخاينات لوالديهم...ياك تزينتي و درتي روايح و لبستى و تمكيجتي و خرجتي و لقيتي سبع البورومبا يستناك حكمتو يد في يد و تمشيتو والله أعلم كاين لي تعداو حدودهم .........بعدما سمعك احلى كلمات العشق و الغرام و شكر فيك و بنالك قصور من الأوهام ....ظرك تدخلي لدار تشربي قهوتك تقعدي مع يماك المغبونة لي مقطعة روحها في تسياق و طياب و غسيل القش (وجهك صحيح جي عينك في عينها )و هذا بعدما مدلك ريحة تع 1000 و دبدوب صنم لا يسمن ولا يغني من جوع و رحتي خبيتهم في أعماق أعماق غرفتك باه ميفيقولكش. ..تزيدي شوية يدخل هذاك المغبون تع باباك لي كان يهمبر مسكين في برا باه يعيشك احسن عيشة داخل محمل بسواشي تع ماكلة باه ترهجي يا الفحلة ...قوليلي نتي كي يجي داخل و تقوليلو عسلامتك بابا ميوجعكش قلبك كي طعنتيه في ظهرو و خرجتي مع بغل لي ختو غالق عليها سبع بواب؟؟؟؟؟متقوليش سامحني يا بابا راني مرغت سمعتك في الارض؟؟؟بدل ما ترفعيلو راسو بالعلم بالقراية ولا بكاش هدية شريتيهالو بدارهم لابورص ولا كنتي تخبي فيهم دورو دورو. ....ممبعد يلحقو خاوتك سبوعا ربي يبارك لي خليتهم علكة في فم لي يسوا و لي ميسواش يقولو هذي ختو فلانة خرجت مع فلان !!!!علااااااه عليكم هاذ الشي ؟؟؟؟تقوليلي يحبني و ناويني للحلال؟ ؟؟؟؟وااااش يظمنلك؟؟؟؟رآهم نساهم و عشرة عمرهم و يطلقو فيهم و نتي راه داير بيك من زنقة لزنقة ميتخلاش عليك ؟؟،،،يا اختي واش يمنعو يدخل من الباب و يحط يدو في يد الرجل الشريف لي كبرك و قراك ؟؟؟تقوليلو ظروفو متسمحلوش؟؟؟؟واش من ظروووف؟؟؟ياك باطة باتيسري راهي رخيسة فيهم بعشرين الف المهم يجي يدخل من الباب و اكيد الشي لحلال دايما ربي يبارك فيه .والله والله والله لي يحبك عمرو ما يجريك في زناقي ولا في لغوابي تتخباو من شجرة لشجرة كي شوادة. .لي بغات يجي مباشرة للرجال لي وراك نتي بنت رجال و اخت رجال يا بنتي ديري قيمة لهاذ رجال لي فدار باه البراني يديرلك قيمة و يشوفك صعبة المنال ...ينعل بو الحب لي يرخسك و ينعل بو الهدية لي جيبيها و تحفريلها خندق باه تخبيها ما بني على باطل فهو باطل .ديري قيمة لعمرك والله مكتوبك جاي جاي .ديري برك قيمة لعمرك

يرحم الكرش لي جابتكم ، بارطاجوها على قروباتكم و نشالله يلحقهم الميساج
#طاكاكم فريال