Algerium

⚡️علبالي كامل كنا نسهروا مع الألعاب في الصغر، كاين اللي كبر مع PC master race كاين اللي فوت طفولة تاعو مع البلايستيشن ولا الإكس بوكس ولا حتى الموبايل في الأندرويد ولا iOS

كاش نهار حوستوا تفهموا كيفاش يخدموهم هاد الألعاب؟ 🧠

⚡️كانت الحالة شوية صعيبة في البدية، بصح دُرك سهلت بزاف وين رجعوا الأغلبية يخدموا بـ Game Engines وفيهم كامل الأدوات اللي يحتاجوهم المطورين باش يخدموا الألعاب اللي يحبّوهم وفي أقل وقت ممكن.

المشهورين كامل دُرك هوما Unity و Unreal Engine و Godot.✨

💻كاين اللي يطلبوا مستوى تاع برمجة وكاين اللي ماشي لازم تكون تعرف تكودي، غير الأفكار تاعك وابدأ.
بصح الحاجة اللي مشتركة فيهم كامل هي بلي يحتاجوا وقت وانضباط باش تتعلّم وتولي محترف وتقدر تديرها Full time job.

🎮دُرك مطور ألعاب - Game Developer - ما ولاتش كيما بكري لازم واحد قرا إعلام آلي يديرها، يقدر أي واحد يبدأ يتعلّم ويلحق حتى يخدم اللعبة تاعو ويديرها في Steam مثلا باش الناس تشريها ولا حتى يديرها هواية تاعو ويخدم بيها حاجات إبداعية 🧩

✌️تطوير الألعاب ماشي حاجة مستحيلة. هو عالم يجمع بين البرمجة، التصميم، والخيال. ما تحتاجش تكون عبقري في الرياضيات باش تبدأ، غير شوية صبر وحب للتعلّم يكفّيو.

حابين نبدأو سلسلة صغيرة نحكيو فيها على أساسيات تطوير الألعاب خطوة بخطوة؟ واش رايكم؟ ✨

و قولونا فالتعليقات اللعبة تاع الطفولة تاعكم اللي خلاتكم تتعلقوا بيها🎮