Houmeme Tech

تقبل الله منا ومنكم وغفر الله لنا ولكم جميعا يارب 💙

#اعلم
لنشر ثقافة التسوق من المواقع الأجنبية عامة وعلي اكسبرس خاصة راح نقدملكم بعض النصائح.
👈شوف سعر المنتج هنا قادر يكون أقل.
👈لازم تكون عارف انو المنتج تاعك ماشي ممنوع ويفوت نورمال على الجمارك
👈ابحث على المنتج تاعك فالموقع راح تلقى اسعار مختلفة وفي الكثير من المتاجر.
اشري من المتاجر الموثوقة تلقاو عندها عدد كبير من المتابعين و لي تلقاوها Top Brands.
👈اقرى الخصائص والوصف تاع المنتج مليح واقرى تاني الردود والتقييمات تاع الناس لي شراو قبلك.
👈إختر شحن مليح ومن الأحسن يكون مسجل.
👈بعدما تشري ويشحنلك البائع يعطيك رقم التتبع. هذا رقم التتبع تقدر تعرف بيه المنتج تاعك وين راه.
-البريد المسجل فقط لي تقدر تتبعو وتلقاه غالبا رقم التتبع تاعو يبدا ب R.
-واذا كان بريد غير مسجل معنتها متقدرش تتبعو ما عليك سوى تسنى يعيطولك عليه من لابوسط.
-بالنسبة لموقع تتبع الطرود كاين بزاف وانا انصحكم باستعمال موقع Track DZ ندعمو المنتوج المحلي.
👈البائع راح يعطيك مدة حماية (90 يوم) اذا خلاص هاد المدة ولم يصلك المنتج تواصل معه يمددلك فترة الحماية او تفتح نزاع يشوفولك حل.
-اذا وصلك المنتج ولقيت فيه مشكل ما تواصل مع البائع وراح يقترح عليك حلول وإذا مردش عليك افتح نزاع.
👈كي يوصلك المنتج مادابيك تمد رايك عليه في التعليقات (الجودة-التغليف-مدة التوصيل-البائع مليح ولا لا) هكدا لي يجي يشري بعدك يلقاها ساهلة ومادابيك تكتب بالدارجة ولا العربية.
📌لازم تصبر على المنتج تاعك
📌نهار يكون عندك مشكل أخر حل تديرو هو فتح نزاع.
📌مينداك تلقاو تخفيضات يغروك بيها مثلا حاجة كانت دير 200$ ورجعوها ب 20 $ اغلب الظن السعر تاعها الحقيقي يدور فال 20$ ولهذا استعملو تطبيق AliPrice لمعرفة الاسعار الحقيقة (تلقاوه فبلاي ستور).
📌من الأحسن أشرو وقت التخفيضات لانو الاسعار تكون منخفضة مقارنة بالأيام العادية.
📌 متشروش اكثر من 3 بياسة في طرد واحد (الهواتف جيب بال 1 وكل مرة إسم جديد).
📌المقاسات تاع الملابس ماهيش كيما عندنا دير حسابك.

تهنئكم صفحتنا بمناسبة عيد الفطر المبارك وأدعو الله أن يعيده علينا وعليكم بالصحة والعافية أحياء غير مفارقين.