Healthysolution

هذه قصة "مجنونة" وتعتبر واحدة من أشهر قصص التضحية في العلم الحديث. قصة الطبيب الذي شرب "المرض" بنفسه ليثبت أن العالم كله كان مخطئاً
عام 1984. أستراليا. 🇦🇺
في هذاك الوقت، العالم كامل كان متأكد 100% من معلومة طبية وحدة:
"قرحة المعدة (L'ulcère) سببها القلق (Stress)، الماكلة الحارة 🌶️، والتدخين."
الأطباء كانوا يقولوا: "المعدة فيها 'أسيد' (حمض) قاطع يذوب الحديد... مستحيل تعيش فيها بكتيريا أو ميكروب. إذا عندك قرحة، نتا هو السبة بستايل حياتك."
المرضى مساكن كانو يعانيو حياتهم كاملة، يشربو الحليب والأدوية، وفي الأخير يديرو عمليات جراحية يقطعولهم نص المعدة.
بصح... كاين طبيب شاب اسمو "باري مارشال" (Barry Marshall) قالهم: "راكم غالطين ! القرحة سببها بكتيريا معدية !"
الأطباء الكبار ضحكوا عليه: "بكتيريا تعيش في الأسيد؟ راك مهبول؟". رفضوا ينشروا بحثه، واستهزأوا بيه في المؤتمرات.
مارشال، باش يسكتهم ويثبت الحقيقة، دار حاجة ما تخطرش على بال بشر.
في صباح يوم عمل عادي... رفد أنبوب معمر بـ "ملايير البكتيريا" (لي عزلها من معدة مريض)... وشربوا شربة وحدة ! 🧪🤢
كان يغامر بحياتو. كان قادر يموت أو يثقب معدتو للأبد.
❓ واش صرا لـ مارشال بعد أيام؟
❓ وكيفاش هاد "الشربة المجنونة" خلاتنا اليوم نعالجو القرحة بـ "مضاد حيوي" بسيط في بلاصة العمليات؟
قصة الطبيب لي "مرض روحو" باش يداوي البشرية...
التفسير في الجزء الثاني.

خالتي زهرة"، 60 سنة، عمرها لا شكات من قلبها.
قلبها كان حديد، تطلع الدروج، تمشي، دير شغل دارها... "موتور" ما شاء الله.
في يوم أسود، جاها خبر وفاة زوجها (رفيق عمرها) فجأة.
في الجنازة، زهرة عيطت عيطة وحدة... وحكمت صدرها وطاحت.
الأعراض كانت واضحة 100%:
سطر (ألم) رهيب في الصدر يعصر فيها.
النفس مقطوع.
العرق البارد.
تخطيط القلب (ECG) في السبيطار بين بلي راهي دير "أزمة قلبية حادة" (Infarctus).
الأطباء جراو بيها لغرفة العمليات باش يسرحو "العرق" (الشريان) لي تبوشا (تسد).
دارو "لاكورونا" (Coronarographie - قسطرة)... وتما كانت الصدمة ! 😲
الشرايين تاع زهرة كانت "نظيفة" وتلمع ! ✨
ماكاش حتى عرق مسدود. الدم يجري نورمال.
بصح... "القلب" تاعها كان حابس وما يضخش الدم، وشكلو في الراديو كان "غريب" ومشوّه.
❓ كيفاش دير "كريز كاردياك" (أزمة قلبية) والعروق مفتوحين؟
❓ واش صرا لعضلة القلب في هذيك الدقيقة تاع الحزن؟
❓ وهل صح "الحزن" يقدر يوقف القلب ويقتل؟
الجواب علمي ومؤثر... واسمه الياباني غريب جداً.
نتلاقاو في الجزء الثاني.
#الحزن