Aziz immo premium

ناس بزاف يسقسيو كيفاش تشري شقة عن طريق البنك.
راح نشرحلكم بالنسبة لشراء سكن (بيع على التصاميم VSP) يعني سكن او شقة مازالت تتبنى ماهيش واجدة.
🛑اولا لازم تكون خدام عندك عامين و عندك لاسيرونس و شهريتك تكون 24000 (2 ملاين و ربعمية) او اكثر و لازم ماتفوتش 120000 (12 مليون). علاخطر ادا فاتت 12 مليون راح تزيد النسبة لي يديها معاك البنك ما توليش bonifié 1%

🛑ثانيا السكن لازم يكون يبيع فيه مرقي عقاري (promoteur) و متكونش نسبة تقدم المشروع اكثر من 90%.

🛑 ثالثا السكن لازم يكون مضمون ، يعني لازم تلقى اسم المرقي في قائمة المشاريع المضمونة (كاين موقع دارتو الدولة اسمو FGCMPI تلقاه في google فيه جميع المشاريع المضمونة) و هذا ما يعرف ب fond de garantie.

🛑رابعاثمن السكن لازم ميفوتش 12000000 (مليار و 200) بش البنك يدي فائدة تاع 1%.

🛑خامسا لازم سنك مايفوتش 40 سنة باش البنك يمدلك المبلغ 100% تاع السكن

🛑سادسا كلما زادت شهريتك كلما يمدلك البنك اكبر مبلغ في حدود مليار و 200 طبعا، يعني اذا كانت شهريتك قليلة ماراحش يمدلك مليار و 200. على حساب واش نعرف لازم شهريتك تكون 7 ملاين باش يمدلك مليار و 200 كلما قلت كلما يمدلك البنك أقل.

🛑 سابعا بعدما تلقى السكن لي تحوس عليه و تروح للبنك تشوف شحال يمدولك، توجد الملف تدفعو و تستنى الرد تاع البنك. اذا وافقو، تخلص لاسيرونس (كلما زاد سعر السكن و سنك كلما زاد ثمن لاسيرونس) و لازم تخلص النوتار (على حسب ثمن الشقة).

🛑 ثامنا في حالة البنك مايمدلكش كل المبلغ عليك بدفع ما تبقى كاش.

🛑🛑🛑 حذاري ثم حذاري من المرقي لي يقلك ادفعلي نسبة من المبلغ بش نديرلك réservation لانو هذا امر غير قانوني.

‏قال رسول الله ﷺ
"نظرت الى الجنة فرأيت أكثر أهلها الفقراء"
فصلــوا عليــــه.

يقال من كثرة صلاتهم على النبي🌹
تتحقق أمانيهم كفلق الصبح 🍁