Nairytale

لكل الاصدقاء اللي سألوني عن ستيم، سواء كنتم في تالتة اعدادي او لسه مدخلتوهاش، هتكلم بشكل تفصيلي شوية عن كل حاجة ليها علاقة بستيم او مدارس المتفوقين وشوفت كل اسئلتكم على الانستجرام بخصوص الموضوع ده، هتبقى سيشن شاملة لأي حد عايز يقدم والسيشن دي هتكون يوم الاربعاء الجاي ان شاء الله 1 يونيو وهتكون متاحة مجانا للجميع، لو تعرف حد عايز يقدم او مهتم بستيم ممكن تعمله منشن او تعمل شير للبوست او تبعتهوله

لينك الفورم للتسجيل: https://bit.ly/38NKrZT
لينك السيشن: https://us02web.zoom.us/j/3169200057

اشوفكم لاحقا

انا بحب اسافر كتير، مبسوطة اني بتعرف على العالم وعلى نفسي بس اكتر حاجة مش بحبها في السفر الكتير ومش بتكلم عليها اوي هي ان
I always miss someone or something

دايماً حد او حاجة وحشاني، مصر بتوحشني كوريا بتوحشني سان فرانسسكو بتوحشني والمانيا هتوحشني، ماما وبابا بيوحشوني تيتة وتيتة بيوحشوني اخواتي بيوحشوني، المصريين الاكبر مني بسنة وحشوني ودفعتي بتوحشني وحتى الدفعة الاصغر مني اللي شوفتهم يوم واحد او حتى متقابلناش خالص على الحقيقة واحشني، صحابي في مصر وحشوني، صحابي في الجامعة بيوحشوني، كل حاجة بقول انها وحشتني بفتكر معاها مليون دقيقة من المواقف والاماكن والمشاعر

كل مكان بمشي منه بيوحشني كإن مكتوب عليا الاشتياق، كل مرة بروح فيها مكان بيفضل عندي احساس خفي وانا مبسوطة وهو "اد ايه الحاجة دي هتوحشني لما امشي؟"

مبحبش الوداع، مبحبش قلبي يدق وانا في المطار واللي بيوصلوني خلاص ماشيين، مبحبش اخر يوم في المدينة، ومبحبش احضر شنطتي، ببقى دايما عايزة اصور ڤيديو تحضير الشنطة بس مش بعرف، عشان مش عايزة اعترف اني مبحبش احضرها.

بمناسبة الجدول الجميل اللي عملته، فيه قبله مئات الجداول اللي لم تناسبني، لما بدأت اقول عايزة اچورنال كل يوم كنت بكتب مرة كل ست شهور وبعدين بقى مرة كل شهرين وبعدين بقى مرة كل اسبوعين ودلوقتي مبعرفش ابطل اكتب واتحسنت كتير، لو بيحبطك فكرة ان كل مرة بتقول انا هبدأ اعمل حاجة مش بتمشي عليها كويس من اول مرة، اتمنى تعرف ان المحاولات دي هي الطريقة الوحيدة اللي هتخليك تعمل اللي انت عايزه، واه مش هتمشي زي مانت عايز من اول مرة بس لازم متمشيش زي مانت عايز كتير اوي وتتحسن واحدة واحدة لحد ماتمشي زي ما كان في خيالك، حبيت بس اقول الحاجة دي عشان بتحبط لما بقعد اقول هعمل كذا او هبطل كذا ومعملش اللي عايزاه من اول مرة، بس اكتشفت ان كل ده بيوصلني للي كنت عايزاه في الاخر بس بعد صبر على كل مرة بقول فيها هبدأ م الاول، مكنتش ببدأ م الاول كنت بكمل.