Hints4Life Coaching & Development

Kresementu personal ta un trayekto ku ta rekerí intenshon i akshon. Kla pa mehorá bo bida, haña klaridat i logra bo metanan? Deskubrí téknikanan práktiko i fásil pa komprondé ku por yuda bo konstruí impulso pa bo kresementu personal. Chek e aki:
https://www.hcd-cw.com/post/métodonan-efektivo-pa-desaroyo-personal

🧠✨"DOLÓ MENTAL – Ora bo paden ta hasi doló"

Tin hopi doló skondé tras di un sonrisa. Tin hopi doló skondé tras di silensio. Tin doló di tristesa, kulpabilidat, divorsio, desempleo, separashon, miedu, morto, frakaso den estudio, malesa inkurabel, inhustisia, trouma di pasado, relashon kibrá, soledat i hopi dolónan mas.

Doló Mental ta REAL i no tur biaha e doló ta basha sanger.

Mygneth Pieter, un life coach ku hopi empatía, lo bin papia di doló mental sin kulpa, sin miedu i sin maskarada. Lo bo komprondé ku tin speransa pa bo doló. Lo bo mira ku ainda tin profeshonalnan disponibel pa yudabo. Pone un fin na bo bida NO TA E SOLUSHON. Un i tur ta invitá pa siña ekspresá doló den palabra i wòrdu saná. Gratis!! Un boka bisa otro 🗣️

🧠 DIKON PAPIA DI SCHIZOPHRENIA?
E ta afektá mas ku 20 miyón hende rònt mundu i mal informashon ta generá miedu i rechaso. Den e mundu sosial, ta wòrdu bisá ku e hende ta loko, su kabes no ta bon, e ta poseí pa demoño òf el a bira di kabes.

SCHIZOPHRENIA🧠 ■ Un bataya kontra soledat, miedu, silensio, rechaso i abandono.
🔎 “NO TA TRATA DI HENDE LOKO. TA TRATA DI SALÚ.”

PSI-Skuchami lo tei, representá pa Dr. Sandra Arnedo Coronell (Dòkter Asistente di Sikiatría | Sikiatría Klíniko) i Zr. Cristal Foe (Enfermera General). Lo bo sa kiko ta schizophrenia, e kousa, e tratamentunan médiko i humano. Lo bo siña superá tur mito i prehuisio. Lo bo partisipá na un diálogo habrí i profeshonal. Henter komunidat i tur famia ta bon biní. GRATIS !! Un boka bisa otro🗣️