lokalja.com

Edhe një tjetër nga Presheva, faleminderit Kryeministër ❤️

Mirësevjen në Lëvizje, Mendurim!

Mendurim Presheva është jurist me përgatitje universitare në drejtësi dhe marrëdhënie ndërkombëtare, si dhe me përvojë në administratë publike dhe përfaqësim institucional. Ai ka shërbyer për gati tre vjet si zëdhënës i Komunës së Preshevës, ka bërë punë praktike në Ministrinë e Punëve të Jashtme dhe Diasporës në Kosovë si dhe aktualisht është asambleist në Kuvendin Komunal të Preshevës. Mendurimi ka qenë po ashtu pjesë e Alternativës për Ndryshim ku ka kryer funksione e detyra të ndryshme, si Nënkryetar, zëdhënës dhe tani si Sekretar i Përgjithshëm i këtij subjekti nga Lugina. Më herët ka drejtuar Shtëpinë e Kulturës “Abdulla Krashnica” në Preshevë.

Mendurimi është djali i profesorit të nderuar, Avni Presheva, dhe i poetes së parë që botoi libër në trojet shqiptare nën ish-Jugosllavi, Sadete Emërllahu Presheva.

Drekë pune kongresmenët amerikan me kryetarin e Bujanocit dhe kryetaren e Preshevës!

Mos të dështojë KKSH, jo vetëm në nivel përfaqësimi por edhe në numra

Katër vitet që lamë pas duhet të jenë një mësim serioz për të gjithë ne.

Këshilli Kombëtar Shqiptar, në vend që të jetë institucioni kryesor për mbrojtjen dhe avancimin e të drejtave të shqiptarëve në Luginë, gjatë këtij mandati jo vetëm që humbi mjete materiale dhe projekte të rëndësishme, por në shumë raste e ktheu prapa pozitën institucionale dhe kombëtare të shqiptarëve.

Në vend të fokusit në arsim, kulturë, informim dhe përdorimin zyrtar të gjuhës shqipe, shpeshherë u harxhua energji në tema dhe përplasje politike për të cilat Këshilli Nacional as nuk është i thirrur dhe as nuk e ka mandatin.

Bazuar në rezultatet e fundit të regjistrimit të popullsisë, shqiptarëve në Luginë u takojnë 29 përfaqësues në përbërjen e re të Këshillit Kombëtar Shqiptar. Mirëpo, kjo nuk mund të ndodhë me automatizëm. Kthimi i Kuvendit të KKSH-së në 29 këshilltarë kërkon kërkesë serioze, angazhim të vazhdueshëm dhe bashkëpunim institucional me organet përgjegjëse.

Pikërisht këtu qëndron edhe shqetësimi ynë. Ekziston droja reale që, për shkak të neglizhencës në shumë sfera dhe mungesës së angazhimit serioz, edhe kjo mundësi historike të dëmtohet apo të humbet.

Prandaj zgjedhjet e ardhshme nuk duhet të shihen si garë individësh apo interesash të ngushta politike, por si një përgjegjësi kombëtare për të siguruar përfaqësim të denjë dhe të fuqishëm të shqiptarëve.

Këshilli Kombëtar duhet t’u kthehet detyrave të veta zyrtare dhe misionit për të cilin është krijuar: mbrojtjes së identitetit kombëtar, arsimit, kulturës, informimit dhe të drejtave të shqiptarëve.

Shqiptarët e Luginës meritojnë përfaqësim dinjitoz. Nuk guxon të ndodhë që Këshilli Kombëtar Shqiptar të ketë më pak përfaqësues se këshillat e pakicave të tjera, të cilat kanë numër shumë më të vogël banorësh se ne.

Koha kërkon përgjegjësi, seriozitet dhe unitet.

Arbër Pajaziti
Kryetar i komunës së Bujanocit

Ekskluzive: Sipas Indeksonline 20 Korrik jipet vendimi !