K.V. Surdas

" ഇതാരോ ഉണ്ടാക്കുന്ന തിരക്കഥയ്ക്ക് അനുസരിച്ചാണോ പോലീസ് നീങ്ങുന്നത് ? "
നടിയെ പീഡിപ്പിച്ച കേസ് ഡയറി കണ്ട ഹൈക്കോടതി ജഡ്ജ് ചോദിച്ച ചോദ്യമാണ് !!
അതിനുത്തരം ആണ് ഇപ്പോൾ വന്ന വിധി ന്യായം !
അദ്ദേഹത്തിന്റെ ആ ചോദ്യം പൂർണ്ണമായും ന്യായമായിരുന്നു !!

#നടിയെ #ആക്രമിച്ച #കേസ്സ് :


~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

ദിലീപിനെതിരായ തെളിവുകൾ വ്യാജം.
പ്രോസിക്യൂഷന് രൂക്ഷ വിമർശനം -
വിധിന്യായത്തിലെ വിവരങ്ങൾ പുറത്തുവരുമ്പോൾ..

കൊച്ചി: നടിയെ ആക്രമിച്ച കേസിൽ എട്ടാം പ്രതി ദിലീപിനെ കുറ്റവിമുക്തനാക്കിയ വിധിന്യായത്തിൽ പ്രോസിക്യൂഷനും അന്വേഷണ സംഘത്തിനുമെതിരെ രൂക്ഷ വിമർശനം. ദിലീപിനെതിരെ ഗൂഢാലോചന കുറ്റം തെളിയിക്കാൻ പ്രോസിക്യൂഷന് സാധിച്ചില്ലെന്ന് മാത്രമല്ല, പല നിർണ്ണായക തെളിവുകളും അന്വേഷണ ഉദ്യോഗസ്ഥർ കെട്ടിച്ചമച്ചതാണെന്നും കോടതി വിധിന്യായത്തിൽ വ്യക്തമാക്കുന്നു.

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

*** പ്രധാന കണ്ടെത്തലുകൾ:

# ദിലീപിന്റെ വീട്ടിൽ വെച്ച് ഒന്നാം പ്രതി പൾസർ സുനിയെ കണ്ടുവെന്ന സാക്ഷിമൊഴി കോടതി പൂർണ്ണമായും തള്ളി. ഈ സമയത്ത് സുനി ഗോവയിലായിരുന്നു എന്ന് തെളിഞ്ഞതോടെ, സാക്ഷിയെ പോലീസ് കെട്ടിച്ചമച്ചതാണെന്ന് (False Evidence) കോടതി കണ്ടെത്തി.

# ക്വട്ടേഷൻ നൽകിയത് ഒരു സ്ത്രീയാണെന്നും, 'മാഡം' എന്ന് വിളിക്കുന്ന ഇവർക്ക് വേണ്ടിയാണ് താൻ കൃത്യം നടത്തിയതെന്നും പൾസർ സുനി ആദ്യം മൊഴി നൽകിയിരുന്നു. എന്നാൽ, ഈ സ്ത്രീ ആരാണെന്ന് കണ്ടെത്താനോ അവരിലേക്ക് അന്വേഷണം നീളാനോ പോലീസിന് സാധിച്ചില്ല. ഇത് അന്വേഷണത്തിലെ വലിയ വീഴ്ചയായി കോടതി ചൂണ്ടിക്കാട്ടി.

# ഗോവയിൽ വെച്ച് പൾസർ സുനി നടിയെ ആക്രമിക്കാൻ ശ്രമിച്ചു എന്ന പ്രോസിക്യൂഷൻ വാദം കോടതി തള്ളി. ഇതിന് തെളിവില്ലെന്നും, നടി എവിടെയും പരാതി നൽകിയിട്ടില്ലെന്നും കോടതി നിരീക്ഷിച്ചു. കൂടാതെ, 'കട്ടപ്പനയിലെ ഋതിക് റോഷൻ' സിനിമയുടെ സെറ്റിൽ വെച്ച് ദിലീപ് സുനിക്ക് പണം കൈമാറി എന്ന വാദത്തിനും തെളിവുകൾ ഹാജരാക്കാൻ പ്രോസിക്യൂഷന് സാധിച്ചില്ല.

# 'ദിലീപിനെ പൂട്ടണം' എന്ന പേരിൽ ദിലീപ് തന്നെ വാട്‌സ്ആപ്പ് ഗ്രൂപ്പ് നിർമ്മിച്ചു എന്ന വാദം തെളിവില്ലാത്തതിനാൽ കോടതി തള്ളി. ഷോൺ ജോർജ് അയച്ച സ്ക്രീൻഷോട്ട് മാത്രമാണ് ഇതിന് ആധാരമായി ഉണ്ടായിരുന്നത്.

# അതുപോലെ, ഇരയെ തിരിച്ചറിയാനായി മോതിരത്തിന്റെ ദൃശ്യം പകർത്തി എന്ന വാദവും കോടതി വിശ്വാസയോഗ്യമല്ലെന്ന് കണ്ടു. കേസിന്റെ ആദ്യ റിപ്പോർട്ടുകളിൽ ഇല്ലാതിരുന്ന ഈ കാര്യം പിന്നീട് കൂട്ടിച്ചേർത്തതാണെന്ന സംശയമാണ് കോടതി പ്രകടിപ്പിച്ചത്.

# ദിലീപിനെ കേസിൽ കുടുക്കാൻ ഉന്നത ഉദ്യോഗസ്ഥർ ഗൂഢാലോചന നടത്തിയെന്ന പ്രതിഭാഗത്തിന്റെ വാദം കോടതി മുഖവിലയ്ക്കെടുത്തു. ദിലീപ് നൽകിയ പരാതിയിൽ അന്വേഷണം നടത്താതിരുന്നതും, തെളിവുകൾ കൃത്രിമമായി ഉണ്ടാക്കിയതും ഇതിലേക്കാണ് വിരൽ ചൂണ്ടുന്നതെന്ന് വിധിന്യായം വ്യക്തമാക്കുന്നു.

# ദിലീപും പൾസർ സുനിയും തമ്മിലുള്ള ബന്ധം തെളിയിക്കുന്ന ശാസ്ത്രീയമായതോ സാമ്പത്തികമായതോ ആയ ഒരു തെളിവ് പോലും ഹാജരാക്കാൻ പ്രോസിക്യൂഷന് സാധിച്ചില്ലെന്ന് വിധിന്യായം അടിവരയിടുന്നു.

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

എന്നിട്ടും അതിയായ ജീവിതോളികളുടെ അന്യായ കരച്ചിൽ മാത്രം ബാക്കി ' !

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

ഈ കേസുമായി ബന്ധപ്പെട്ട ബഹു. ഹൈകോടതിയുടെ ഒരു പരാമർശം കൂടെ ഇവിടെ കിടക്കട്ടെ.
മാപ്രകൾക്ക് ഒരു താങ്ങ് !!!

"മാധ്യമങ്ങൾക്ക് മാധ്യമസ്വാതന്ത്ര്യവും അവകാശങ്ങളുമൊക്കെയുണ്ട് എന്നാൽ നീതിന്യായസംവിധാനത്തെ നിങ്ങളുടെ പകുതിവേവിച്ച വസ്തുതകളും, കോടതി നടപടികളെക്കുറിച്ചുള്ള അജ്ഞതയും കൊണ്ട് ഇല്ലാതാക്കിക്കളയാം എന്ന് കരുതരുത്, അതിനുള്ള ലൈസൻസ് അല്ല മാധ്യമസ്വാതന്ത്ര്യം."


K.V. Surdas