YOUNG STAR De Muyinga

Championnat D3 est terminé, place maintenant aux championnats DE et D5 à Muyinga

Voici les futurs joueurs du club YOUNG STAR de Muyinga.

🇺🇬🇧🇮 Prezida Museveni yaraye akoreye mu ngata prezida Ndayishimiye ku burongozi bw'urwego rukwirikirana amasezerano yo kugarukana amahoro muri RD Congo no mu karere

👌🏾Inama idasanzwe igira 12 y'abakuru b'ibihugu, isuzuma ishirwa mu ngiro ry’amasezerano y'i Addis-Abeba y'umugambi wo kugarukana amahoro muri RD Congo no mu karere, iriko irabera mu Buganda kuva ejo hahise itariki 28 Rusama 2025.

🫱🏿‍🫲🏿 Muri iyo nama, Prezida Yoweri Kaguta Museveni yaraye akoreye mu ngata Prezida Evariste Ndayishimiye ku burongozi bw'urwo rwego rukurikirana amasezerano yo kugarukana amahoro muri RD Congo no mu karere.

👉🏾Muri Rusama 2023, ni ho Prezida Evariste Ndayishimiye yaja kw'isonga ry'urwo rwego rukurikirana ishirwa mu ngiro ry'ayo masezerano, asubiriye Prezida Félix Tshisekedi. Yashikirijwe ayo mabanga mu nama idasanzwe igira 11 yabereye mu gisagara ca Bujumbura.

📄Ibihugu vyateye umukono kuri ayo masezerano vyitabiriye iyo nama, vyaraye bisabwe kwubahiriza ivyo vyiyemeje. Na cane cane, kwubahirizanya mu bwigenge no kutarengeranira imbibe z'ibihugu bibanyi ; kudashigikira imigwi ihungabanya umutekano w'ibihugu bibanyi ; kudaha ubuhungiro canke ugushigikira abagirizwa ivyaha vyo mu ntambara, ihonyabwoko, canke abafise ibihano bahawe na ONU.

👥 Abakuru b'ibihugu n'abaserukiye ibihugu vyabo bitavye iyo nama, barateye ivyatsi umuhari M23 uguma wifatira uturere muri RD Congo ushigikiwe n'abari hanze y'ico gihugu, kandi ugaca ushinga Reta ibangabanganywe n'iyihari. Ubu bakaba bafise mu minwe akarere ka Goma mu buraruko bwa Kivu na Bukavu.

👉🏿Bongeye kandi basaba n'iyindi migwi igwanira ku butaka bwa RD Congo guhagarika inzira y'intambara ata gisabwe. Iyo migwi ni FDLR igwanya Reta y'Urwanda, ADF, Red Tabara irwanya Reta y'Uburundi na CODECO. Iyo nkuru tuyisoma ku kinyamakuru co mu Buganda musanga hano : https://shorturl.at/ciARK.

✍🏾 Twibutse ko imbere y'uko Prezida Ndayishimiye yitaba iyo nama, itariki 25 Rusama, yari mu rugendo muri RD Congo kubonana na mugenzi we Felix Tshisekedi. Bimwe mu vyo baganiriye kwari kurabira hamwe ibikorwa vyakozwe biciye muri uwo mugambi wo kugarukana amahoro muri RD Congo no mu karere kuva mu 2023 ari kw'isonga ry'urwego rubijejwe.

📝Mwomenya ko ayo masezerano y'i Addis-Abeba yashizweko umukono n'ibihugu 13 biri mu karere k'ibiyaga binini, hamwe n'amashirahamwe mpuzamakungu nka ONU n'ubumwe bwa Afrika, CIRGL na SADC.

Intango yama igoye ariko akagoye bagumako