Stk.mik

Beynəlxalq Muzeylər Gününə həsr olunmuş seminar

15.05. 2026 -cı il tarixində STK-da "Beynəlxalq Müzeylər Gününə" həsr olunmuş maarifləndirici seminar keçirildi.

Seminarı giriş sözü ilə Rəhimə Yaqubəli açaraq, maddi- mənəvi sərvətlərimizidən biri olan muzeylər haqqında iştirakçılara ətraflı məlumat verdi. Daha sonra Bülbülün Memarial Muzeyinin əməkdaşı Mehriban Qasımova çıxış edərək, Beynəlxalq Muzeylər Gününün mahiyyəti, eyni zamanda Bülbülün Şuşadakı yenidən bərpa olunmuş ev muzeyi haqqında tələbələrə ətraflı məlumat verdi. Kollecin şöbə müdiri Pərvin Məmmədova və Azərbaycan dili müəllimi, Mədəniyyət və İncəsənət Klubunun kuratoru, filoloq Aynur Rzaquliyeva əməkdaşlıq çərçivəsində həyata keçirilən bu kimi tədbirlərin gənclərin inkişafında önəmli olduğunu bildirdilər.

“Yaşıl kollec” layihəsi çərçivəsində növbəti “Təbiətə töhfəmiz” adlı tədbir keçirildi

STK’da ekoloji maarifləndirmə və ətraf mühitin mühafizəsi məqsədilə “Yaşıl kollec” layihəsi çərçivəsində ECO Start-Up klubu ilə Mədəniyyət və İncəsənət klubunun əməkdaşlığı nəticəsində növbəti “Təbiətə töhfəmiz” adlı tədbir keçirildi. Tədbiri giriş sözü ilə açan kollecin direktoru, professor Nasim Abışov təbiəti qorumağın hər bir fərdin mənəvi borcu olduğunu vurğulayıb, “Yaşıl dünya naminə həmrəylik” ideyasının əhəmiyyətindən bəhs etdi .

Rəsmi hissə bitdikdən sonra, “Dekorativ tətbiqi sənət (zərgərlik)” və “Ətraf mühit” ixtisaslarında təhsil alan tələbələrin təbiətə həsr olunmuş əl işləri sərgiləndi.

Tədbirdə Mədəniyyət və İncəsənət Klubun rəqs salistləri Ləman Şirinova, Atlas Umudova, Aliyə Məmmədova və Röya Namazova rəqs kompozisiyası nümayiş etdirdilər.

Həmçinin klubumuzun xanəndəsi Mirzəyev Nəzər “Xudayar Təsnifi” musiqisini səsləndirib.

Sonra aksiya çərçivəsində direktor və kollecin əməkdaşları, klubumuzun kuratoru Aynur Rzaquliyeva, rəhbərimiz Rövnəq Mirzəxanlı və müavin İlkanə Məhərrəmli’nin də iştirakı ilə müəssisənin həyətyanı sahəsində müxtəlif növ həmişəyaşıl ağaclar və bəzək bitkiləri əkildi və mövcud yaşıllıqlara aqrotexniki qulluq göstərildi.

Bu gün Azərbaycan xalqının Ümummilli lideri, müasir müstəqil dövlətimizin memarı və qurucusu Heydər Əliyevin doğum günüdür.

Ulu öndər bütün fəaliyyəti boyunca təhsili dövlət siyasətinin ən prioritet istiqamətlərindən biri hesab etmiş, gənclərin savadlı, vətənpərvər və milli dəyərlərə bağlı şəkildə yetişməsinə xüsusi önəm vermişdir.

Heydər Əliyevin söylədiyi kimi, təhsil sahəsi xalqımızın bu günü, millətimizin və dövlətimizin gələcəyi üçün ən vacib sahədir.

YAP Nərimanov rayon təşkilatı ilə ADNSU-nun nəzdində Sənaye və Texnologiya Kollecinin birgə təşkilatçılığı ilə ULU Öndər Heydər Əliyevin anadan olmasının 103 illiyinə həsr olunmuş “Böyük Zəfərin Memarı” adlı tədbirimizdən.

Bu gün ideyaların səsləndiyi, planların qurulduğu və yeni hədəflərin müəyyənləşdirildiyi bir görüş baş tutdu ✨

Kollecin nəzdində fəaliyyət göstərən Mədəniyyət və İncəsənət Klubunun üzvləri, sədr və müavinlərlə bir araya gələrək qarşıdakı tədbirlərin incə detallarını müzakirə etdik 🎭

Hər fikir – yeni bir başlanğıc, hər plan – gələcək uğurların təməli…
Daha böyük layihələr, daha yaradıcı işlər və unudulmaz anlar üçün birlikdəyik 💫

Dərin hüznlə anırıq...🥀🥀🥀

“Sazın vəhdəti, sözün hikməti” adlı informasiya “Azərbaycan müəllimi”ndə verilmişdir

Aprelin 28-də Sənaye və Texnologiya Kollecində Mədəniyyət və İncəsənət Klubunun təşkilatçılığı ilə ADPU-nun Filologiya fakültəsinin nəzdində fəaliyyət göstərən “Meh” ədəbi dərnəyinin və Şuşa Humanitar Kollecinin dəstəyi sayəsində Aşıq Ələsgərin 205 illik yubileyinə həsr olunmuş “Sazın vəhdəti, sözün hikməti” adlı ədəbi-bədii tədbir keçirilib. Dövlət Himni səsləndirilib. Ümummilli Liderin və şəhidlərimizin əziz xatirəsi bir dəqiqəlik sükutla yad edilib.
"Azərbaycan müəllimi" xəbər verir ki, tədbirdə “Dədə Ələsgər Ocağı” İctimai Birliyinin sədri, Aşıq Ələsgərin nəticəsi Xətai Ələsgərli, ADPU-nun filologiya fakültəsinin dekanı, dosent Könül Həsənova, ADPU-nun filologiya fakültəsinin dekan müavini Arzu İbrahimova və fakültənin müəllimi Günay Alıyeva iştirak ediblər.
İlk öncə kollecin direktoru, professor Nasim Abışov tədbir haqqında ümumi məlumat verdi və tədbiri açıq elan edib. Tədbirdə Aşıq Ələsgər ocağının nümayəndəsi Xətai Ələsgərli Aşıq Ələsgər haqqında danışıb. Bildirib ki, Aşıq Ələsgər keçmişə malik aşıq sənəti ənənələrinə ən yüksək bədii-estetik meyarlarla yeni məzmun qazandırıb, əsərləri ilə Azərbaycanın mədəni sərvətləri xəzinəsinə misilsiz töhfələr bəxş edib. Böyük sənətkarın doğma təbiətə məhəbbət və vətənpərvərlik hisslərini vəhdətdə aşılayan, ana dilimizin təhlükəsizliyini, məna potensialını və hüdudsuz ifadə imkanlarını özündə cəmləşdirən dərin zəngin yaradıcılığı Azərbaycan ədəbiyyatının parlaq səhifələrini təşkil edir.
Tədbirin gedişində Aşıq Ələsgər yaradıcılığına aid videoçarx nümayiş etdirilib, ədəbi-bədii kompozisiya göstərilib və tələbələr şeir deyib, mahnı oxuyublar.
Sonda tədbirdə fəal iştirak edən tələbələrə kollecin rəhbərliyi tərəfindən təşəkkürnamə təqdim edilib.

https://muallim.edu.az/sazin-vehdeti-sozun-hikimeti-adli-edebi-bedii-tedbir-kecirilib

Tələbəmizi təbrik edirik!

”23 Aprel - Ümumdünya Kitab və Müəllif Hüquqları Günü” münasibətilə Yeni Azərbaycan Partiyası (YAP) Nərimanov rayon təşkilatı tərəfindən elan olunan şeir müsabiqəsinin qalibləri mükafatlandırılıb.Mədəniyyət və İncəsənət Klubumuzun üzvü Emil Məhərrəmli şeir müsabiqəsinin qalibi olub.