QST Inşaat

Ağsu rayonunun su təchizatının yenidən qurulması və kanalizasiya sisteminin yaradılması istiqamətində işlər uğurla davam etdirilir Dünya Bankı və Azərbaycan Hökumətinin birgə maliyyələşdirdikləri “Milli Su Təchizatı və Kanalizasiya xidmətləri üzrə ikinci layihə” çərçivəsində Ağsu rayonunun su təchizatının yenidən qurulması və kanalizasiya sisteminin yaradılmasına başlanılmışdır. Rayonun su təchizatı və çirkab su sistemləri və çirkab su təmizləyici qurğu tikintisi üçün boru işləri üzrə müqavilənin şərtlərinə uyğun olaraq hazırda bu işlər uğurla davam etdirilir. Ağsu rayonu üzrə müqavilə Almaniyanın “PWT Wasser-und Abwassertechnik Gmbh” şirkəti ilə “Azərbaycan Meliorasiya və Su Təsərrüfatı” Açıq Səhmdar Cəmiyyəti arasında bağlanmışdır. Müqavilə yazılan bütün öhdəliklərin yerinə yetirilməsi üçün Sifarişçi və Subpodratçının üzərinə böyük məsuliyyət düşür. Müqavilədə tərəflərin məsuliyyəti bütün detallarına qədər, aydınlıqla öz əksini tapmışdır. Bu da öz növbəsində görüləcək işin keyfiyyətli və yüksək səviyyədə aparılmasına, nəzərdə tutulmuş vaxtda təhvil verilməsinə yardımçı olacaqdır. QST İnşaat supodratçı təşkilat olaraq sistemin qurulmasına öz töhfəsini verməkdə davam edir.Bu sahədə şirkətimizin bacarıqlı işçi heyəti qarşıya çıxmış bütün cətinliklərin uğurla öhtəsindən gəlirlər.