Xaliq Rzayev

Pasiyent: oğlan uşağı, 5 yaş
Şikayətlər: təkrarlayan qızdırma epizodları, qarında ağrı, tez-tez və ağrılı sidik ifrazı.
Xəstəlik tarixi: 3 yaşından etibarən dəfələrlə sidik yolu infeksiyası (xüsusilə pielonefrit) diaqnozu ilə hospitalizasiya olunub. Antibiotiklərlə müalicə müvəqqəti yaxşılaşma versə də, infeksiya təkrar baş verib. Profilaktik antibiotik müalicəsi effekt verməyib.
İnstrumental müayinələr:
• Böyrək və sidik kisəsinin ultrasəs müayinəsi: sağ böyrək ləyən və kasalarının genişlənməsi.
• Miksion sistoqrafiya: sağ tərəfdə III dərəcəli vezikoureteral refluks (VUR) aşkarlandı.
Diaqnoz:
Sağ tərəfli III dərəcəli vezikoureteral refluks (sidik kisədən sidik axarına geriyə axın). Xroniki pielonefrit, remissiya dövrü.
Müalicə:
Pasiyentə vezikoureteral refluksun endoskopik korreksiyası planlaşdırıldı. Endoskopik olaraq sidik axarının sidik kisəsinə birləşən hissəsinə həcmyaradıcı maddə (gel) yeridildi.
Nəticə:
Endoskopik müalicə effektli oldu, pasiyent ambulator qaydada izlənilir.