FemTech

Bu gün biz Azərbaycan Bayrağı Gününü qürurla qeyd edirik!

Üçrəngli bayrağımız – azadlığımızın, gücümüzün və gələcəyə inamımızın rəmzidir.

FemTech olaraq inanırıq ki, bu bayraq altında hər bir qadının uğuru, elmdə və texnologiyada atdığı hər addım ölkəmizin inkişafına bir işıqdır.

Qürurla dalğalan, Azərbaycan bayrağı!

Gəlin qadın sağlamlığının gələcəyi barədə qərarları qadınlar versin.
Testləri, innovasiyaları, həlləri - qadınlar etsin, qadınlar üçün etsin.

FemTech yalnız texnologiya deyil. Bu, bədənimizi, təcrübəmizi və ehtiyaclarımızı nəhayət öz əlimizə almaq deməkdir.
Çünki biz öz bədənimizi daha yaxşı tanıyırıq. 💜

Qadın sağlamlığında texnologiyanın rolu genişlənir.
Lazer epilyasiya bunun bir hissəsidir — amma nə qədər təhlükəsizdir?
Fikrinizi paylaşın 👇

✨ 5 il — bir ideyadan böyük hərəkatadək! ✨

Beş il əvvəl FemTech sadəcə bir xəyal idi. Bu gün isə:
🌟 100+ layihə — bootcamp, ideathon, hackathon, təlimlər, mentorluq və daha çox
🌍 Yerli və beynəlxalq tərəfdaşlıq
👩‍💻 Minlərlə qadın və gənc üçün yeni imkanlar

2023-cü ildə IDDA Awards-da “İlin Texnologiya İcması” mükafatını qazandıq! 🏆

💡 Nəzrin Əsgərzadə – Founder

“İşlədiyim şirkətdə startap ekosisteminin 3 illik datasını analiz edərkən gördüm ki, qadınların iştirakı çox azdır. Hətta startap founder kimi qadın yox idi. Bu, mənə göstərdi ki, bu sahəyə fokuslanmalıyam.

Komanda yoldaşlarımın cəsarətləndirməsi ilə FemTech 1 ayda kiçik ideyadan şirkətə çevrildi. Avqustda məzuniyyətimdə bütün detalları hazırladım, qlobal və Avropadakı qadınları dəstəkləyən qurumlarla əlaqə saxladım və onların təcrübələrindən istifadə edərək roadmap hazırladım.

Loqonun ideyası bir dostuma aiddir: loqodan tutmuş rənglərə qədər hər şey mənim üçün doğmadır. Sevdiyim rəngi seçmişdim, amma sonra bilirdim ki, bu, loyallıq və gender bərabərliyinin rəmzidir (UK qadın hərəkatına görə). Loqodakı saçlar mənim dalğalı saçlarımdan ilhamlanıb, “Tech” isə fokus qrupumuza aid idi. Hər detal mənim üçün mənalıdır və ümid edirəm ki, daha da böyüyəcəyik. 💜

Əslində, FemTech adı qadınların texnologiyada iştirakı üçün ilk dəfə nəzərdə tutulmuşdu, amma FemTech artıq qadın sağlamlığı və wellbeing sahəsində startapları dəstəkləyən platformadır. Biz də gələcəkdə yeni məhsullarda FemTech startaplarının inkişafına fokuslanacağıq.”

🚀 Gələcək planlarımız:

• Yeni mövzulara diqqət: menstruasiyadan kənar qadın sağlamlığı, psixi sağlamlıq və s.

• Regionlarda seminarlar və ehtiyacların öyrənilməsi, həllərin birgə hazırlanması

• Qadınların startap ekosisteminə daha çox cəlb olunması

• Yeni startapların və layihələrin çoxaldılması

• FemTech sahəsinə investisiyaların artırılması

• Yeni mükafatlar və təşviq proqramları