Perthmandu

२०२औ भानु जयन्तिको साथै नेपाली भाषा विधालयको तेस्रो वार्षिकउत्सव कार्यक्रम भव्यताको साथ सम्पन्न

२०२औ भानु जयन्तिको साथै नेपाली भाषा विधालयको तेस्रो वार्षिकउत्सव कार्यक्रम भव्यताको साथ गत शनिवार जुलाई १८ तारिखको दिन स्थानीय रिवरभेल कम्युनिटी सेन्टरमा २०२औ भानु जयन्तिको साथै नेपाली भाषा विधालयको तेस्रो वार्षिकउत्सव कार्यक्रम भव्यताको साथ सम्पन्न भएको छ र सो कार्यक्रमको अवसर पारेर ...

पश्चिम अष्ट्रेलियामा महाभुकम्प पिडितलाई राहत संकलन

पश्चिम अष्ट्रेलियामा महाभुकम्प पिडितलाई राहत संकलन तिव्र पारिएको छ ।नेपालीहरु एक जुट भएर राहत संकलन अभियानमा सकृय भएका छन् । अप्रिल २९ मा नेपाल सरकारले एनआरएनलाई सिन्धुपाल्चोकमा स्वतन्त्र रुपमा वेश स्थापना गरि राहत कार्यक्रम संचालन गर्न सरकारले आग्रह गरेको थियो । सवैभन्दा प्रभावित जिल्ला सिन्धुपाल्चोकमा अध्यक्ष शेष घलेले नेतृत्व गर्नुभएको छ । जहाँ राहत र घाईतेको उपचारको काम गरिएको छ । पहिचो चरणमा एनआरएनले भुकम्प प्रभावित विभिन्न ७ जिल्लामा राहत वितरण सुरु गरेको छ ।

सिन्धुपाल्चोक,गोरखा,नुवाकोट,धादिङ,रसुवा,काभ्रे र रामेछाप रहेका छन् । विश्वभर रहेका एनआरएन शाखाहरुले संकलन गरेको राहत रकम र सामग्री नेपालमा ल्याएर राहतलाई प्रभावकारी वनाइएको छ ।

पश्चिम अष्ट्रेलियामा फ्रेण्ड अफ नेपालको नेतृत्वमा एनआरएन पश्चिम अष्ट्रेलिया र नावाको अगुवाईमा राहत संकलनको अभियान संचालन गरिएको छ । हाल सम्ममा लगभग ३९००० डलर संकलन भएको जानकारी प्राप्त भएको छ l फ्रेण्ड अफ नेपाल राहत संकलनका लागी अधिकार सम्पन्न निकाय हो । नावाको ईमरजेन्सी रिलिफ फण्डको खातामा राहत रकम जम्मा हुनेछ त्यसपछी नावाले विस्तृत आर्थिक प्रतिवेदन तयार गरि प्रोजेक्टको अन्त्यमा सार्वजनिक गर्नेछ ।

पश्चिम अष्ट्रेलियामा संकलन गरिएको रकम फ्रेण्ड अफ नेपालको माध्यमवाट एनआरएनको खातामा ट्रान्सफर गरिनेछ । एनआरएन अष्ट्रेलिया भुकम्प पिडित राहत कोषमा २५ हजार डलर ट्रान्सफर गरिनेछ । रविन रावल र राज थपलियाले १० स्वयम्सेवक रहेको टिमको नेतृत्व गर्नुभएको छ । उनिहरुले अध्यक्ष घलेले नेतृत्व गर्नुभएको समुहमा काम गर्ने जनाइएको छ । राहत संकलन समितीमा टिम लिडरका रुपमा दिपक शाक्य र विष्णु देवकोटा, राज थपलिया,रविन रावल र अनुप धिताल साथै सल्लाहकारका रुपमा भैरव ढकाल रहनुभएको छ ।

राहत संकलनको कार्यलाई विश्वसनिय र पारदर्शी वनाउनका लागी सामाजिक सञ्जाल र अन्य मिडियावाट हप्तामा कम्तीमा २ पटक अपडेटहरु सार्वजनिक गर्नेछ । जिन्सी सामाग्री नेपाल पठाउनका लागी समस्या भएकोले यस्ता सामाग्री संकलन नगर्न अनुरोध गरिएको छ । टेन्ट, लत्ताकपडा,ब्ल्याङ्केट,स्लीपिङ ब्याग र मेडिकल सामाग्री संकलन पुर्व राज थपलियालाई सम्पर्क गर्न अनुरोध गरिएको छ ।

भुकम्प पिडितको राहत संकलनका लागी च्यारिटी फुटवल प्रतियोगिता आयोजना हुँदै छ । नेप्लिज युनाईटेड फुटवल क्लव पश्चिम अष्ट्रेलियाले साउथर्न स्पीरिट फुटवल क्लव(ईटालियन क्लव)को सहकार्यमा नेपालका भुकम्प पिडितलाई राहत संकलन गर्न फुटवल प्रतियोगिता आयोजना हुँदैछ । नेप्लिज युनाईटेड फुटवल क्लव पश्चिम अष्ट्रेलियाका अध्यक्ष आङ दावा शेर्पा र साउथर्न स्पीरिट फुटवल क्लवका जिर्अजिओ सुकुले विभिन्न समुदायको संयुक्त सहकार्यमा पिडितलाई सहयोगका लागी कार्यक्रम राखिएको वताउनुभयो । प्रतियोगितामा ४ टिमको सहभागीता रहनेछ ।

यसै गरि पर्थ नेपाल क्रिकेट क्लबले आफ्नो खेलाडी र शुभचिन्तक मार्फत लगभग चार हजार डलर संकलन गरिएको जानकारी गराएको छ l उक्त संकलन गरिएको रकम मध्ये गोर्खा जिल्लामा राहत कार्यक्रम गरिरहेको बन्दिपुर् सोसेल डेव्लोपमेन्ट कमिटिलाई ६२५ डलर हस्तान्तरण गरिएको, लाइन्स क्लब अफ गैंडाकोटका मेघराज कंडेललाई १३७५ डलर हस्तान्तरण गरिएको छ जुन भुकम्पको केन्द्रविन्दु गोर्खाको बरपार्कको राहतको लागि खर्च गरिने र बाँकि रकम वेस्टर्न अस्ट्रेलिया इमरजेंसी रिलिफ फन्ड फर नेपाललाई हस्तान्तरण गरिने जानकारी फेसबुक मार्फत गराएको छ l

मर्डक युनिभर्सिटिको नेपाली विधार्थी संगठनले पनि रेडक्रस मार्फत राहत संकलन गर्ने जानकारी गराएको छ । त्यस्तै कर्टिन युनिभर्सिटि स्टुडेन्ट गिल्डले मे ६ तारिखमा फण्डराईजिगं कार्यक्रम गर्ने भएको छ र त्यहाँ बाट उठेको रकम रेडक्रस मार्फत नेपालको सहयोग गर्ने जानकारी गराएको छ।

नेपाली समुदाय बाहेकका संघ संस्था र व्यवसायीहरुले पनि राहत संकलनमा मद्दत गरेका छन l आइ एस एस सर्विस फ्यासीलिटिले नेपालमा गएको भुकम्पबाट ज्यान गुमाउनुहुने प्रति श्रदानजाली व्यक्त गर्दै आफ्नो कर्मचारी मार्फत फन्ड राइजिङ्ग क्याम्पेन सुरु गरेको जानकारी प्राप्त भएको छ l कर्मचारीबाट उठेको जति रकम उठ्छ त्यति नै आफ्नो तर्फ़बाट थप गरेर सहयोग गर्ने बताएको छ l आफ्नो कार्यलयको न्युजलेटर मार्फत जानकारी गराउदै आइ एस एसले आफ्नो कर्मचारी राज थपलिया ( क्लाइन्त सर्भिस म्यानेजर)लाई नेपाल जान र उद्धारमा सहयोग गर्न लाग्ने खर्च कम्पनिले नै ब्योहरने जानकारी दिएको छ l

त्यस्तै व्यक्तिगत रुपमा पनि सहयोग पनि जारी रहेको छ । एडिथ कोवान युनिभर्सिटिका विधार्थी हेमन्त लामिछाने आफ्ना साथीको साथ राहत कार्यमा संयमसेवकको रुपमा गत विहिवार नेपाल प्रस्थान गरेका छन भने नर्श पेसामा कार्यरत अनिता के.सी राहत सामग्री सहित आज शनिवार नेपाल जाने तयारी गर्दै छिन ।

यस दुखद् घडिमा प्रदेशमा रहेका नेपालीहरु एकजुट भएर नेपाल आमालाई लागेको घाउमा मलम लगाउने काम भैरहेको छ र निरन्तर हुने छ ।

Charity football competition to be held to raise funds for earthquake victims.

Nepalese United Football Club Western Australia is teaming up with Southern Spirit Football Club (Italian Club) to hold football competition to raise much needed fund for Nepal's earthquake victims.

President of Nepalese United Football Club Western Australia Mr Ang Dawa Sherpa and Mr Giorgio Succu representative from Southern Spirit Football Club said:" This event is all about different communities coming together to raise much needed fund and support each other in time of need. "

There will be four teams from different communities participating in this competition and all information about date, time & location will be published soon once it's been finalised.

Last Saturday 25th of April 2015 Nepal was hit by massive earthquake claiming more than 5500 lives and leaving thousands homeless.