DougFixit

Dyson 成日吸滿左唔清理,啲塵埃就會入左個氣旋入面
- 因而吸力下降
-而導致成日要用turbo去吸
-電池因為成日大功率放電而壽命縮短
-因為塞住咗唔夠風俾摩打散熱,最嚴重可導致燒摩打

所以都係建議：
-唔好吸得太滿
-每年定期換新filter（唔好用水洗）
-一兩年一次拆開清洗

今次幫手檢查Dyson V10。部機唔著同埋不停閃filter燈🤔

發現原來機尾Filter 爛左，令到主機以為無 Filter 所以開唔著機，之後換左 個Filter ，部機就著返。又可以繼續進一步既檢查😉

再發現部機只可以用最低吸力運作，如果想用Max吸力的話，一秒就無電🤷🏻‍♀️。當拆開左部機入，原來由於積塵嚴重，可以塞得嘅地方都塞晒，因而導致用電量高，這樣就會電池急速老化以及會導致無吸力。

經過機主同意更換Filter、原廠電池，再加埋深層清潔部機。最後又返生啦，而地球又少件垃圾啦👏🏻👏🏻👏🏻

#香港人在澳洲 #小電器 #小型電器維修 #墨爾本維修小電器

最近又幫人整咗幾樣嘢
1. 部手提電腦斷開咗，幫佢搵到零件換同埋加Ram
2. 慢磨機唔著,摩打炭擦斷咗,駁返碳刷尺寸買零件返嚟換
3. 台灣國寶大同電鍋唔著,又係通病 Thermal fuse, 換咗去又可以繼續用
#小電器 #簡單維修 #小型電器維修 #墨爾本維修小電器 #香港人在澳洲

真系好朋友先會等我咁耐去幫佢整冷氣

話說朋友部冷氣喺年頭壞咗叫咗原廠上嚟檢查收左$200，話係壞底板同埋散熱風扇， 報價修理同買過部新機一樣 但係唔包整好。

咁我就膽粗粗去幫佢睇下啦， 拆開咗確認底板同風扇型號 就去訂貨啦，點知遇著封成， 件貨就到咗喇但係就唔可以去佢屋企度整 ，由年頭等到年尾先可以上門去同佢整。

點知一波一定係有三折， 上去裝版同埋風扇之後發現著唔到機，先發原來塊板喺運送途中撞爛咗粒晶片咁就冇辦法用到。

返屋企唔忿氣係咁諗下諗下， 不如喺舊嗰塊板上面拆粒晶片出嚟再焊返上去新嗰塊板度試下啦。 咁又過左兩個星期，今日上去拆板過晶片，點知真係得咗部機翻生。今年夏天有冷氣啦!

等咗半年部機終於著返喇。

唔知有幾多人有用逆滲透濾水器呢？
#食水污染

Drinking water advice | Yarra Valley Water These power outages have resulted in some water entering our drinking water supply system and customer taps that had not been treated to the usual standard. Power has now returned and the initial issue has been addressed, however undisinfected water is still within some areas.