Noon Flights

Where ever you Go Booking your flight has never been easier with Noon flights ✈


💙

Noon flights ✈️😌
خطوات السفر لتركيا🇹🇷

🟢1 ) #التأشيرة

📌 التقديم للحصول تأشيرة أو visa تركيا🇹🇷

الكلام إلى جاى كلة لمن هو عمرة فوق ال 20 سنة أو تحت ال 45 سنة لازم الفيزا تكون من السفارة🇹🇷 ..
لا يوجد تعامل مع السفارة مباشرة بخصوص الفيزا بل من خلال المكتبين التابعين للسفارة موجودين فى القاهرة والإسكندرية فقط على مستوى جمهورية مصر العربية المكتب إسمه MZ هو الوحيد فى مصر المختص لعمل فيزا تركيا ..

📌طيب لو عمرك تحت ال 20 أو فوق ال 45 ؟؟
هتعمل فيزا إلكترونية من أى مكتب سفريات بتطلع فى خمس دقائق تكلفتها 32 $
يا بختك ياعم 😀 كدة تحجز طيران وتتوكل على الله ..

📌عنوان المكتب فى القاهرة :
فيلا نومارسي 21 - ش محمد الغزالى . الدقى . محى الدين أبو العز - الجيزة / القاهرة

📌عنوان المكتب فى الأسكندرية :
88 شارع فؤاد - باب شرق / الإسكندرية

📌بتروح للمكتب بدون موعد وتكون مجهز
الأوراق المطلوبة ..

🟢1 - أصل جواز السفر + صورة منة
🟢2 - مستخرج حديث من السجل التجارى والبطاقة الضريبة لأصحاب الأعمال الخاصة + صور منة لو إنت صاحب عمل ..
🟢3 - أصل قسيمة الزواج لو هتاخد زوجتك معاك + صورة منة
🟢4 - كشف حساب بنكى لمدة 6 شهور .. يكون فية رصيد وسحب وإيداع كويس
🟢5 - حجز مبدئى للفندق والطيران بالعربى أو بالتركي ومتشغلش بالك بالبند دة مكتب Mz بيعملة ب 5 دولار للفرد
🟢6 - عدد 2 صورة 4*6 حديثة خلفية بيضاء
🟢7 - يفضل تقديم مستندات ملكية
( عقارات - شهادات أستثمار ) إن وجد
🟢8 - يفضل تقديم صور من التأشيرات القديمة الموجودة فى جواز السفر لأى دولة إن وجد
🟢9 - بوليصة تأمين طبى وبيتم عملها من خلال المكتب مقابل 15$ أجبارى
🟢10 - أثبات قيد من الكلية فى حالة أن كانت الزوجة طالبة فى جواز السفر
🟢11 - تكلفة رسوم التأشيرة + التأمين + حجز الطيران والفندق والمطلوب دفعة فى مكتب Mz 125 $ ولازم تدفعهم بالدولار ..
📌مش هياخدوا منك مصرى لازم تروح معاك المبلغ بالدولار ..
📌 يتم أستلام الفيزا خلال أسبوع من التقديم
وإن شاء الله تكون بالقبول ولازم تستلم بنفسك ..
وللأسف فيزا تركيا أصبحت من الفيز الصعبة خلال السنوات الأخيرة ونسبة كبيرة تأتي بالرفض ..
✅ هتعمل إلى عليك والباقي على الله🤲

طبعآ .. كتير بيستهينوا بالمقابلة مع موظف السفارة ..
🟢المقابلة مهمة والموظف الى قدامك دة هو عين قنصل السفارة وبيسألك بعض الأسئلة فلازم تكون واثق من نفسك لأنة بناءآ على كلامك بيسجل على ملفك تعليقة بالرفض أو القبول
هعيد تاااااااانى ..✍
🟢المقابلة مع موظف او موظفة السفارة الى فى مكتب Mz الى من خلف الزجاج مهمة جدآ 👌
ولازم يكون الرد على الأسئلة الى هتتسئلها مطابق للورق الى فى الملف الى قدامها
من الأخر .. الموظف دة هو عين السفاااااااارة
يعنى ممكن يكون ورقك كلة سليم وتاخد رفض عشان بس الموظف سألك سؤل وحس انك بتكدب علية .. خليك صريح وواثق من نفسك ..

🟢طبعآ لو معاك زوجتك نفس الملف إلى هتعملة لنفسك هتعملة لزوجتك ..
هذة التفاصيل .. لأصحاب العمل والشركات ..

🟢 ** أصحاب المهن الحرة ..
طبعآ معندكش سجل وبطاقة ضريبية ..
بتقدم بدالهم ..
من جهة العمل أو ما يسمى مفردات مرتب إلى هو إسمة برضة HR # ..
زائد باقى البنود المذكورة ..☝

🇹🇷🇪🇬🇹🇷🇪🇬🇹🇷🇪🇬🇹🇷🇪🇬🇹🇷🇪🇬🇹🇷🇪🇬🇹🇷
الخطوة الثانية ..

🟢2 ) ..

ده بيكون مطلوب أجبارى لسن 12 حتي 40 سنة أكبر من كده أو أقل ملوش تصريح أمنى 👌

المكان الوحيد فى مصر اللى تقدر تستخرج منه التصريح الأمنى هو كان مجمع التحرير سابقآ دلوقت بقى فى العباسية .. مبنى الجوازات والهجرة .. محطة مترو العباسيه ..

🟢الأوراق المطلوبة للتصريح الأمنى ..

📌أصل جواز السفر + 3 صور منة
📌صوره الفيزا
📌صوره الباسبور
📌خطاب العمل
📌برنت التأمينات
📌صوره بطاقه الاب
📌أصل السجل التجارى والبطاقة الضريبة + 2 صورة منة إذا كنت صاحب عمل ..
📌لازم تكون عارف إسم والدك الخماسي ..
📌ملئ استماره ب ١ جنيه ثم تقديم الأوراق ..
📌الاستلام تاني يوم من 12/5 م ودفع 110 جنيه إذا تريدة مستعجل ..
📌إذا عادى هتنتظر اسبوع أو اسبوعين
📌ممكن تقدم التصريح عن زوجتك بس لازم تكون فى قسيمة زواج وتكون مصورها طبعا ..

كدة تمام 👌 التصريح الأمنى الف مبروووك
🇹🇷🇪🇬🇹🇷🇪🇬🇹🇷🇪🇬🇹🇷🇪🇬🇹🇷🇪🇬🇹🇷🇪🇬🇹🇷

ً 🟢 ..
طبعاً ده للشباب اللى مطلوبة للتجنيد فقط
أو فى سن التجنيد ..
بتروح حلمية الزيتون فى القاهرة
طبعآ كل شاب على حسب تجنيدة فين طبقآ لمحافظتة ..
هياخد ورقك وبيبلغك أن مدة التصريح 21 يوم وفى الغالب معظم الناس بتأخد التصريح .. وعملوا حديثآ خدمة جديدة انك تقدم على التصريح من خلال موقعهم على الانترنت

🟢الأوراق المطلوبة ..

3 صور من جواز السفر والتأشيرة وشهادة الجيش والبطاقة الشخصية
وهتملى بيانات كل أفراد عائلتك حتى الدرجة الثالثة
الأسم - العنوان - تاريخ الميلاد - الوظيفة
وبيديلك رقم تليفون يقولك كلمنا قبل ما تيجى تستلم علشان نقولك خلص ولا لأ
وغالباً بيخلص قبل 21 يوم
كلمهم بعد أسبوعين وإسأل أنه خلص ولا لأ ..

🔴المشوار دة متعب ورخم
لكن معلش استحمل شوية دى آخر خطوة ..
بعد تصريح التجنيد .. كدة انت تمام .. 👌
🇹🇷🇪🇬🇹🇷🇪🇬🇹🇷🇪🇬🇹🇷🇪🇬🇹🇷🇪🇬🇹🇷🇪🇬🇹🇷

✅هتحجز الطيران✈ المناسب ليك ..
أسعار الطيران .. أرخص طيران اسمة طيران بيجاسوس .. والأغلى شوية طيران النيل .. وبعدين مصر للطيران .. أغلى طيران الطيران التركى🇹🇷 توركيش إير لاين ..
شوف المناسب لظروفك المادية واحجز ..
السعر بيختلف حسب الوقت ونوع الطيران ..

✅تمام حجزت الطيران ..
إنجز يا عَم أعمل اية تانى .. زهقت 😔

إهدى يا عم شوية خلاص خِلصت ..
لما تركب الطيارة ✈ وتربط الحزام وتقرأ دعاء السفر وتتغدى وجبة الطيارة وتشرب الشاى .. هتنسى كل حاجة ..

هتطلع على المطار ومعاك
جواز السفر + تذكرة الطيران + التصريح الأمنى + تصريح التجنيد لو مطلوب للتجنيد ..
هتختم الجواز وتعدى تسأل على الصالة هتركب منها الباص الى هينقلك للطيارة ..

ركبت الطيارة ✈ يا كبير قول
اشهد ان لا إله إلا الله
ومتنساش تقرأ دعاء السفر ..

3 ساعات وهتوصل تركيا إن شاءالله ..
🇹🇷🇹🇷🇹🇷🇹🇷🇹🇷🇹🇷🇹🇷🇹🇷🇹🇷🇹🇷🇹🇷🇹🇷🇹🇷

حمدلله على السلامة .. وصلت تركيا 🇹🇷🇹🇷
بعد ما تختم الجواز .. إنزل إسأل على الأتوبيس إلى رايح وسط البلد او ميدان تقسيم ..
حسب انت حابب تروح فين
إسمة بالتركى havaist otobüs ..

ابعد عن التاكسي .. ابعد عن التاكسي ..
وإفتكر إنى قولتلك إبعد عن التاكسي ..

عشان تركب الاتوبيس لازم يكون معاك فلوس تركى الى هتشترى منها كارت المواصلات من الماكينة بتكون بجانب الباصات
ثمن الكارت 10 ليرة ..
غير دولار 💸💲 مبلغ بسيط من المطار وليكن 50$ قبل ما تنزل على الأتوبيس ..
وخلى أى حد يطلعلك الكارت من الماكينة لو مش هتعرف .. هتشحن فى الكارت ثمن تذكرة الأتوبيس بقت 30 ليرة .. كدة تمام ..

حمدالله على سلامتك يا معلم ..
ومرحبا بيك فى تركيا 🇹🇷🇹🇷🇹🇷

🎫

Book your tickets from/To Dubai 🎫


💙👣