CRCD

Nostalgji

Perfundon me sukses rrugetimi 1-vjeçar i Projektit REA duke u finalizuar me Konferencen "Raportimi Mjedisor ne Shqiperi".

THIRRJE E HAPUR PER ARTISTET RINJ
GALERIA VERORE
Agjencia e Demokracisë Vendore në Shqipëri (LDA Albania) ka kënaqësinë të shpallë thirrjen e hapur për artistët e rinj, duke i ftuar të paraqesin veprën e tyre të frymëzuar nga trashëgimia kulturore.
Kandidatët e përzgjedhur do të kenë mundësinë të shfaqin / realizojnë artin e tyre gjatë '' Summer Pop-up Galleries/Galeria Verore '', organizuar në kuadër të projektit CLINK - Cultural heritage LINKing diversities in Europe - Trashëgimia Kulturore Ndërlidhja e Diversiteteve në Evropë, mbështetur nga programi i BE Evropa për Qytetarët.

''Summer Pop-up Galleries/Galeria Verore'' janë konceptuar si një shfaqje jo formale e artit publik që i jep përdorim të ri hapësirave publike, duke kontribuar kështu në identitetin e ri urban të qytetit. Galeritë inkurajojnë shikuesit për të bashkëvepruar me veprat e artit dhe kanë për qëllim të nxisin ide dhe diskutime rreth çështjeve relevante sociale.

'' Summer Pop-up Galleries/Galeria Verore '' do të organizohen në periudhën korrik-shtator 2019 në 9 komunitete brenda 6 vendeve të BE-së dhe Ballkanit Perëndimor: Mostar, Prijedor, Zavidovići (Bosnja dhe Hercegovina), Subotica dhe Knjaževac (Serbi), Nikshiq Mali i Zi), Sisak (Kroaci), Heraklion (Greqi) dhe Vlorë (Shqipëri).

Kush mund të aplikojë?
Thirrja është e hapur për një gamë të gjerë të individëve dhe grupeve bashkëpunuese të artistëve të moshave 15-30 vjeç, që jetojnë në Shqipëri, në qytetin e Vlorës. Grupet joformale bashkëpunuese të artistëve duhet të përcaktojnë një udhëheqës të ekipit i cili do të aplikojë në emër të grupit. Prandaj, aplikacioni duhet të referojë të gjithë artistët e përfshirë dhe të dokumentojë CV-të e tyre përkatëse dhe Deklaratën e Përbashkët të Artistëve.(sipas kërkesës do t'ju dërgohet me email)

Pranueshmëria dhe kushtet
• Të gjitha profilet e artistëve dhe të gjitha formave të artit janë të pranueshme (artet e bukura, artet e rrugës, grafika, fotografitë, instalimet, poezitë, literaturat, muzika, teatri, valle, film / video, shfaqje të lehta, bashkim i formave të artit dhe / forma të tjera të shprehjes artistike)
• Vepra e artit duhet të jetë në përputhje me temën e përgjithshme të thirrjes - trashëgimia kulturore (e prekshme dhe / ose jomateriale) e vendit të tyre, ruajtja, promovimi dhe përdorimi i qëndrueshëm
• Të gjitha format e artit / veprat e paraqitura duhet të jenë gati për t'u kryer ose instaluar

Mbështetje logjistike
Në përputhje me propozimet e zbatimit të aktivitetit të projektit CLINK, LDA Albania do të ofrojë mbështetje logjistike për artistët e përzgjedhur në organizimin e shfaqjes së tyre të artit në kuadër të'' Summer Pop-up Galleries/Galeria Verore ''

Si të aplikoni?
Ju lutemi të dorëzoni të plotësuar me Deklaratën e Artistit dhe CV-në dhe t'i dërgoni dokumentet me e-mail: [email protected]

Të gjitha informatat shtesë mund të kërkohen deri më 21 qershor 2019 nëpërmjet adreses së emalit [email protected]

Thirrja është e hapur: 6 qershor - 30 qershor 2019

Ministria e Turizmit dhe Mjedisit nëpërmjet një njoftimi ka shpallur thirrje për përfitimin e mbështetjes financiare të projekteve në fushën e turizmit deri më datën 19 qershor të këtij viti. Sipas Ministrisë, qëllimi kryesor i kësaj thirrjeje është të forcojë konkurrencën dhe qëndrueshmërinë e sektorit të turizmit në Shqipëri, duke inkurajuar zgjerimin e sezonit turistik. Kjo, nëpërmjet promovimit të destinancioneve turistike e të vlerave të trashëgimisë kulturore dhe natyrore vendase.
Sipas njoftimit, duke pasur parasysh këto objektiva kryesore, thirrja është e ndarë në tre tematika:
-Së pari është promovimi destinacioneve turistike e të vlerave të trashëgimisë kulturore dhe natyrore të vendit tonë.
-Së dyti është zhvillimi, përmirësimi dhe përgatitja e studimeve apo modeleve të produkteve turistike specifike në përputhje me kërkesën gjithnjë në rritje për paketa inovative.
-Së treti është përmirësimi dhe rritja e cilësisë së shërbimit në industrinë e turizmit nëpërmjet edukimit profesional të burimeve njerëzore.
Për më shumë informacion vizitoni:
https://mjedisi.gov.al/2019/05/20/thirrje-per-projekt-propozime-ne-fushen-e-turizmit/?fbclid=IwAR32YsvtKdXKA_mX_G5jHus2dwaepmLwnRqkxpJhCgzmKKPL8cC6ZbEw3HM