Autoshkolla SDM

❌ Jo Autoshkolla jashtë standardeve!
❌ Jo Drejtues Teknik/Mësues Teorie/ Instruktor Praktike që abuzojnë me autoritetin e dhënë!

➡️ DPSHTRR ka vënë në dispozicion platformën: https://www.dpshtrr.al/denonco-autoshkolla-abuzive
⭕️ DENONCO TANI!
‼️ Mos lejoni që Autoshkolla t'ju realizojë më pak seanca dhe në kohë më të shkurtër nga sa parashikon ligji!
‼️ Mos u bëni palë në spekulim, në kurriz të kryerjes së kursit të plotë!
‼️ Mos gënjeni veten nëse ju ofrohen tarifa të ulëta në këmbim të seancave të reduktuara!
‼️ Mos u bëj bashkautor në evazion fiskal, konkurrencë të pandershme e fiktivitet kursi!

📢 Të nderuar kursantë, nëse vini re se Autoshkolla juaj:

➡️ Nuk ka lidhur me ju kontratë me anë të së cilës rregullohen marrëdhëniet midis kandidatit dhe Autoshkollës (të drejtat dhe detyrimet midis palëve);
➡️ Nuk ka një rregullore të funksionimit të afishuar në ambientet e saj;
➡️ Ka Drejtues Teknik, Mësues Teorie dhe Instruktorë Praktike që ju kanë kërkuar favore, kanë kryer veprime abuzive në këmbim të shumave monetare apo nuk kanë kryer përgatitjen e plotë teorike dhe/ose praktike sipas programit të miratuar, etj.
➡️ Dërgoni DENONCIMIN tuaj për çfarëdolloj anomalie që ju vini re https://www.dpshtrr.al/denonco-autoshkolla-abuzive

ℹ️ Për informacione të detajuara mbi numrin e temave dhe kohëzgjatjes së programit të përgatitjes teorike dhe praktike për pajisje me Leje Drejtimi:https://www.dpshtrr.al/sites/default/files/downloads/Tabela%20e%20numrit%20të%20temave%20dhe%20kohëzgjatjes%20për%20përgatitjen%20teorike%20dhe%20praktike.pdf

🇦🇱🔝

Kandidati ka të drejtë të japë deri në 5 herë provimin e teorisë ose praktikes, jo më afër se 10 ditë kalendarike nga njëra provë në tjetrën. Për rastet kur përfundon vlefshmëria e autorizimit të praktikës dhe keni një teori të vlefshme (brenda afatit një vjeçar nga data e fitimit të testimit teorik) ju mund të pajiseni me Autorizim të Ri dhe keni mundësi edhe 5 herë të tjera për t'iu nënshtruar provës praktike.

POZICIONIMI KORREKT NGA DREJTUESI I MJETIT I DUARVE MBI TIMON.

CILAT JANË SHTETET QË E NJOHIN LEJE DREJTIMIN SHQIPTARE?

Republika e Shqipërisë ka lidhur marrëveshje dypalëshe për njohjen e ndërsjelltë dhe konvertimin e lejeve të drejtimit (të cilat janë në fuqi) me shtetet si vijon:

Italinë
Gjermaninë
Maqedoninë e Veriut (me kohëzgjatje të papërcaktuar)
Kroacinë
Malin e Zi (me kohëzgjatje të papërcaktuar)
Kosovën (me kohëzgjatje të papërcaktuar)
Greqinë
Arabinë Saudite
Emiratet e Bashkuara Arabe

Shtetasit shqiptarë mund të udhëtojnë në të gjitha shtetet që janë palë e Konventës së Vjenës “Mbi qarkullimin rrugor” e 8 Nëntorit 1968, e amenduar, kur janë të pajisur me leje drejtimi ndërkombëtare të vlefshme (e cila është në përputhje me modelin e vendosur në Aneksin 7 të konventës) të shoqëruar me leje drejtimin kombëtare të vlefshme.

*Për informacione më të detajuara mbi dokumentin e nevojshëm për drejtim mjeti, që duhet të shoqërojë leje drejtimin kombëtare, kur udhëtoni në shtete të huaja të cilat nuk aderojnë në Konventën e Vjenës “Mbi qarkullimin rrugor” e 8 Nëntorit 1968, të amenduar; është i nevojshëm konsultimi me faqen zyrtare të shtetit që do të vizitoni apo me përfaqësinë diplomatike të atij shteti të vendosur në RSH-së.