Regional Economic Development Agency

Sot në emisionin Pasditja ime në RTSH do të diskutohet mbi projektin “edua” duke parashtruar informacion të përgjithshëm mbi projektin, mënyra sesi lindi kjo iniciativë dhe cilat janë strategjitë për të ndihmuar produktet “Made in Albania”.

Në këtë emision, Drejtori i Përgjithshëm i AZHER, Z. Rezart Sako do të shpjegojë gjithashtu për shtrirjen e këtij projekti si dhe për procedurën e aplikimit për pajisjen me të drejtën e përdorimit të markës “edua”.

AZHER mori pjesë të martën, në fazën finale të prezantimit të 15 projekteve nga 47 aplikantë të konkursit për përzgjedhjen e brandit të rrjetit të dyqaneve me produkte tipike shqiptare.

Drejtori i përgjithshëm, Z. Rezart Sako, ishte pjesë e jurisë në përzgjedhjen e projektit fitues, “edua”, së bashku me Z. Niko Peleshi, Ministrin e Bujqësisë dhe Zhvillimit Rural, Znj. Yllka Gjikopulli, Regjizore e Artit Pamor, Z. Andi Shameti, Pedagog i Fakultetit të Arkiekturës dhe Urbanistikës dhe Z. Vasjen Katro, Grafik Dizajner.

Projekti “edua”, që u prezantua nga Znj. Ilva Kureta, sjell një nxitje emocionale mes produktit dhe konsumatorit, duke ndërthurur në mënyrë moderne elementë tradicionale shqiptarë, përmes dizajnit dhe emrit të zgjedhur.

Në vazhdimësi të kësaj iniciative Ministria e Bujqësisë dhe Zhvillimit Rural ka parashikuar në skemën kombëtare të mbështetjes në bujqësi për vitin 2018, grant me 50% të vlerës së investimit deri në 2 milionë lekë ngritjen e dyqaneve me produkte tipike shqiptare sipas brandit të sapo përzgjedhur.
Edua