Fatmir Muja

Çdo gjeth i këputur,
nuk është i humbur,
Rrënjëve u kthehet
se veç te rrënjët prehet
Asnjë zemër,
qetësi s'mund të gjejë,
Derisa vjeshta
te rrënjët e veta ta kthejë. ○ Fatmir Muja

Nëse trupi s'mundet të vazhdojë pa bukë
Kush mund të dëshmojë pse duhet bërë rrugë?
Si mund ta kuptojmë, mbasi shpirti humbi:
Kush ka më shumë vlerë, buka apo trupi?
Dije pa vetëdije, ah sa trishtim
Pse ta dimë ku jemi, kur ç'jemi s'e dimë?! ○ Fatmir Muja