Botimet IDK / LINUS

Vjen në shqip një prej shkrimtarëve më të njohur të letërsisë gjermane për fëmijë Otfried Preußler me romanin
Krabati – Mulliri i dymbëdhjetë korbave

Krabati është një djalë, katërmbëdhjetë vjeç, jetim. Një natë ai sheh një ëndërr të çuditshme. Në ëndërr dëgjon një zë të largët që i kërkon të shkojë te një mulli misterioz. Kur zgjohet prej gjumit, Krabati niset për rrugë që ta kërkojë mullirin. Aty gjen njëmbëdhjetë djem të tjerë që punojnë si çirakë. Krabati bëhet çiraku i dymbëdhjetë. Por shpejt merr vesh se, në të vërtetë, s’bëhet fjalë për një mulli dosido, por për një shkollë të magjisë së zezë; vetë mullisi s’është mullis si gjithë të tjerët, por një magjistar i fuqishëm. Krabati përpiqet të mësojë sa më shumë për magjinë, por njëkohësisht kupton se duhet të bëjë çmos të largohet nga ai vend. Kjo dëshirë i shtohet edhe më kur njeh një vajzë nga fshatrat aty afër, por njëkohësisht nis të kuptojë se mullisi ka plane të tjera të mbrapshta për djemtë. Në fakt, shokët e tij nisin të vdesin njëri pas tjetrit nga aksidente të mistershme, dhe Krabati kupton se i duhet të vërë në përdorim gjithë magjitë që ka mësuar për të mposhtur mullisin-magjistar, që të shpëtojë nga ai vend bashkë me vajzën.

Një prej librave më të dashur nga fëmijët e të rinjtë në mbarë botën, i përkthyer në 55 gjuhë.

“Mulliri i dymbëdhjetë korbave” është një ndër librat më të famshëm të letërsisë gjermane për fëmijë: një bestseller për fëmijë e të rinj, që në formën e një përralle iu rrëfen atyre për misteret e jetës e të vdekjes, të dashurisë dhe të luftës. Corriere della Sera

Titulli: Krabati – Mulliri i dymbëdhjetë korbave
Autori: Otfried Preußler
Përktheu: Irena Nasi
Numri i faqeve: 239
ISBN 978-9928-136-81-7
Çmimi: 850 lekë

Vjen në shqip nga Botimet IDK asi i futbollit argjentinas

MESSI - Leksione Stili

nga autori katalanas Jordi Puntí

Messi tashmë është kthyer në një legjendë. Ka që e krahasojnë me Mozartin, të tjerë me Pikason, por sidoqoftë, askush se vë në dyshim se Lionel Messi është një nga futbollistët më të mirë në historinë e futbollit. Qëkur nënshkroi kontratën e parë me Barcelonën në një pecetë letre, kur ishte vetëm trembëdhjetë vjeç, ai ka fituar gjashtë herë ‘Këpucën e Artë’ dhe ‘Topin e Artë’ si dhe titullin ‘Futbollisti më i mirë i Vitit’. Ka fituar dhjetë herë titullin kampion të Spanjës, dhe katër herë atë të ‘Ligës së Kampionëve’, duke qenë golashënuesi më i mirë në historinë e FC Barcelonës. Me talentin e tij të jashtëzakonshëm në fushë, driblimet që duket sikur tallen me vetë gravitetin, golat e pabesueshëm... tifozët në mbarë botën ndihen me fat sa herë që kanë mundësinë ta shohin atë duke luajtur.

“Jordi Puntí është një ndër shkrimtarët më të mëdhenj katalanë dhe me këtë libër ai shënon kulmin e talentit të tij, duke na sjellë një portret magjepsës të asit argjentinas.” EL PAIS

“Asnjë tjetër nuk do ta shkruante më mirë këtë libër - jo të shpjegosh Messin por ta shijosh atë... Të shijosh edhe leximin”.
SIMON KUPER


Titulli: MESSI – LEKSIONE STILI
Autori: Jordi Puntí
Përkthyes: Bashkim Shehu
Numri i faqeve: 239 fq
Çmimi: 750 lekë
MESSI - Leksione Stili

Fëmijë të dashur, në këtë fillim viti të ri shkollor ju ftojnë në udhëtime të jashtëzakonshme… me plot personazhe e vende magjike.is