Studenti.al

Vazhdojne regjistrimet e maturanteve neper sekretarite universitare.
Si ju duket pergjegjesia e tyre ?

Ndani me ne mendimin tuaj.

Faleminderit

NJOFTIM PER MATURANTET

Publikohet Libri i Transparencës

Libri i Transparencës plotëson tërësisht kuadrin e informimit të saktë dhe të plotë të maturantëve/kandidatëve, dukuri që përshkon të gjithë proçesin e Maturës Shtetërore dhe të pranimeve në Institucionet e Arsimit të Lartë Publik (IALP) nëpërmjet sistemit Meritë Preferencë. Në Librin e Transparencës cdo maturant/kandidat gjen të gjithë elementët përberës të rezultateve të përfundimit të shkollës së mesme:

1- Mesataren e përgjithshme të shkollës së mesme

2- Rezultatin e provimit të Letërsisë
3- Rezultatin e provimit të Matematikës

4- Rezultatin e provimeve të dy lëndëve me zgjedhje

5- Preferencat e përzgjedhura prej tij në Formularin A2, për programet e studimit që ofrojne IALP-të për vitin akademik 2015-2016

Vëmë në dukje se për maturantët/kandidatët të cilët ndër preferencat e përzgjedhura kanë edhe programe studimi që parashikojnë zhvillimin e konkurseve, pikët për këto programe studimi do të dalin pas publikimit të rezultateve të konkurseve.

Kujdes: Kjo është mundësia fundit i konkurrentëve për saktësimin e të dhënave të tyre. Çdo konkurrent që ka plotësuar Formularin A2 është përgjegjës për të dhënat e tij, si edhe respektimin e afateve për përcjelljen e pasaktësive nëse ka të tilla.

Modalitetet e diplomimit

Në përfundim të kursit të plotë të programit të studimit, studentët kanë të drejtë të diplomohen për të fituar titullin përkatës profesional të përcaktuar në statut. Diplomimi bëhet si rregull nëpërmjet: përgatitjes dhe mbrojtjes së një teze diplome. Në raste të veçanta, vetëm për programet e studimit të ciklit të parë, diplomimi mund të bëhet me provim formimi në përputhje me kurrikulat mësimore të programeve të studimit.
Studenti nuk mund të mbrojë temën e diplomës / të japë provimin e formimit pa shlyer më parë të gjitha detyrimet dhe pa fituar numrin e krediteve të parashikuara në planet mësimore të programit përkatës të studimit.
Studenti, para mbrojtjes së punimit të diplomës/dhënies së provimit të formimit, duhet të ketë likuiduar të gjitha detyrimet financiare dhe materiale që mund të ketë me universitetin, bibliotekën shkencore, bibliotekën kombëtare, konviktet, etj.
Fakultetet përkatëse, brenda një muaji nga dita e fillimit të vitit shkollor, u bëjnë të njohur studentëve të vitit të fundit programet e provimeve të formimit dhe/ose tezat e diplomës.

Teza e diplomës të nivelit të parë

Teza e diplomës të nivelit të parë është një punim, në formën e një projekti apo përmbledhjeje punimesh të kryera në fushat e programit përkatës të studimit. Teza e
diplomës përmban kërkesa, mënyra e shtrimit të të cilave i jep mundësi studentit, që nëpërmjet njohurive të fituara gjatë periudhës së shkollimit, të tregojë aftësitë e tij për të zgjidhur elementë të veçantë të detyrave projektuese, probleme të prodhimit apo për të punuar me literaturën në fushën përkatëse.
Teza e diplomës eshtë e lidhur me disiplina të përafërta dhe mund të jetë individuale ose kolektive (dy-tre studentë). Në rastet e punimeve kolektive, studentet kanë të ndarë çështjet që do të trajtojnë, duke respektuar një ndarje afërsisht të barabartë të volumit të punës që do të kryejnë.
Tezat e diplomës dhe specialistët që do të udhëheqin punimin e tyre, përcaktohen nga departamenti përkatës dhe miratohen nga dekani i fakultetit. Në përcaktimin e tezave të diplomës, departamentet dhe fakultetet bashkëpunojnë me institutet kërkimore shkencore të UPT si dhe me institucione të tjera publike apo private që punojnë np style=ë fushat përkatëse.
Studenti ka të drejtë të shprehë dëshirën e tij në lidhje me tezën e diplomës që kërkon të zhvillojë, dhe udhëheqësin e tij. Ai mund të propozojë edhe vetë një tezë tjetër diplome sëbashku me udhëheqësin përkatës. Departamenti shqyrton të gjitha kërkesat specifike të studentëve, duke i harmonizuar ato me kushtet aktuale.

Këshilli Kombëtar Studentor – KKS është konstituar në datën 21.05.2008 , bazuar në ligjin nr. 9741, datë 21.05.2007 “Për Arsimin e lartë në Republikën e Shqipërisë”, i ndryshuar, neni 55 pas nje procesi zgjedhor të lirë, transparent dhe të pakontestueshëm.

Këshilli Kombëtar Studentor (KKS) është forumi legjitim, më i lartë, përfaqësues i studentëve shqiptarë dhe interesave të tyre. KKS është një institucion autonom dhe jashtë cdo ndikimi institucional dhe politik. Në Këshillin Kombëtar Studentor përfaqësohen të gjithë kryetarët e këshillave studentorë në nivel fakulteti të Universiteteve Publike dhe Jo publike.

Misioni i 'KKS'

Ne synojmë që të kemi një vizion të qartë përfaqësimi dhe promovimi të interesave akademike, kulturore, sociale, dhe ekonomike të studentëve shqiptarë.



Objektivat dhe Qëllimet

Promovimi i kësaj strukture dhe vënia në jetë e misionit të 'KKS' përmes implementimit të projekteve të 'KKS' dhe institucioneve të arsimit të lartë shqiptarë në bashkëpunim ndërmjet tyre.

Rritja e pjesëmarrjes së studentëve në vendimarrje dhe në jetën publike.

Te rrisim bashkëpunimin me forumet studentore kudo në botë dhe në veçanti me struktura të ngjashme europiane.

Trajtimi dhe vënia në dukje e problemeve thelbësore që hasin studentët shqiptarë në jetën akademike dhe sociale duke mos reshtur në ndjekien e tyre deri në momentin e zgjidhjeve të duhura.

Angazhimi dhe pjesëmarrja në jetën aktive social-kulturore dhe sportive të studentëve, duke u kthyer në menaxhuesit kreativë të kohës së tyre.

Nxitja dhe promovimi i vullnetarizmit rinor dhe rolit të të rinjve në zhvillimin e vendit.



Ky vizion është i konceptuar për të rritur përfaqësimin dhe vendimarrjen studentore.

Këshilli Studentor i Universitetit të Tiranës ka si objektiv të tij të promovojnë pjesëmarrjen e studentëve dhe koordinojnë përfaqësimin e tyre në organet drejtuese të institucioneve të arsimit të lartë, në strukturat mësimore-kërkimore dhe të shërbimeve. Këshillat e studentëve shprehin mendime dhe propozime për të gjitha problemet me interes të përgjithshëm të institucioneve të arsimit të lartë, si për planet dhe programet e studimeve, rregulloret për veprimtaritë mësimore, të drejtën për të studiuar, cilësinë e shërbimeve, zhvillimin e veprimtarive të ndryshme kulturore, artistike, sportive etj.





Aktivitetet e Këshillit Kombëtar Studentor

Dita e debatit:

Ky është një aktivitet ku studentët kanë mundësi të tregojnë aftësitë e tyre debatuese. Formati i debatit është ai i Karl Popper-it ku studentët ndahen në grupe me nga tre anëtarë dhe mbrojnë tezën e tyre në lidhje më një temë të caktuar. Debati i fundit i realizuar ka qenë ai në Fakultetin e Ekonomisë.