Human Rights in Democracy Centre

Një ligj më i fortë për mbrojtjen e grave!

Në angazhimin e radhës që QDNJD bëri për përmirësimin e Ligjit të Dhunës, 12 (dymbëdhjetë ) rekomandime janë reflektuar në ligjin e ri “Per Parandalimin dhe Mbrojtjen nga dhuna ndaj grave dhe dhunes në familje”, duke adresuar në mënyrë konkrete çështje thelbësore për mbrojtjen e viktimave.

Ato lidhen me:
✔️ informimin e viktimës gjatë gjithë procesit dhe të drejtën e ankimit pa kufizim
✔️ garantimin e provave, pa kufizime formale, përfshirë detyrimin e institucioneve mjekoligjore për lëshimin e dokumentacionit
✔️konsolidimi i kushteve për lëshimin e urdhrave të mbrojtjes, veçanërisht në rastet e përsëritjes së dhunës
✔️ shmangien e kontaktit fizik mes viktimës dhe autorit dhe informimin për lirimin e autorit
✔️ zhvillimin e procedurave edhe në mungesë të viktimës, dhënien e dëshmive pa praninë e saj dhe marrjen në pyetje në prani të psikologut
✔️ njoftimin e institucioneve arsimore kur të përfshirë janë fëmijët
✔️ vendosjen e masave mbrojtëse shtesë nga gjykata
✔️ përfshirjen e programeve të rehabilitimit për autorët në institucionet penitenciare
✔️ qartësimin e detyrimeve të qendrave shëndetësore dhe strukturave të policisë për trajtimin e dhunës në familje

Ky është një hap i rëndësishëm drejt forcimit të mbrojtjes ligjore të viktimave dhe rritjes së përgjegjësisë institucionale.

Shoqëria civile dëgjohet -dhe kur dëgjohet, sjell ndryshim real.

Me datën 21 Nëntor 2025 zhvilluam trainimin me pjesëmarrjen e 10 (dhjetë) SPZ të Komisaritit të Policisë nr. 4, Tiranë.

Pjesmarrësit u njohën me përgjegjësitë konkrete që parashikon legjislacioni kundër dhunës në familje si dhe risitë që sollën ndryshimet e fundit me ligjin nr. 125/2020 “Për disa shtesa dhe ndryshime në ligjin nr. 9669, datë 18.12.2006, “Për masa ndaj dhunës në marrëdhëniet familjare” të ndryshuar si dhe Protokolli i menaxhimit të rasteve të dhunës në familje në nivel vendor si dhe V.K.M-ja e Mekanizmit të Kordinuar të Referimit. U diskutuan në mënyrë të detajuar edhe përgjegjësitë e shtuara të punonjësve të policisë në kuadër të ndryshime të ligjit të dhunës në familje në vitin 2018 dhe 2020.

Gjatë trajnimit u trajtuan këto çështje:
•Hapat e trajtimit të rastit sipas Protokollit të Menaxhimit të Rasteve të Dhunës në familje në nivel vendor
•Njohja e pjesëmarrësve me përgjegjësitë në kuadër të legjislacionit kundër dhunës me bazë gjinore dhe dhunës në familje.
• Roli i spz-së dhe oficerit të policisë gjyqësore në vlerësimin e riskut për sigurinë e viktimës dhe lëshimin e UMPMM-së:
• Roli i policisë në monitorimin dhe ekzekutimin e urdhërave të mbrojtjes
Pjesëmarrësit u shprehën se trajnimet e vazhdueshme ndikojnë në përmirësimin e cilësisë së shërbimeve të ofruara për viktimat e dhunës në familje si dhe Informimin e punonjësve të policisë duke i njohur ata me kuadrin ligjor si dhe cështjet teknike të zbatimit të legjislacionit kundër dhunës në familje.

Aktiviteti u zhvillua në kuadër të projektit "Reduktimi i Dhunës me bazë Gjinore dhe praktikave të dëmshme përmes Qeverisjes me Ndjeshmëri Gjinore" i cili financohet nga Qeveria Italiane me mbështetjen e UNFPA Shqipëri.
UNFPA Albania

Me pjesëmarrjen e 25 (njëzetepesë) grave dhe vajzave zhvilluam në datat 7/8 Nentor 2025 dy takime informuese në Bashkinë Kamëz (Fasoneri).
Takimi synoi informimin dhe fuqizimin e grave dhe vajzave mbi të drejtat e tyre ligjore në rastet e dhunës në familje si dhe mbi shërbimet sociale që ofrohen nga Institucionet shtetërore.
Gjatë diskutimit u prezantuan dispozitat kryesore të Ligjit për mbrojtjen nga dhuna në marrëdhëniet familjare, procedurat për kërkimin e një Urdhëri Mbrojtjeje, roli i Policisë, Gjykatës dhe shërbimet sociale.
Gratë dhe vajzat pjesëmarrëse u shprehën se takimi shërbeu si një hapësirë e hapur dhe e sigurt për ndarje përvojash dhe solidariteti mes tyre.
Në përfundim të takimeve u ofrua këshillim ligjor 4 (katër) gra/vajza.
Aktiviteti u zhvillua në kuadër të projektit "Reduktimi i Dhunës me bazë Gjinore dhe praktikave të dëmshme përmes Qeverisjes me Ndjeshmëri Gjinore" i cili financohet nga Qeveria Italiane me mbështetjen e UNFPA Shqipëri.
UNFPA Albania

Në datat 4 dhe 5 Nëntor 2025, zhvilluam dy takime informuese me pjesëmarrjen e 17 grave dhe vajzave të Bashkisë Kamëz. Fokus I këtyre takimeve ishte njohja e grave dhe vajzave me legjislacionin e dhunës, masat mbrojtëse dhe shërbimeve ekzistuese që ofrohen nga institucionet shtetërore.
Fokus I vecantë iu kushtua dhunes ekonomike, martesave të hershme të cilat akoma vazhdonin të ishin prezente në këtë komunitet dhe aborti selektiv.
Takimi u zhvillua në formë bashkëbisdimi ku pjesëmarrëset ngritën shume problematika. U vërejt se ato nuk kishin asnjë informacion për sistemin e referimit (përvec strukturës së policisë së shtetit), ku mund të drejtohen apo edhe shërbimet sociale që mund të përfitojnë. Në fund të takimeve 6 (gjashtë) grave i’u ofrua këshillim ligjor.

Aktiviteti i zhvillua në kuadër të projektit"Reduktimi i Dhunës me Bazë Gjinore dhe praktikave të dëmshme përmes Qeverisjes me Ndjeshmëri Gjinore"i cili financohet nga Qeveria Italiane me mbështetjen e UNFPA Shqipëri