ACPD Albania

ACPD në bashkëpunim të ngushtë me Bashkinë Shkodër dhe organizatën partnere GADC mbajti Workshop-in përmbyllës për prezantimin e Raportit Watchdog dhe Udhëzuesit për zbatimin e rekomandimeve. Ky aktivitet shënon një hap të rëndësishëm në projektin: "Monitorimi i Buxhetimit të Ndjeshëm Gjinor dhe Financimit të Ndryshimeve Klimatike" dhe ndekjen etij në të ardhmen.

Gjatë hapjes së takimit Znj. Elona Hoxha (ACPD), Nënkryetarja e Bashkisë, Znj. Teuta Qyteza dhe Znj. Mirela Arqimandriti (GADC), theksuan rëndësinë e bashkëpunimit institucional për arritjen e rezultateve të mira në lidhje me buxhetimin e përgjigjshëm gjinor. Ekspertja Znj. Diamanta Vito prezantoi metodologjinë dhe rekomandimet konkrete për një buxhetim më efektiv dhe gjithëpërfshirës. Pjesëmarrësit ndanë reflektime mbi hapat e radhës për përmirësimin e proceseve monitoruese në nivel lokal.

Falenderojmë partnerët tanë për mbështetjen e vazhdueshme në këtë rrugëtim drejt barazisë dhe qëndrueshmërisë.

✍️ Ky projekt po zbatohet me mbështetjen e Agjencisë Austriake për Zhvillim dhe Agjencisë Suedeze për Zhvillim dhe Bashkëpunim Ndërkombëtar, në kuadër të Rrjetit Monitorues të BuxhetimitGjinor
Austrian Development Agency Gender Budget Watchdog Network Gender Alliance for Development Center (GADC) Bashkia Shkodër youth.centre_trokitje

Qendra Shqiptare për Popullsinë dhe Zhvillimin (ACPD) mori pjesë në një vizitë pune në Rumani, me ftesë të Prof. Doina Banciu, Presidente e Akademisë së Shkencave Rumune.
Delegacioni shqiptar u përfaqësua nga znj. Valentina Leskaj, ish-Ministre e Punës dhe Çështjeve Sociale të Shqipërisë dhe aktualisht Presidente e Bordit Këshillimor të ACPD, si dhe nga znj. Elona Hoxha, Drejtore Ekzekutive e ACPD.
Gjatë vizitës u zhvilluan takime institucionale dhe u nënshkrua një protokoll bashkëpunimi që synon veprime konkrete për mbështetjen dhe promovimin e te drejtave te grave në Rumani dhe Shqipëri në nivelet shkencore, kulturore dhe arsimore.
Gjithashtu, u zhvillua një takim me z. Mihai Oprescu, Sekretar i Përgjithshëm i Agjencisë Kombëtare për Mundësi të Barabarta, ku u prezantua progresi në kuadrin ligjor për mbrojtjen e grave dhe u diskutuan drejtime të përbashkëta veprimi për përmirësimin e jetës së grave në të dy vendet.