European Movement Albania

Open Balkan vs Procesi i Berlinit - Një qasje krahasimore - Arnold Fetallari

Artikulli i shkruar nga autori Arnold Fetallari sjell një shëmbëlltyrë të qartë krahasimore ndërmjet dy nismave Open Balkan dhe Procesit të Berlinit, procese këto të ndryshme me fokus një objektiv të përbashkët, përshpejtimin e integrimit të vendeve të Ballkanit Perëndimor në BE. Autori argumenton se
divergjencat ndërmjet tyre janë të dukshme, ku Procesi i Berlinit nga njëra anë paraqitet si një mekanizëm nën mbikëqyrjen e BE-së, ndaj harmonizimi i legjislacionit, gjithëpërfshrja dhe siguria e qëndrueshme janë bazat themelore të këtij procesi. Nga ana tjetër i pamohueshëm është pragmatizmi që ofronte Open Balkan, por njëkohësisht shfaqi mangësi të rëndësishme për shkak të mungesës së gjithëpërfshirjes së vendeve të Ballkanit Perëndimor dhe të një mekanizmi të qëndrueshëm mbikëqyrës. Autori thekson se mbivendojset rregullatore duhet të shmangen dhe një standard i unifikuar për të gjitha vendet e Ballkanit Perëndimor mund të ndihmojë ne arritjen e objektivit primar.

Ju ftojmë të lexoni artikullin e plotë në këtë link: https://www.eurospeak.al/news/kartolina/open-balkan-vs-procesi-i-berlinit-qasje-krahasimore/

Paneli i tretë tematik i Konferencës së Konventës Kombëtare për Integrimin Europian iu kushtua përmbushjes së reformave për Kapitullin 24 – Drejtësia, Liria dhe Siguria.

Zëvendësministrja e Punëve të Brendshme, Znj. Silva Caka, theksoi se objektivi tashmë është përmbushja e kritereve përmbyllëse deri në fund të vitit 2027. Sa i përket trafikimit të qenieve njerëzore, ajo theksoi rëndësinë e përfshirjes së organizatave që punojnë në terren në zbatimin e strategjive dhe ofrimin e të dhënave praktike. Ajo veçoi gjithashtu ngritjen e Observatorit për Drogat dhe Sistemit Kombëtar të Paralajmërimit të Hershëm si hapa të rëndësishëm në luftën kundër drogës, ndërsa në fushën e migracionit nënvizoi nevojën për forcimin e politikave të kthimit dhe marrëveshjeve të ripranimit me vendet e origjinës.

Z. Lutfi Minxhozi, Drejtues i Parë, Drejtoria e Integrimit dhe Planifikimit Strategjik, Policia e Shtetit, vlerësoi se integrimi europian ka orientuar reformat drejt forcimit të shtetit të së drejtës dhe kapaciteteve hetimore. Ai theksoi nevojën për hetime financiare më efektive, gjurmim dhe konfiskim të aseteve kriminale, si dhe forcimin e bashkëpunimit me mekanizmat europianë të sigurisë si Europol dhe EMPACT. Sfidat e reja përfshijnë krimin kibernetik dhe mbrojtjen e fëmijëve nga abuzimi online.

Znj. Redina Nasi, Përgjegjëse e Sektorit FINTECH, Drejtoria e Analizës Financiare, Agjencia e Inteligjencës Financiare, evidentoi se përdorimi i mjeteve virtuale dhe teknologjive fintech po e bën pastrimin e parave më të vështirë për t’u hetuar. Ajo ngriti nevojën për trajnime të specializuara, investime në teknologji dhe hartimin e udhëzuesve praktikë për mbrojtjen nga mashtrimet financiare dhe kibernetike.

Znj. Enkelejda Kallçiu, Drejtuese e Zyrës Kombëtare, Terre des Hommes në Shqipëri, vuri në dukje rolin e rëndësishëm të OShC-ve në mbrojtjen e grupeve vulnerabël, parandalimin e trafikimit, dhunës dhe ekstremizmit. Ajo theksoi se politikat efektive kërkojnë përfshirje reale të komuniteteve, ndërhyrje afatgjata dhe bashkëpunim të qëndrueshëm ndërmjet institucioneve dhe shoqërisë civile.

Autoriteti i Komunikimeve Elektronike dhe Postare (AKEP) dhe Lëvizja Europiane në Shqipëri (EMA) kanë kënaqësinë t’ju ftojë në takimin e radhës të Grupit të Punës për Kapitullin 23 - Gjyqësori dhe të Drejtat Themelore, organizuar në kuadër të Konventës Kombëtare për Integrimin Europian dhe i mbështetur nga Bashkimi Evropian.

Tryeza vjen në një fazë ku diskutimi për procesin e transpozimit të DSA në legjislacionin shqiptar ka marrë vëmendje të shtuar, dhe ku përfshirja për informim, dialog dhe ofrim rekomandimesh është veçanërisht e rëndësishme, sidomos në lidhje me mbrojtjen e të dhënave personale, garantimin e sigurisë në ofrimin e shërbimeve dhe vendosjen e mekanizmave që garantojnë lirinë e shprehjes dhe qasjen në informacion. Në këtë sesion do të prezantohet edhe eksperienca e Sllovakisë dhe BE-së mbi DSA, përfshirë gjetjet kryesore nga hulumtimi i politikave të EMA i përgatitur nga ekspertë sllovakë me fokus rastin e Shqipërisë dhe sfidat e përafrimit ligjor dhe institucional.

Ju ftojmë të konfirmoni pjesë marrjen tuaj në adresën [email protected].

📅 30 qershor 2026
🕙 09:00 - 11:00
📍 Xheko Imperial Hotel, Tiranë

*Kjo tryezë zhvillohet në kuadër të projektit “Ndërtimi i Partneritetit mbi Çështjet Themelore: Fuqizimi i OSHC ve për procesin e anëtarësimit në BE”, me mbështetjen financiare të Bashkimit Evropian – IPA Civil Society Facility 2021, i cili zbatohet nga Lëvizja Europiane në Shqipëri dhe në bashkëpunim me Akademinë e Integrimit Europian dhe Negociatave (AIEN), Slovak Foreign Policy Association (SFPA) dhe Qendrën për Transparencë dhe Informim të Lirë (CTFI).

European Union in Albania
Akademia e Integrimit Europian dhe Negociatave - AIEN
Slovak Foreign Policy Association
Qendra per Transparence dhe Informim te Lire, transparence.al