Estsi

Në kuadër të “Projekti Jean Monnet në fushën e Arsimit të Lartë: Moduli “Zhvillimi i Menaxhimit të Organizatave Publike dhe Administrimit Publik Evropian në kuadër të Shqipërisë në BE” është zhvilluar një lojë me simulime me studentët e Fakultetit të Ekonomisë, Universiteti i Tiranës.

Gjatë lojës së simulimit, studentët morën role të ndryshme, duke përfaqësuar aktorë kyç si përfaqësues të qeverisë shqiptare, institucione të Bashkimit Evropian dhe organizata të shoqërisë civile. Detyra e tyre ishte të negociojnë dhe të paraqesin politika strategjike për zhvillimin e sektorëve kyç si ekonomia, infrastruktura, energjia dhe mjedisi, me qëllim përshpejtimin e procesit të anëtarësimit të Shqipërisë në BE.

Ky aktivitet vë në pah aftësitë e analizimit të situatave komplekse, negociatat ndërinstitucionale dhe formulimin e politikave efektive, e cila lidh teorinë me praktikën, si dhe vë në dukje rëndësinë e angazhimit aktiv të të rinjve në çështjet publike dhe europiane.

Në kuadër të “Projekti Jean Monnet në fushën e Arsimit të Lartë: Moduli “Zhvillimi i Menaxhimit të Organizatave Publike dhe Administrimit Publik Evropian në kuadër të Shqipërisë në BE” është zhvilluar Rasti Studimor me studentët e Fakultetit të Ekonomisë, Universiteti i Tiranës ku në fokus ishte diskutimi për rekrutimin dhe seleksionimit në Administratën Publik.

Qëllimi i rastit studimor ishte analizimi dhe eksplorimi i dinamikave të rekrutimit dhe seleksionimit në Administratën Publike të Shqipërisë, ku u trajtuan proceset aktuale të rekrutimit, duke identifikuar sfidat dhe potenciale e tyre në kontekstin vendas.

Këto aspekte praktike shërbyen si një platform e rëndësishme për përgatitjen e studentëve për karrierë në Administratn Publike, duke zhvilluar aftësi kritike dhe analitike të nevojshme për t’u përshtatur me kërkesat dhe sfidat e një mjedisi të përbashkët evropian.

Diskutimet krijuan një ndërveprim me ekspertizën akademike dhe profesionale, duke rritur kështu kompetencat e tyre në fushën e politikave publike dhe administratën evropiane.