Insight Sage

Katër në pesë shqiptarë të Shqipërisë (79,2%) do të votonin pro bashkimit në një shtet të vetëm të Shqipërisë dhe Kosovës, nëse do të thirreshin sot në një referendum për këtë çështje.
90% mendojnë se Shqipëria dhe Kosova janë një komb i vetëm.

Gëzuar Pavarësinë!

(Barometri, Euronews, Data centrum dhe MRB, tetor 2022).

Nën tymin e duhanit, rreth tavolinave të kafeneve në Tiranë a gjetkë nëpër Shqipëri, qarkullojnë plot legjenda urbane statistikore. A e di të thonë që për çdo burrë ka 4 gra në Shqipëri? Jo, hidhet tjetri, une kam dëgjuar që ka 7, si në parajsë.
Statistikat e qiellit nuk i aksesojmë dot, por të vendin tonë po.
Instituti Statistikave raporton se raporti gjinor i popullsisë gjithsej më 1 janar 2023 është 98,0 meshkuj për 100 femra. E thënë ndryshe popullsia përbëhet nga 49.5% meshkuj dhe 50.5% femra.

Gëzuar Ditën Evropiane të Statistikave
Gëzuar Instituti i Statistikave (INSTAT)
20 Tetor 2023

… dhe mos harroni truri i njeriut është i aftë për gjëra të pabesueshme, por ndonjëherë është gjithashtu i mangët. Ne priremi të bëjmë shumë gabimeve mendore si psh:
🧠 Tentojmë të vemë re vetëm ato gjëra që i kemi tashmë në arkivën e memorjes tonë ose që na konfirmojnë besimin që kemi krijuar.
🧠Projektojmë perjetimet apo mendimet e momentit në të shkuarën apo të ardhmen.
🧠 Thjeshtëzojmë probabilitet dhe të dhënat numerike për ti bërë më të përtypshme për trurin.
🧠 Pretendojmë se e dimë ç’mendojnë të tjerët por asimetrikisht ata nuk e dinë se ç’mendojnë ne.

Në total, ka mbi 180 paragjykime njohëse (cognitive bias) që ndërhyjnë në mënyrën se si ne përpunojmë të dhënat, mendojmë në mënyrë kritike dhe perceptojmë realitetin. Sigurisht, kjo është e gjitha pjesë e të qenit njerëzor - por paragjykimet e tilla njohëse mund të kenë gjithashtu një efekt të thellë në përpjekjet, investimet dhe jetën tonë në përgjithësi.

Herën tjetër që duhet të marrësh vendime të rëndësishme për biznesin ose organizatën tënde, lidhu me një studjues të jashtëm objektiv. Kontrolloji njohuritë e tua mbi tregun me analiza sistematike tregu. Kij besim tek intuita jote por furnizoje atë me dije korrekte dhe të rifreskuara.