TIME MEDIA

Sot në Shkup u hap zyrtarisht Panairi i Librit, një nga ngjarjet më të rëndësishme të kulturës dhe botimeve në rajon, i cili këtë vit mbledh rreth 40 shtëpi botuese nga vende të ndryshme.
Organizimi i panairit është realizuar nga Irena dhe Fatmir Toçi, të cilët kanë sjellë një program të pasur me tituj të rinj, takime me autorë dhe diskutime mbi prirjet e reja të letërsisë dhe botimeve.
Ambientet e panairit u mbushën që në orët e para me lexues, studentë dhe dashamirës të librit, duke krijuar një atmosferë të gjallë dhe të ngrohtë kulturore. Botuesit pjesëmarrës prezantojnë një gamë të gjerë veprash, nga letërsia artistike te studimet dhe botimet akademike, duke i dhënë publikut mundësinë të njohë prurjet më të fundit të tregut të librit.
Panairi pritet të vijojë për disa ditë me aktivitete të ndryshme, promovime dhe takime me autorë, duke e kthyer Shkupin në një qendër të vërtetë të librit dhe mendimit kulturor në rajon.