Muza Botime

"Premtimi", nga Florinda Dodaj
Redaktoi: Klodiana Metani
Faqe: 208
Çmimi: 1000 Lekë / 10 Euro

Në librin e saj të tretë, Florinda Dodaj sjell një histori dashurie që lind mes ëndrrave, sprovohet nga koha dhe vihet përballë frikës më të madhe: humbjes.
“Premtimi” është rrëfimi prekës i Aminës dhe i Lukës, dy të rinjve që besojnë se dashuria e vërtetë nuk shuhet as nga largësia, as nga dhimbja, as nga pandemia që ndali botën. Kur jeta i vendos përballë sfidave që askush nuk i kishte imagjinuar, ata duhet të mbajnë gjallë jo vetëm shpresën, por edhe premtimin që i kanë bërë njëri-tjetrit.

Mes lotëve, kujtimeve dhe ëndrrave të pathëna, ky roman na kujton se disa dashuri nuk maten me kohën që zgjasin, por me gjurmën që lënë në zemër.

“Premtimi” është një histori për dashurinë që sfidon fatin, për forcën e shpirtit njerëzor dhe për ato ndjenja që mbeten pezull në ajër… edhe kur gjithçka tjetër duket se ka marrë fund.

1 Qershorin e festojmë me libra të rinj 📚🎁

“Tregime dhe përralla për fëmijë”, shkruar nga Vasil A. DEDJA
Redaktoi: Klodiana Metani
Faqe: 70
Çmimi: 600 Lekë / 6 Euro

“Tregime dhe Përralla për fëmijë” është një përmbledhje me 15 tregime dhe përralla për fëmijë, ku fantazia ndërthuret me vlera të rëndësishme njerëzore. Përmes aventurave të personazheve të dashura, fëmijët mësojnë për miqësinë, guximin, dashurinë, respektin dhe fuqinë e mirësisë. Me gjuhë të thjeshtë dhe mesazhe edukative, autori Vasil Dedja synon të argëtojë dhe njëkohësisht të ndihmojë në formimin moral dhe emocional të lexuesve të vegjël.

Të rritesh mes teknologjisë dhe ritmit të shpejtë të përditshmërisë, nuk është e thjeshtë. Libri “Tregime dhe përralla” vjen si një ftesë për t’u rikthyer te magjia e rrëfimit, tek imagjinata fëmijërore dhe te vlerat që ndërtojnë karakterin.