Dega Doganore Shkoder

⏳ Afati i parë i Paqes Fiskale po afron!

Kanë mbetur edhe 15 ditë për të aplikuar dhe për të përfituar nga lehtësitë e parashikuara për detyrimet doganore.

📅 Deri më 30 Qershor 2026, subjektet debitore mund të përfitojnë:
✅ Fshirjen e 50% të detyrimit kryesor
✅ Fshirjen e 100% të gjobave dhe kamatëvonesave

🌐 dogana.gov.al

📌 Dogana në 1 Javë | 8–14 Qershor
Një përmbledhje e aktiviteteve kryesore të javës:

🔹 Drejtori i Përgjithshëm i Doganave, së bashku me Ministrin e Financave dhe Ambasadorin e Mbretërisë së Bashkuar në Shqipëri, inspektuan në Bllatë investimin për modernizimin e sistemeve të monitorimit dhe kontrollit kufitar.

🔹 Dogana Shqiptare mori pjesë në takimin përgatitor të Operacionit Ndërkombëtar “LYNX” në Bukuresht, nën koordinimin e Organizatës Botërore të Doganave.

🔹 Dogana Durrës, në bashkëpunim me Policinë e Shtetit, sekuestroi gjatë kontrolleve në Portin e Durrësit lëndë narkotike të dyshuar si kokainë, gurë të çmuar të dyshuar si diamante dhe pajisje për detektimin e metaleve të çmuara.

🔹 Drejtori i Përgjithshëm i Doganave përfaqësoi Shqipërinë në Konferencën e Tretë të Drejtorëve të Përgjithshëm të Doganave të Ballkanit Perëndimor dhe BE-së në Athinë.

🔹 Përfaqësues të Doganës Shqiptare morën pjesë në tryezën kombëtare për forcimin e bashkëpunimit në mbrojtjen e trashëgimisë kulturore dhe luftën kundër trafikimit të paligjshëm.

🔹 Administrata Doganore Shqiptare mori pjesë në seminarin rajonal kundër trafikimit të drogave sintetike dhe prekursorëve kimikë, të zhvilluar në Beograd.

➡️ Një javë e fokusuar në modernizim, bashkëpunim dhe forcimin e rolit të Doganës Shqiptare.

☀️ Sezoni veror sjell më shumë lëvizje në kufi.

Në Muriqan, Han të Hotit dhe Grabom, strukturat doganore janë në gatishmëri të plotë për të garantuar përpunim sa më të shpejtë dhe shërbim cilësor për qytetarët.