Benet Beci

Shkodra sot flet në shumë gjuhë, por buzëqesh njësoj për të gjithë.
Turistë në çdo cep 🥰🤩

Me financim të miratuar nga Bashkimi Evropian, Qeveria Gjermane dhe Qeveria Zvicerane, pritet të nisë një nga projektet më të rëndësishme mjedisore dhe infrastrukturore për Shkodrën ndër vite: ndërtimi i Impiantit të Trajtimit të Ujërave të Përdorura të qytetit.

Projekti, që po zbatohet nëpërmjet KfW-së ndodhet tashmë në fazën e prokurimit të punimeve, përfshin ndërtimin e impiantit modern të trajtimit, rehabilitimin e stacionit kryesor të pompimit, ndërtimin e linjës kryesore të transmetimit drejt impiantit, si dhe kalimin nëntokësor të tubacionit poshtë lumit Buna përmes teknologjisë së mikro-tunelimit, në përputhje me standardet dhe direktivat e Bashkimit Evropian për trajtimin e ujërave urbane.

Ky investim madhor synon të reduktojë ndjeshëm derdhjen e ujërave të ndotura të patrajtuara në Liqenin e Shkodrës, lumin Buna dhe lumin Drin, duke eliminuar ngarkesat organike dhe kimike në liqen dhe ndikimin negativ në ekosistemet ujore të zonës.

Mbrojtja e Liqenit të Shkodrës dhe biodiversitetit të tij unik nuk është vetëm çështje mjedisi, por edhe një investim strategjik për cilësinë e jetës, zhvillimin ekonomik dhe të ardhmen turistike të qytetit dhe gjithë rajonit.

E mirëkuptoj dëshirën e deputetëve të rinj për të bërë lajm duke kritikuar fenomene negative se dhe çdo projekt apo çdo ndërhyrje publike është pjesë e politikës, por do të ishte shumë më e dobishme që kjo energji të fokusohej te problemet që ende nuk kanë marrë rrugën e zgjidhjes, dhe jo te projekte madhore që janë financuar nga partnerët ndërkombëtarë, janë në proces konkret zbatimi dhe i shërbejnë interesit afatgjatë të Shkodrës dhe qytetarëve të saj.

Ambasadorë, përfaqësues të institucioneve qendrore dhe partnerë ndërkombëtarë të UNDP ishin sot në Bashkinë Shkodër në kuadër të projektit RESEAL II, program që mbështet forcimin e kapaciteteve të Mbrojtjes Civile dhe menaxhimin e riskut nga fatkeqësitë natyrore.
Gjatë takimit me Z. Philipp Arnold, Zëvendës Shef i Misionit në Ambasadën e Zvicrës në Tiranë, si dhe Francisco Roquette përfaqësues rezident UNDP si dhe përfaqësues të AKMC dhe znj. Adisa Bala, Drejtoria e Zvogëlimit të Riskut, diskutuam mbi progresin e projektit dhe forcimin e kapaciteteve operacionale në Bashkinë Shkodër.
Një tjetër hap konkret për një Shkodër më të përgatitur dhe më të sigurt përballë emergjencave civile.