Qendra Multifunksionale Pogradec

🎭✨ Ditën e djeshme, Teatri i Kukullave “Piro Xëci”, Pogradec, mirëpriti fëmijë nga qyteti ynë, por edhe turistë të ndryshëm, të cilët ndoqën me interes shfaqjen “Ta pësosh që të mësosh”.

Me buzëqeshje, duartrokitje dhe plot entuziazëm, vogëlushët u bënë pjesë e aventurave të personazheve, duke kaluar momente argëtimi dhe duke marrë njëkohësisht mesazhe të vlefshme edukative përmes magjisë së teatrit.

🌞 Ju kujtojmë se shfaqja “Ta pësosh që të mësosh” do të vazhdojë të vihet në skenë gjatë gjithë sezonit veror, çdo të mërkurrë dhe të shtunë, në orën 11:00, në Teatrin e Kukullave “Piro Xëci”.

🎟️ Ju mirëpresim të kalojmë së bashku të tjera momente të bukura në botën magjike të teatrit!

🌞 Programi i Muajit Korrik 2026
Një muaj i mbushur me art, muzikë, traditë dhe aktivitete për të gjitha moshat ju pret në Pogradec.
•Koncerte
• Ekspozita
• Teatër
• Folklor
• Aktivitete sportive
Shfletoni programin dhe bashkohuni me ne në një verë plot argëtim.
📍Ju mirëpresim!

🎶✨ Mbrëmjen e sotme, në skenën e Odeonit, u zhvillua me sukses koncerti i grupit “Nostalgjia”, një mbrëmje e mbushur me muzikë, emocione dhe kujtime të bukura.

Interpretimet e artistëve sollën pranë publikut këngë të dashura që u pritën me duartrokitje dhe ngrohtësi nga qytetarët dhe vizitorët e shumtë, të cilët krijuan një atmosferë të mrekullueshme në këtë mbrëmje verore.

🌟 Muzika, emocionet dhe energjia pozitive u ndërthurën në një koncert që dëshmoi edhe një herë se arti ka fuqinë të bashkojë njerëzit dhe të krijojë kujtime të paharrueshme.

👏 Falënderojmë të gjithë artistët e grupit “Nostalgjia” për performancën e tyre, si dhe publikun që ishte pjesë e kësaj mbrëmjeje të veçantë.

☀️ Shihemi në aktivitetet e radhës! Vera kulturore në Pogradec vazhdon me plot surpriza dhe mbrëmje artistike për të gjithë.