Sulimankhail

یو بل ښه خبر
کابل ښاروالی د بیروبار د مخنیوي په موخه د «نجات څلي» څلورلارې کې د یوه هوایي پل د جوړولو پلان چمتو کړی چې ډیر ژر به پرې کار شروع کړي.
ددوی د پلان له مخې یاد پل په ټولیزه توګه ۴۵۰ متره اوږدوالی او ۲۸ متره سور لري.

سعودي عربستان وايي افغانان نور پاکستاني پاسپورټ ته اړتیا نلري له دې وروسته به
By luka / جنوري 1, 2026
سعودي عربستان افغانانو ته يو مهم او هيله‌بښونکی خبر اعلان کړی او ويلي يې دي چې هغه افغانان چې د سفر لپاره د پاکستاني پاسپورټ څخه په جعلي ډول استفاده کوي، نور به دې کار ته اړ نه وي. د سعودي چارواکو په وينا، له دې وروسته به ټولو افغانانو ته د افغاني پاسپورټ پر بنسټ ويزې ورکول کېږي او د تابعيت په اړه به سختې ستونزې نه ورپېښېږي.

د سعودي عربستان دا پرېکړه په داسې حال کې شوې چې په تېرو کلونو کې ډېری افغانان د قانوني اسنادو د نشتوالي له امله اړ شوي وو چې د پاکستاني پاسپورټونو څخه په غيرقانوني ډول استفاده وکړي. دغه چاره نه يوازې قانوني ستونزې رامنځته کولې، بلکې افغانان يې له جدي خطرونو سره هم مخ کول.

سعودي چارواکي وايي چې دا ګام د افغانانو د اسانتيا لپاره پورته شوی او هدف يې دا دی چې افغان اتباع وکولای شي په شفاف او قانوني ډول د حج، عمرې، کار او نورو سفرونو لپاره سعودي عربستان ته ولاړ شي. د دوی په خبره، د افغاني پاسپورټ درلودونکي افغانان به اوس د ويزې په بهير کې له تبعيض سره نه مخ کېږي.

دغه اعلان د افغانانو له لوري په پراخه کچه هرکلی شوی او ډېری خلک دا د يوې سترې لاسته راوړنې په توګه يادوي. يو شمېر افغانان وايي چې دا پرېکړه به د جعلي اسنادو بازار ته هم سخت زيان ورسوي او خلک به نور اړ نه وي چې د ناقانونه لارو څخه استفاده وکړي.

شنونکي باور لري چې د سعودي عربستان دا اقدام به نورو هېوادونو ته هم يو مثبت پيغام ولېږي، څو د افغان پاسپورټ قانوني حيثيت ومني. د دوی په اند، که دا لړۍ دوام وکړي، نو افغانان به وکولای شي د نړۍ په بېلابېلو هېوادونو کې په اسانه او باعزته ډول سفرونه ترسره کړي.

#کاپی

#زموږافغانستان