EYU Myanmar Scouts

♦️သွေးယိုစီးခြင်း (bleeding )

📝ခန္ဓာကိုယ်ရဲ့ဘယ်နေရာမှမဆို ဒဏ်ရာကြောင့်ဖြစ်စေ ရော‌ဂါကြောင့်ဖြစ်စေ သွေးယိုစီးခြင်းကို ဖြစ်ပေါ်စေပါတယ်။ လူတစ်ဦးရဲ့ ခန္ဓာကိုယ်မှာ ၅လီတာကနေ ၆လီတာအထိရှိပြီး ၎င်းတို့အနက် သွေး(၂)လိီတာဆုံးရှုံးပါက အသက်အန္တရာယ် စိုးရိမ်နိုင်ပါတယ်။ထို့ကြောင့်ရှေးဦးပြုစုသူတစ်ဦးအနေဖြင့် သွေးယိုစီးသောလူနာကို သွေးတိတ်စေရန် ချက်ချင်းပြုစုပေးရမည်ဖြစ်ပါတယ်။

📌သွေးယိုစီးခြင်းအမျိုးအစား

▪️သွေးယိုစီးခြင်းအမျိုးအစား (၂)မျိုးရှိပါတယ်။

(က) အပြင်သွေးယိုစီးခြင်း

‌(ခ) အတွင်းသွေးယိုစီးခြင်းတို့ဖြစ်ပါတယ်။

📌 အပြင်သွေးယိုစီးခြင်း

(က) သွေးလွတ်ကြောထိခိုက်ခြင်းမှယိုစီးခြင်း

▪️သွေးလွှတ်ကြောများမှ ထွက်သောသွေးသည် နီးမြန်း၍ နှလုံးခုန်ချက်နှင့်အညီ သွေးများပန်းထွက်လာတတ်ပါတယ်။

(ခ) သွေးပြန်ကြောထိခိုက်ခြင်းမှ ယိုစီးခြင်း

▪️သွေးပြန်ကြောထိခိုက်ခြင်းမှ ယိုထွက်သောသွေးသည် ဖြည်းညှင်းစွာ ထွက်ပြီး နီညိုသောအရောင်ရှိပါတယ်။

(ဂ) ဆံချည်မျှင်သွေးကြောထိခိုက်ခြင်းမှယိုစီးခြင်း

▪️ဆံချည်မျှင်သွေးကြောထိခိုက်ခြင်းမှ ယိုထွက်သောသွေးသည် တဖြည်းဖြည်းစိမ့်ထွက်ပါတယ် ။

📌 အတွင်းသွေးယိုစီးခြင်း

▪️ခန္ဓာကိုယ်အတွင်း သွေးယိုစီးခြင်းဖြစ်ပါက အောက်ပါအခြေအနေနှစ်ရပ်ကို တွေ့မြင်နိုင်ပါတယ် ။

(က) မြင်နိုင်သော အတွင်းသွေးယိုစီးခြင်း

▪️အဆုတ်မှသွေးများ ဟပ်ထုတ်လိုက်ခြင်းသည် နီရဲပြီးအမြှုပ်များ ပါပါတယ်။

▪️အစာအိမ်မှသွေးများ အန်ထုတ်ခြင်းသည် ကော်ဖီရောင်(သို့မဟုတ်) ညိုပုပ်သောအရောင်ရှိပါတယ်။ အူသိမ်များမှ ထွက်သောသွေးသည် အစာဟောင်းများဖြင့်ရောနှော၍ ကတ္တရာစေးကဲ့သို့မဲနက်သောအရောင်ရှိသည့် ကျင်ကြီးများပါတတ်ပါတယ်။

▪️အူမကြီးမှထွက်သောသွေးသည် နဂိုအညိုအရောင် ရှိတတ်ပါတယ်။

▪️ကျောက်ကပ်မှ ဆီးနှင့်ရောထွက်သောသွေးသည် အနီရောင်ရှိပြီး ဆီးသွားတိုင်း ကျောက်ကပ်ရှိသော နေရာတွင်နာတတ်တယ်။

▪️ဆီးအိမ်မှထွက်သောသွေးသည် ဆီးနှင့်သွေးရောလျက် ဆီးသွားရာတွက်အခက်အခဲ တွေ့နိုင်ပါတယ်။

(ခ)မမြင်နိုင်သော အတွင်းသွေးယိုစီးခြင်း

▪️ဦးခေါင်း ၊သရွက်ရွက် ၊အသည်းတို့မှ သွေးယိုစီးခြင်းဖြစ်ပါက အပြင်ဘက်သို့မထွက်သာကြောင့် အန္တရာယ်ရှိနိုင်ပါတယ်။

📌သွေးယိုစီးခြင်းဖြစ်သော လူနာ၏လက္ခဏာများ

📝သွေးယိုစီးခြင်းဖြစ်သောလူနာများတွင် တွေ့ရမည့်လက္ခဏာများမှာ မူးဝေခြင်း ၊ အော့အန်ခြင်း၊ နှုတ်ခမ်းနှင့် အသားအရေများ ဖြူဖတ်ဖြူရော်ဖြစ်ခြင်း ၊ပြာနှမ်းခြင်း ၊ဂဏာာမငြိမ်ဖြစ်ခြင်း ၊အသားအရေအေးစက်ခြင်း ၊အသက်ရှူနှုန်းမြန်ခြင်း ၊ သွေးတိုးအားပျော့ခြင်း၊ ရေငတ်ခြင်း၊ သတိလစ်ခြင်း၊ သွေးယိုသည့်နေရာများတွင် သွေးခြေဥခြင်း၊ ပုံသဏ္ဍာန်ပြောင်းခြင်းတို့ကို တွေ့ရမည်ဖြစ်ပါတယ်။

📌 အပြင်သွေးယိုစီးခြင်းဖြစ်သော လူနာကိုပြုစုခြင်း

▪️၁။ ရှေးဦးပြစုသူအနေဖြင့် အပြန်အလှန်ရောဂါကူးစက္မှု မရှိစေရန်အတွက် လက်အိတ်၀တ်ဆင်ပြီး ပြုစုပါ။

▪️၂။ သွေးယိုစီးခြင်းကို ထိန်းချုပ်နိုင်ရန်အတွက် တိုက်ရိုက်ဖိနှိပ်နည်း (Pressure Method ) ကိုသုံးပါ။

(က) ဒဏ်ရာအတွင်း စိုက်၀င်နေသောအရာရှိ/မရှိ ကိုကြည့်ပါ။

(ခ) ဒဏ်ရာပေါ်သို့ ဆေးထည့်ပိတ်ပါးစ (သို့) သန့်ရှင်းသောအ၀တ်စတင်ပြီး (၁၀) မိနစ်ခန့် တိုက်ရိုက်ဖိနှိပ်ထားပါ။

(ဂ) ဒဏ်ရာအစိတ်အပိုင်းကို မြှင့်တင်ထားပါ။

(ဃ)ဆေးထည့်ပိတ်ပါးစပေါ်တွင် တိုက်ရိုက်ဖိနှိပ်ခြင်းဖြင့် ပတ်တီးစည်းပါ။

▪️၃။ သွေးစီးစင်းမှုလျော့နည်းစေရန်နှင့် သွေးဆုတ်သွေးလန့်ခြင်းမှ ကာကွယ်နိုင်ရန်အတွက် လူနာကိုလဲလျောင်းထားပါ။

▪️၄။ ဒဏ်ရာမှ သွေးဆက်လက်ထွက်နေပါက ပထမစည်းထားသေားပိတ်စ လုံး၀ဖယ်ရှားခြင်းမရှိပဲ ၎င်းအပေါ်တွင်ပိတ်ပါးစထပ်တင်ပြီး ပတ်တီးစည်းပါ။

▪️၅။ ဒဏ်ရာအတွင်းတွင် စိုက်၀င်နေသော အရာများရှိပါက ကရွတ်ခွေခံ၍လည်းကောင်း ၊ စိုက္၀င်နေသောအရာ၀တ္တု၏ ဘေးတစ်ဖက်တစ်ချက်တွက် အ၀တ်ခေါက်ထူထူခံ၍ ပတ်တီးစည်းပါ။

📌အတွင်းသွေးယိုစီးခြင်းဖြစ်သော လူနာကိုပြုစုခြင်း

▪️၁။ အဆုတ်နှင့်နှလုံးသို့ သွေးလည်ပတ်မှုရှိစေရန်အတွက် အလွန်အရေးကြီးပါတယ်။

▪️၂။လူနာကို လုံး၀ငြိမ်သက်စွာ ပက်လက်လဲထားပါ။

▪️၃။တင်းကြပ်သောအ၀တ်အစားများကို လျှော့ပြီးအားပေးစကားပြောပါ။

▪️၄။အတွင်းသွေးယိုစီးသောလူနာများသည် သွေးဆုတ်သွေးလန့်ခြင်းဖြစ်ပြီး အရေပြားဖြူဖျော့ကာ ကယောင်ကတမ်းဖြစ်လာမည်။ ရေငတ်ပါတယ်။ ရေလုံး၀မတိုက်ပါနှင့်။ အစားအစာပေးခြင်းမှရှောင်ကျဉ်ပါ။

▪️၅။ရင်ခေါင်းပိုင်းနှင့် ၀မ်းဗိုက်ပိုင်းတို့တွင် ရေနွေးအိတ်၊ ရေနွေးပုလင်းများမတင်ရ။

▪️၆။လူနာချမ်းတုန်လာပါက နွေးထွေးစွာထားပါ။

▪️၇။အတွင်းသွေးယိုစီးခြင်းဖြစ်သည့်နေရာ၊ သွေးပမာဏ၊ သွေးနမူနာများကို မှတ်သားပါ။

▪️၈။လူနာကိုလှုပ်ရှားမှု နည်းနိုင်သမျှနည်းအောင် ပြုစုရမည်ဖြစ်သလိုအညင်သာဆုံးကိုင်တွယ်၍ ဆေးရုံသို့အမြန်ဆုံးပို့ဆောင်ပါ။

‼️ရှောင်ရန်အချက်္များ

▪️သွေးထိန်းစည်းနှောင်ကြိုး(Tourniquet)မသုံးရ။

▪️ရေနွေးအိတ်မသုံးရ။

ကိုးကား- အခြေခံရှေးဦးပြုစုခြင်းလက်စွဲ ။

ခန္ဓာကိုယ်အတွင်းရှိ သွေးအကြောင်းကို အောက်ပါ links တွင် ဝင်ရောက်ဖတ်ရှုနိုင်သည်။

https://www.facebook.com/540327992825664/posts/1637826769742442/